• 瀏覽: 13,422
  • 回覆: 37
  • 分享: 1
真係人無知人無能人無恥就天下無敵, 你老味真係荒天下之大謬. 
政府派電子消費券, 目的就係要提振社會消費經濟, 即係你幫我按摩, 我幫你揼骨, 又即係平時見到一對波鞋或一件靚衫, 如無消費券就唔會買, 有咗消費券就買, 或者係全家人及多約朋友出外食餐, 點菜時食好西, 或者係購買家居物品或電子產品器材.
工聯會幾隻忠誠的廢物議員竟然要用消費券交住戶的水電煤差餉及租金, 廣義來說呢類交費唔係消費, 政府原本的意思係要提振額外的經濟成長, 忠誠的廢物卻把消費券搞到變成救濟金, 尤其係交租金最荒謬, 一個租戶交唔起租金竟然要用消費券去救佢, 真係救得一個月下個月又如何? 消費券的作用只係上天跌下來的一個小小金元寶, 唔係用作濟弱扶傾濟世為懷的福利金.  



 
 
以前對班飯民反感,宜家對班忠誠廢物冇期望兼失望


同場加映 : 經常搏出位的肛肉寬又係一隻垃圾議員.
呢隻肛肉寬叫政府唔好派消費券畀月薪高於五萬元的人, 你老味高收入的人係高納稅戶, 即係政府要派糖就要把呢批納稅人剔除製造社會階級分化, 把月薪五萬元以上的人視作階級敵人, 即係以前有低B仔叫政府唔好派糖畀李+x, 依家肛肉寬更進一步以五萬元劃線, 收皮喇垃圾議員, 社會是否和諧係建基於不患寡只患不均, 把人分類劃界線只會造成糾紛, 我只想睇抖音, 唔想睇糾紛.   



先要明白「工聯會」是個針對及協助勞工基層的組織。倡議的政策....當然是以勞工及基層為首要考慮,很符合他們工會作風,有問題?
難道你想要求他們從商家利益角度考慮?


工聯會只係提議政府派發「電子民生消費券」。
對於低下階層及長者,就算現時模式的消費券,他們都是用於購買日常生活用品及食物,對於其它高檔消費品及飲食,他們仍然是少或不會光顧。
但現時模式消費券的缺點,就是要迫這群人去光顧大型連鎖店鋪及超市。一些小店及街市,由於很多都沒有設立電子收費系統,因此便不能使用。
電子民生消費券概念,是可用於繳交水電媒等日常必要開支,把原來這些開支資金,可轉用去光顧小店、街市或其他更迫切的用途上。
其於年青人或中產階層,根本沒有影響,他們一樣用於買波鞋手機及吃喝玩樂。



[隱藏]
 
引用:
原帖由 明玉九垂天 於 26/1/2023 18:14 發表
真係人無知人無能人無恥就天下無敵, 你老味真係荒天下之大謬. 
政府派電子消費券, 目的就係要提振社會消費經濟, 即係你幫我按摩, 我幫你揼骨, 又即係平時見到一對波鞋或一件靚衫, 如無消費券就唔會買, 有咗消費券就買, 或者係全家人及多約朋友出外食餐, 點菜時食好西, 或者係購買家居物品或電子產品器材.
工聯會幾隻忠誠的廢物議員竟然要用消費券交住戶的水電煤差餉及租金, 廣義來說呢類交費唔係消 ...
租金就無乜可能,私人業主收唔到消費券吧。至於水電煤都可以理解,因為一直有唔少人話派消費券不如派現金,派現金啲人唔會用,但亦有基層戶想幫補水電煤,慳出嚟嘅錢可以留喺度又得,用咗佢又得。

例如派 $5,000,可以限定只有 $1,000 可用嚟交水電媒,叫做變相派 $4,000 消費券 + $1,000「現金」,或用晒 $5,000 嚟消費亦得,叫做走中間路線。



