ching 係呢度極少數或唯一會睇「全民退休」係乜既人,其實唔講、唔提,唔等於唔存在,我之前不止一次指出,現在有近1/4長者領綜援,有近半領生果金,將來,數字一定會繼續增加,所以前幾年政府開始實行強積金,總算聊勝於無,但都有很大弊害,怨氣甚深;
人口老年化問題無疑係社會負擔,但總要面對,如果繼續好似以前咁,只顧現在不理將來,問題只會愈滾愈大;
無全民養老金,日後老人綜援一樣會有增無減,會愈來愈多人為領綜援,而放棄與家人同住,自己獨立申請另一間長者屋,結果政府又要對之加強照顧,社會付出可能更多,到頭來一樣要市民找數;
錢唔會無端端多出來,無可否認,有能力既人必會多付一點,其實稅制也如是,財富再分配,不是新鮮事;而實行全民養老金之同時,當也要檢討福利政策,一方面用多左錢,另一面就要節省;人口老化係每個社會都要面對既問題,特別係香港人咁長命,就更加係大問題,躲不了。