• 瀏覽: 16,164
  • 回覆: 239
  • 追帖: 2
  • 分享: 2
+7
本主題由 阿聞 於 2024-4-2 11:55 使用 高亮卡
4日復活節長假期,不少人外遊及北上消費。根據入境處數字,單是假期首3日,本港累計約151萬人次港人出境。

不少「北上」市民經各口岸回港,有市民表示,內地物價較香港便宜約3分之1。有旅行社表示,今個復活節假期的出行人數較去年同期大幅上升,最多人去日本及內地。

旺角人流明顯比平日少,有旺角的商戶說生意比疫情前少超過一半,大部分時間是「睇檔」。

廳的餐飲集團,傳訊總監林柏希表示,今個假期的生意比平時少3至5成,又形容餐廳位處的大型商場有如「空城」,人流很少。

林柏希說,對餐飲業前景感悲觀,看不到出路,不少中高檔次食肆以至「平民化」的茶餐廳同樣難捱。他表示說,租金、人工及食材等成本高,垃圾收費亦將正式實施,營商環境、港人消費模式及旅客消費能力出現轉變,令業界難以樂觀。

他希望政府考慮向餐飲業界推出支援措施,並進一步鼓勵市民留港消費。



要救香港經濟,必須要設立空置稅!

幾日假期,全港零售餐飲反而比平時更加清靜,因為太多人返曬大陸吃喝玩樂。在香港消費,價錢貴,服務差,呢啲嘢大家心知肚明。歸根究底都係租金太貴。店鋪要維到皮,所以要收得貴。但當收貴咗仍然要蝕錢時,就祇有結業。問題係間鋪執咗之後,唔少業主都係短視,會選擇企硬唔減租,等下一條水魚。只係水魚有限,吉鋪就越嚟越多。結果就係本來一條好旺嘅街或者商場,搞搞下就全部變曬吉鋪。另一方面,因為整體鋪頭少咗,顧客要集中去剩返嘅鋪頭,呢啲舖頭嘅員工反而更加忙。人唔係機器,忙自然服務差態度差。成個惡性循環就完成,繼續落去香港就會變成死城。

要解決問題,根源係租金太貴。租金問題一日解決唔到,你搞乜q繽紛都係多餘。解決租金問題其中一個方法,我建議地鋪,商場鋪,一律要定立空置稅。所有呢類鋪頭,如果超過三個月租唔出,就要開始交稅。業主唔想白白交稅,就要考慮減租。租金減咗,就會有人想租,條街或者個商場就會慢慢做得返起。如果話有啲死位真係好難租出去,業主唔想交空置稅,可以選擇申請免費將位置讓出嚟比社福機構或者政府使用,直到搵到肯比租嘅人。

大家點睇?仲有冇其他意見?

新聞來源連結:

https://portal.sina.com.hk/news- ... 今個假期生意比平時少3至5成 對前景/



總之香港有啲業主真係黐線。寧願鋪頭吉n年,都唔肯減租。


一年只係一個復活節假,其他全年香港人都要被迫留港消費,有咩好悲觀?


復活節對香港市道一向係淡季 ...


因為大陸係無復活節假期 ... 台灣都無
應該話 ... 周邊地方都不像香港 復活節+清明 可能/可以自製長一點的休假
所以期間短線遊客不會特別多


疫情前, 同樣大把人會出遊
上大陸的也不少 ...
所以話係 疫情 "太好景" ... 特別係對上一兩年, 被迫留港+報復式消費


最大分別係 ... 北區水貨客可能係少了許多, 不過水貨客究竟是否香港(人)所需要+期望呢



[隱藏]
 係 佢 未 睇 到 油 志 笈 興 的 好 處 傘


萬 寶 龍 開 放 左 安 輝 豉 油 行 , 好 多 大 亳 客 來 



僧少粥多, 經歷病情和多場戰亂全球經濟都差, 回復不似預期, 由其是西方, 香港不嬲就唔係靠咩「留港消費」搵食, 一直以來都係靠遊客, 少咗遊客當然就少咗生意, 執多幾間就會平衡都生存空間, d乜老闆物老闆係度日日嗌慘都無用


收得貴唔係問題
但限時又黑面點頂呀
東京倫敦都賣好貴
又唔見有人投訴



比利犬都去大灣區消費


引用:
原帖由 paulchen 於 2024-4-2 11:16 發表

收得貴唔係問題
但限時又黑面點頂呀
東京倫敦都賣好貴
又唔見有人投訴
所以我建議設立空置稅。一樓有解釋。



[隱藏]
先做好服務,再做好個價,自然有客。


引用:
原帖由 touya08 於 2024-4-2 11:10 發表

僧少粥多, 經歷病情和多場戰亂全球經濟都差, 回復不似預期, 由其是西方, 香港不嬲就唔係靠咩「留港消費」搵食, 一直以來都係靠遊客, 少咗遊客當然就少咗生意, 執多幾間就會平衡都生存空間, d乜老闆物老闆係度日日嗌慘都無用
執多幾間,剩返嘅係生存到,但一樓解釋咗,到時集中幾間淨返嘅死剩種,人流過多,服務只會更差,結果最後都係死。



我今個復活節飛左去上海,價錢實惠,好多野玩,好多野食。


引用:
原帖由 飛天盒仔 於 2024-4-2 11:40 發表

先做好服務,再做好個價,自然有客。
問題係一路解釋咗,吉舖太多,而家係迫到香港人要集中去淨低未死嘅鋪頭。剩低嘅鋪頭人流太多,服務自然差。






[隱藏]
引用:
原帖由 阿聞 於 2024-4-2 10:41 發表

4日復活節長假期,不少人外遊及北上消費。根據入境處數字,單是假期首3日,本港累計約151萬人次港人出境。

不少「北上」市民經各口岸回港,有市民表示,內地物價較香港便宜約3分之1。有旅行社表示,今個復活節假期的出行人數較去年同期大幅上升,最多人去日本及內地。

旺角人流明顯比平日少,有旺角的商戶說生意比疫情前少超過一半,大部分時間是「睇檔」。

廳的餐飲集團,傳訊總監林柏希表示,今個假期的生意比平 ...
唔可能,而家少客啦啩,服務有冇好到?大家心照
置諸死地而後重生



主題標籤 #垃圾收費
鍵盤翻頁
左右
[按此隱藏 Google 建議的相符內容]