• 瀏覽: 19,618
  • 回覆: 168
  • 追帖: 2
  • 分享: 5
「走塑」政策實施後,食肆的外賣餐盒及餐具收費一直引起網民關注。近日有網民在食肆購買點心,結賬時發現6款點心被放在6個外賣盒中,而外賣盒共收費7元,另有1項2元紙袋收費,讓他批評「離晒譜」。事件引起網民熱議,有人對現時餐廳收取附加費感到不滿,「堂食茶錢仲有加一」、「外賣又收盒錢、餐具錢」。

有網民在食肆購買點心,結賬時發現單是外賣盒及紙袋收費已需9元。(「香港茶餐廳及美食關注組」FB圖片)

有網民在Facebook群組「香港茶餐廳及美食關注組」發帖,表示日前於某連鎖點心店大角咀分店買點心外賣,每款食物均被放置在獨立膠盒內,6個外賣盒就被收取7元,令他直呼「離晒譜」。

樓主展示收據照片,顯示所購食物包括土魷馬蹄肉餅飯及5款點心,連同7元外賣飯盒及2元的外賣紙袋,共計197元,而相中除了飯盒,還見到有兩個以膠兜盛載的醬油。樓主指出,收費已與上月不同,「6盒嘢食,5個膠盒加1紙盒共收7蚊,上個月仲用膠袋,現在焗買紙抽袋又2蚊」。

樓主又指,店內的外賣膠盒向來收費,但上個月買酥皮叉燒包時並沒有收取紙盒附加費,沒預計今個月已開始收費。他並在留言區上傳上月12日收據,5個外賣盒共10元,而叉燒包的紙盒則未有收費,「上個月佢用呢隻屋仔盒,都算方便外賣,反而唔收錢,而家用無手抽紙盒就(收)錢」。

帖文引起網民熱議,有人表示「不嬲呢間嘢外賣盒每個計呀」,但亦有不少網民對於現時餐廳外賣盒收費感到不滿,「乜嘢都話收錢」、「我前幾日喺另一間食肆外賣都係逐個盒計,1碗粉加隻炸蛋就收咗4蚊。講真,真係唔會再幫襯」、「齋賣外賣盒都夠出糧畀1位full time(全職)」。

另外有網民建議樓主自行準備餐盒,「下次自己帶定食物盒咁咪唔駛嘥錢,又環保」、「係時候要適應帶環保袋和盒出街了」,不過有部份網民就提出質疑,「佢(食肆)會話唔得,最多唔做你生意,反正大把客食」、「你帶唔係問題,問題係餐廳收唔收你個盒裝」。有網民就感嘆餐廳收費問題,「堂食茶錢仲有加一」、「外賣又收盒錢、餐具錢」,更有人表示「趕絕外賣」、「即係逼人北上」。

環境保護是全球人類的共同方向,要減小製造廢物及重用所有物料。

新聞來源連結:

https://www.hk01.com/熱爆話題/101938 ... utm_medium=referral



金融市場只有盜賊,一定唔會有好人,好人一定係騙子。
環保署形同昏君


多謝政府俾籍口食店加價


妹仔大過主人婆


[隱藏]
自己完死自己


好貴下~


咁狼死, 可能呢間嘢唔憂做啩.


所以北上消費 唔使俾港店劏


引用:
原帖由 日行千里 於 2024-5-16 07:47 發表

「走塑」政策實施後,食肆的外賣餐盒及餐具收費一直引起網民關注。近日有網民在食肆購買點心,結賬時發現6款點心被放在6個外賣盒中,而外賣盒共收費7元,另有1項2元紙袋收費,讓他批評「離晒譜」。事件引起網民熱議,有人對現時餐廳收取附加費感到不滿,「堂食茶錢仲有加一」、「外賣又收盒錢、餐具錢」。
...
成班窮鬼 幾蚊都比唔起



[隱藏]
引用:
原帖由 日行千里 於 2024-5-16 07:47 發表

「走塑」政策實施後,食肆的外賣餐盒及餐具收費一直引起網民關注。近日有網民在食肆購買點心,結賬時發現6款點心被放在6個外賣盒中,而外賣盒共收費7元,另有1項2元紙袋收費,讓他批評「離晒譜」。事件引起網民熱議,有人對現時餐廳收取附加費感到不滿,「堂食茶錢仲有加一」、「外賣又收盒錢、餐具錢」。
...
我附近粥麵店廿年前已經糸咁收
搶$
見到開関後越來越越少人幫襯
抵死



咁未堂食/唔好食


引用:
原帖由 飛劍龍 於 2024-5-16 08:21 發表

妹仔大過主人婆
想問妹仔係咪指個盒貴過d飯?🫡



引用:
原帖由 angux123123 於 2024-5-16 08:20 發表

多謝政府俾籍口食店加價
直頭係啦,有感而發。
根本謝展寰同黃家和做d野係相反。
謝展寰d環保政策係攪到香港飲食業被人投訴。黃家和想多人幫襯。其實就係謝生攪走塑出來既蘇洲屎。
自己跨自己台。
仲一味賴飲食業服務態度唔好
有食客投訴話紙飲管一早擺落杯凍飲會飲會浸淋枝飲筒攪到飲唔到,要求分開上。
 
人地低級侍應得50個鐘要同你分開上,本身人手唔夠,仲要做多步繁複工作,你係咪難為人侍應。
政府叫人做環保就叻,但完全無設身處地企在食肆同食客立場睇細節。
垃圾政府政策,累到侍應比人鬧。叫人做就易,叫謝生做侍應就知道走塑實行上來點難應付班麻煩食客



環保向來係昂貴嘢,係一項對小老百姓非常不公平嘅主張。


[隱藏]
北上消費.....


鍵盤翻頁
左右