• 瀏覽: 15,235
  • 回覆: 61
  • 追帖: 1
  • 分享: 1
乘搭巴士最重要互諒互讓。本港網絡流傳1段影片,指巴士車廂內有多名乘客因打尖爭執,其中2名大叔咆哮指罵1名年輕男乘客打尖,男乘客解釋排隊時有誤會,但2名大叔仍連珠炮發,更挑釁叫男乘客報警,聲言「我識咁多差人!你話我玩嘢啊!」。男乘客於是報警指被恐嚇,大叔不滿,叫男乘客下車,大叔亦叫兩名女兒下車,但女兒已被嚇哭,勸阻大叔下車,大叔最終坐回座位,惟仍大聲「攞尾彩」說「打尖仲阿支阿左」。

影片引來網民熱議,不少人支持年輕男乘客,「聽對話似係1條隊有另外幾架車,似係年輕人以為個阿叔唔係上車所以上咗唔係有心,咁佢都好有禮貌解釋返啦,嘈乜」、「都幾高EQ」、「條片我只係見到1個躁狂,不停勁大聲X嗰兩個人」、「乜都報警、浪費時間」。但亦有網民認為「打尖抵X」、「搞到人哋咁扯火!後生個個就講少兩句啦!」。

本港網絡流傳1段影片,指巴士車廂內有多名乘客因打尖爭執,其中2名大叔咆哮指罵1名年輕男乘客打尖。(影片截圖)

有港男在Facebook群組「香港突發事故報料區」發布2段影片,指昨日(6月8日)晚上8時半回元朗方向的九巴268B上,有多名乘客因打尖爭執報警,結果嚇哭小女孩,「當時只係第3個站,巴士上仍有大把位。其實帶住細路又小小事,就唔好玩到報警啦,嚇到啲細路喊晒」。

第1段影片見到,巴士上層樓梯座位位置,2名大叔正圍着1名年輕男乘客,男乘客解釋,「唔知前面邊個上車啊嘛,先生,有陣時前面啲人唔係排緊呢條隊㗎嘛,唔係上呢㗎車㗎嘛」。

聞言其中1名大叔手指指激動喝罵,「咁我咪叫你排隊囉!叫你排隊啊!」。男乘客勸喻「冷靜啲先生」,大叔隨即挑釁表示「報警囉不如」,男乘客則回應「報警啦,咁樣」。

第2段影片見到,2名大叔仍在圍罵男乘客,男乘客指「你話要報警啊嘛,咁咪叫你報警囉」,其中1名大叔咆哮「報啊!成車人坐喺度,報!」後坐下,惟另1名穿灰色上衣大叔未有停口,喝斥「玩咩啊?邊有玩你啊?你頭先講個玩字,我先火X滾咋!我使唔使報警啊?我識咁多差人。你話我玩嘢啊!玩玩玩,我玩咩嘢啊?」。

2名大叔之後叫男乘客「即刻報警啊!即刻報」,現場開始傳來小女孩哭聲。男乘客之後取出手機報警指遭恐嚇,大叔再度火起,「我邊有恐嚇你啊?你話玩我啊!你打尖,仲喺度阿支阿左」,又叫男乘客下車。男乘客與同行女子下車,灰衣大叔叫上2名女兒想跟着下車,惟女兒已被嚇到不斷哭泣,叫父親不要走,並把父親拉回座位,但仍在女兒面前大聲向下層方向「攞尾彩」說,「打尖仲阿支阿左!」。

影片引來網民熱議,不少人支持年輕男乘客。(影片截圖)

影片引來網民熱議,不少人支持年輕男乘客,「聽對話似係1條隊有另外幾架車,似係年輕人以為個阿叔唔係上車所以上咗唔係有心,咁佢都好有禮貌解釋返啦,嘈乜」、「未睇片我都贊成打尖抵X。但睇完片,聽埋年輕人解釋,再睇返兩個大叔表現,都係幫唔落」、「打尖係衰,但又真係同條隊唔會知排前面啲人邊啲係上車,行遲啲巴士佬又閂門,所以其實好小事」、「都幾高EQ」、「條片我只係見到1個躁狂,不停勁大聲X嗰兩個人」、「乜都報警、浪費時間」、「其實好少事,唔使2個大男人兇人,今次嚇唔到人反而嚇親自己細路女」、「若果真係開車後頭幾個站,本身又大把位,咁有咩好吵?」。

然而亦有網民認為「打尖還打尖,有位還有位」、「打尖抵X」、「搞到人哋咁扯火!後生個個就講少兩句啦!」、「而家啲年輕人講句對唔住會死」、「EQ高就一定啱?EQ低就一定錯?」。另有網民上載九巴手機應用程式(App)截圖感嘆,「唔怪得話因事故取消班次啦」,疑似因上述事件導致班次取消。

巴士是香港一種重要的交通工具,巴士路線遍佈港九新界,可以滿足香港市民需要。

新聞來源連結:

https://www.hk01.com/熱爆話題/102722 ... utm_medium=referral



金融市場只有盜賊,一定唔會有好人,好人一定係騙子。
又係廢老亂香肛


周圍大x把位,又唔係冇位坐,兩位大叔嘈乜,真係好x得閒。倚老賣老咋!

人哋都解釋咗,$又比埋,你想佢點?叫佢落車排尾再上返嚟?

係咪佢坐咗兩條廢佬個靚位,冇得坐所以發爛渣

香港人幾時變得咁執着同唔識體諒情況?

[ 本帖最後由 大寶二寶 於 2024-6-10 20:48 編輯 ]



又係元朗


[隱藏]
刁民平時冇事就鬧警察, 到有芝麻綠豆事情就話報警





你  有  壓  力  我  有  壓  力  ,  未  解  決


所以大家以後合法打尖


雖然阿卜叔粗魯,但如果後生仔真係有打尖既話就要道歉,插隊只係低質素人格既行為。
仲要攞兩個女兒哭苦情計扮慘,講到自己無辜無錯咁😒



兩個大男人為左個位爭執,認真肉L酸


[隱藏]
又係黃C為左少少野係度搞事,真係好鬼多餘


其實年青人講句對唔住咪得囉


引用:
原帖由 kim_13236 於 2024-6-10 13:16 發表

又係廢老亂香肛
手足打尖,點解無其他手足幫手?



引用:
原帖由 kim_13236 於 2024-6-10 13:16 發表

又係廢老亂香肛
支持打尖??



幾時都話香港應該學美國,陀槍合法,陀住枝槍,無人敢揾交嗌!


[隱藏]
年青人打尖野事。


鍵盤翻頁
左右