香港根本沒有真正窮人,已經有綜援,政府又有補貼,消費券係用來消費


引用:
原帖由 x747x 於 2023-1-26 21:38 發表

租金就無乜可能,私人業主收唔到消費券吧。至於水電煤都可以理解,因為一直有唔少人話派消費券不如派現金,派現金啲人唔會用,但亦有基層戶想幫補水電煤,慳出嚟嘅錢可以留喺度又得,用咗佢又得。

例如派 $5,000,可以限定只有 $1,000 可用嚟交水電媒,叫做變相派 $4,000 消費券 + $1,000「現金」,或用晒 $5,000 嚟消費亦得,叫做走中間路線。
其實所謂畀現金可以用得更有彈性呢種講法我覺得好奇怪。
啲錢入咗八達通
原本用嚟為八達通增值嘅現金已經可以用嚟做其他嘢
例如交水費電費租金等
儲起唔用又得



引用:
原帖由 桑下樽前 於 27/1/2023 08:56 發表

其實所謂畀現金可以用得更有彈性呢種講法我覺得好奇怪。
啲錢入咗八達通
原本用嚟為八達通增值嘅現金已經可以用嚟做其他嘢
例如交水費電費租金等
儲起唔用又得
唔明你講乜,「原本用嚟為八達通增值嘅現金」係咪指市民自己增值嘅錢還是消費券嘅錢?

如自行增值當然點用都得,但消費券點可以交租或者儲起唔用?過期就會退返畀政府喎。

[ 本帖最後由 x747x 於 2023-1-28 01:33 編輯 ]



引用:
原帖由 x747x 於 2023-1-27 09:57 發表

唔明你講乜,「原本用嚟為八達通增值嘅現金」係咪指市民自己增值嘅錢還是消費券嘅錢?

如自行增值當然點用都得,但消貴券點可以交租或者儲起唔用?過期就會退返畀政府喎。
即係原本冇消費券,就要現金找數
有左消費券(當5000),即是手頭多左5000現金出來用,嗰多出來5000現金可以用來做其他野,原本既消費就用消費券頂



[隱藏]
 
引用:
原帖由 傷心尋回犬 於 2023-1-27 10:46 發表

即係原本冇消費券,就要現金找數
有左消費券(當5000),即是手頭多左5000現金出來用,嗰多出來5000現金可以用來做其他野,原本既消費就用消費券頂
謝補充



引用:
原帖由 x747x 於 2023-1-27 09:57 發表

唔明你講乜,「原本用嚟為八達通增值嘅現金」係咪指市民自己增值嘅錢還是消費券嘅錢?

如自行增值當然點用都得,但消貴券點可以交租或者儲起唔用?過期就會退返畀政府喎。
其實都有版友解釋咗
不過加多小小細節。
當我日常每日搭車,買嘢食都係用八達通畀錢
咁我要每個星期喺銀行轉/攞1,000同八達通增值
如果政府畀5,000消費卷
我可以通過八達通攞
咁我連續5個星期唔使從銀行轉/攞錢增值
咁呢5,000我係唔係可以攞嚟交水電費交租
甚至去旅行


作為市民同消費者
我唔覺得有乜捐失
同時,呢啲錢肯定會流入本地市場(即使銀行嗰5,000最後儲起唔用,來自政府嗰5,000都會入本地市場)。
相反,如果政府直接畀現金
咁啲錢有機會直接攞咗去海外消費

[ 本帖最後由 桑下樽前 於 2023-1-27 11:33 編輯 ]



自政府推出消費券, 好多小店/商販己可使用八達通, 當然部份在消費券熱潮過後停用, 但有不少商舖仍保留使用八達通, 非常方便!!!
消費券使用期長, 點會用唔哂!!!
好多人派錢俾佢都懶得洗, 派現金只會無限期擺在家中/戶口成為死錢!!!



