搞到咁嘅田地,誰之過?
問題係泛民固步自封,不思進取,只食老本,心存僥倖!
以為大喊2012雙普選,上街遊行抗議就掂嘅話,咁阿水都識做啦!
好似民主黨,班大佬嘅思維根本仲停留係7.1嘅年代,以為一切嘢都會由天跌落黎,乜都唔做。其實而家最需要嘅係黨內的改革,運作同方針嘅改革!如果只係換個主席或領導層,根本無濟於事,因為只係換湯不換藥。勵精圖治,對症下藥,先而係出路!
建制派已經非常團結同有規模,如果泛民仲唔急起直追、發春秋大發夢嘅話,08年嘅立法會選舉一定輸到仆街!
愛之心、恨之切,見到泛民一盤散沙,不思進取,實在十分心痛,希望泛民睇到我呢篇文章,能夠深切反省!
願共勉之