同好多親戚朋友鄰居傾起,個個都話疫情期間,果班香港專家成日出黎各自亂噏,衆說紛紜,好多時仲係同香港政府政策唱反調,令小市民無所適從,真係好唔負責任,好多市民都對呢啲專家極度不滿,而家居然有人出黎好積極咁要求獨立調查,俾小市民嘅感覺就係,咪以為咁出黎日日嘈,好似唔關佢事咁,小市民眼睛係雪亮嘅,讀書係冇你班專家咁多,但唔係傻架,疫症肆虐期間,市民親身經歷慘況,對專家嘅一言一行記憶猶新,咪以為咁出黎積極咁嘈小市民就會覺唔關你班專家事。啲醫生就暫時淨係見到高永文醫生對事情表態,佢正直敢言,直言話班專家疫情期間各自出黎講嘢,各說各話,好應該自我檢討,講出好多香港小市民嘅心聲,高醫生身為醫生,可代入小市民角色思考,喺今時今日,實屬難能可貴,果班專家真係要向高醫生多多學習,亦好應該多謝高醫生提醒,身為專家要多作自我檢討。好認同高醫生提及內耗分化係唔好嘅,專家應該做實事吖嘛,疫情到尾聲都仲有好多嘢要善後,專家做啲實際嘢造福社會好唔好,做番好啲我地香港市民或者都會原諒你地之前做得咁差嘅嘢。希望有多啲資深醫生好似高醫生咁敢言,出黎公開道出香港小市民嘅心聲,為我地發聲,一針見血咁講出問題所在,淨係得啲醫醫相衛嘅庸醫香港就死得喇!