引用:
原帖由 明玉九垂天 於 2023-1-26 21:00 發表
同場加映 : 經常搏出位的肛肉寬又係一隻垃圾議員.
呢隻肛肉寬叫政府唔好派消費券畀月薪高於五萬元的人, 你老味高收入的人係高納稅戶, 即係政府要派糖就要把呢批納稅人剔除製造社會階級分化, 把月薪五萬元以上的人視作階級敵人, 即係以前有低B仔叫政府唔好派糖畀李+x, 依家肛肉寬更進一步以五萬元劃線, 收皮喇垃圾議員, 社會是否和諧係建基於不患寡只患不均, 把人分類劃界線只會造成糾紛, 我只想睇抖音 ...
扶貧跟刺激消費振興經濟是兩碼事。
若是扶貧,便該設限月收入以致真的扶助到有需要的人。
若是刺激消費,便不該分貧富都鼓勵大家消費,最好花超過政府派的消費券金額。會因此額外花更多錢,當然是相對富裕人士,又豈可這班主力人士排除在消費券計劃外呢?
這位江議員把扶貪跟刺激消費炒埋一碟,以消費之名行扶貧之實是名不正言不順,要補充一下經濟知識了。



引用:
原帖由 Wilsonnkl 於 2023-1-26 21:37 發表
先要明白「工聯會」是個針對及協助勞工基層的組織。倡議的政策....當然是以勞工及基層為首要考慮,很符合他們工會作風,有問題?
難道你想要求他們從商家利益角度考慮?


工聯會只係提議政府派發「電子民生消費券」。
對於低下階層及長者,就算現時模式的消費券,他們都是用於購買日常生活用品及食物,對於其它高檔消費品及飲食,他們仍然是少或不會光顧。
但現時模式消費券的缺點,就是要迫這群人去光顧大 ...
時代進步, 香港人都要跟隨時代步伐, 唔好次次都講自己唔識乜嘢係電子支付而拒絕進步. 
中國大陸的電子支付十年來一步登天, 大陸人不論老幼人人都識用支付寶及微信支付, 我都有大陸版的支付寶及微信支付, 手機在手處處通行. 
以前八達通只跟連鎖大機構簽合約提供八達通拍卡機, 小商店就冇得安裝, 因為八達通大雞唔食細米, 現在有支付寶及其他電子支付殺入香港市場, 八達通就改變政策, 單頭小店都有八達通拍卡機, 小店的八達通機係用手機APP加一個小型拍卡器就搞惦, 唔需要安裝大牛龜八達通機, 而且八達通公司提供拆賬優惠折扣給小店, 令單頭小店更樂意用手機八達通APP做生意, 如果香港的店舖可以好似大陸的支付寶及微信支付掃碼付款, 香港人的電子支付便可以一步到位.



[隱藏]
 
引用:
原帖由 明玉九垂天 於 2023-1-27 07:43 PM 發表

時代進步, 香港人都要跟隨時代步伐, 唔好次次都講自己唔識乜嘢係電子支付而拒絕進步. 
中國大陸的電子支付十年來一步登天, 大陸人不論老幼人人都識用支付寶及微信支付, 我都有大陸版的支付寶及微信支付, 手機在手處處通行. 
以前八達通只跟連鎖大機構簽合約提供八達通拍卡機, 小商店就冇得安裝, 因為八達通大雞唔食細米, 現在有支付寶及其他電子支付殺入香港市場, 八達通就改變政策, 單頭小店都 ...
你有冇去過街市買餸?
除咗一些財團管理的街市比較好啲,外面的街市有幾多檔肯收電子支付?
就算有檔主手機可以收到電子支付,根本佢地唔願意用,你試下叫個賣魚佬燒臘佬攞部手機出來收錢?佢地即刻叫你過主。
理想跟現實是有很大距離。

[ 本帖最後由 Wilsonnkl 於 2023-1-27 19:57 編輯 ]



主題標籤 #消費券
鍵盤翻頁
左右