• 瀏覽: 13,877
  • 回覆: 7
+12
有邊個男人細個唔鐘意武器?


引用:
原帖由 6674 於 2022-11-28 18:31 發表
觀近代史方天畫戟應該不是一件好兵器。
清朝將領有用關刀和長槍,我孤陋寡聞唔見佢哋用方天戟,可能難揮舞,劈殺力量不及關刀,靈活彈性不及長槍。
再近代,武術隊都好似冇玩方天戟。
畫戟係宋朝初年設計,設計個本意係保留步兵長距離刺殺。同時具有可以勾住對方兵器。撥開個作用。

所以無辦法形成一個大陣。因為要發揮勾,就要橫掃。只能用於小組分散出擊。 擾亂對方陣勢。

屬於特種兵用途。

但佢有個缺點,就係比較適合步兵使用同 對付個同樣係對方步兵。

而唐宋年間。帶盔甲個重型騎兵已經形成規模。
所以當宋同遼國開戰,使用畫戟個宋兵,準備去勾遼國步兵陣……然後發覺對面 全部係騎兵,煙塵滾滾咁殺過來

用弓箭啊!用長槍啊!   用咩q野畫戟嗻……

所以宋朝兵器譜上邊所謂十八般兵器。

係實戰之後,保留落來 即系長槍同錘。 因為只有呢兩樣野非常有效。

其他……其他攞來擺咯。



引用:
原帖由 太卷之王 於 2022-11-29 18:20 發表

宋代的馬大多來自南方
身高115cm 左右,又矮又弱,根本披不了甲,更加無法衝鋒,
宋朝的騎兵編制只是騎馬步兵,重騎兵極少,就是有也只是皇家儀像隊
唐軍其實也是以騎馬步兵為主,只是多了突厥及中亞的僱傭騎兵,重騎多是來自這些僱傭兵
嗯,完全唔係喔。

北宋騎兵,主力係叫靜塞軍。係北邊同遼國接壤地區生活個邊境宋人組成。
馬係今日寧夏地區同陝西北部個草原馬。
唔係騎馬步兵,係衝鋒騎兵。
靜塞軍最勁抽個戰績係 唐河戰役,一對一,用騎兵對衝騎兵個方法。擊敗遼國精銳騎兵鐵林軍。歷史記載:陣斬萬余

而打唐河戰役個靜塞騎兵個指揮長官

姓楊,名延昭……

[ 本帖最後由 chenflie 於 2022-11-30 16:56 編輯 ]



引用:
原帖由 6674 於 2022-11-30 17:37 發表

楊家槍,威震天下。
五郎著草出家,把槍法演變成五郎八卦棍
只不過睇劇個陣,d人無問。點解楊家出戰個陣係騎馬係馬上邊用槍咯。
咩叫回馬槍嗻。點解唔叫回步槍。
嗱,知道啦。楊六郎成支部隊都系騎馬架,唔係叫楊家軍。
官方係叫 靜塞軍
馬匹 由 大宋府州永安軍節度使 提供西北優質戰馬
永安軍係北方少數民族投靠北宋。佢地住個地方有草原可以養馬。同契丹西夏係世仇。
而永安軍個節度使叫折德扆
佢有個女 叫折賽花
就係佘老太君啊! 真名係姓折

所以點解皇帝咁驚佢支龍頭柺杖……一個將軍夫人,皇帝使驚咩。

問題佢個家族 掌握宋朝馬匹資源。而且係大軍閥。



[隱藏]
引用:
原帖由 pooh24680 於 2022-12-1 15:23 發表

回馬槍,絕對係藝高人膽大嘅表現 
係比較絕個功夫。但更絕係。其實馬槍無電視劇咁短……三米幾長。

真系幾難用架。



引用:
原帖由 太卷之王 於 2022-12-2 13:48 發表

真正北宋嘅楊家將只識守城,可識咩迴馬槍
岳飛手下有另一批千人隊嘅楊家將,呢隊先係真正騎兵,可惜隨岳飛北伐時壯烈犧牲,差不多全軍覆沒
歷史有記載架。北宋楊家將 幾次大戰都系野外同遼國打衝鋒。唔係守城。
遂城之戰。楊延昭 楊嗣兩位將軍6000騎兵衝遼國5萬人大陣。
兩國史書有曬記錄。



引用:
原帖由 太卷之王 於 2022-12-2 13:58 發表

北宋靜塞軍及至其他邊軍嘅戰績係自已作出嚟,
契丹,西夏甚至高麗都無記載,
宋太宗北伐,俾契丹打到全軍覆沒,
宋真宗時契丹南侵,。d咩靜塞軍龜縮不出,任由契丹直衝京師,
呢d就係宋遼兩國都有載嘅真實戰績,
北宋朝廷經常話自己重創契丹,
但係俾契丹嘅保護費就不斷增加,
而宋軍喺當時外族係水魚代名詞,
又要賠錢俾契丹,又要賠錢俾西夏,又要賠錢俾女真,
你信邊個
兩邊史書都有記錄。你就話人地個邊無記錄。 你講曬都得喔。
即系你覺得只要係打仗。你鐘意邊一邊。就話另一邊係假?

你係契丹人?



引用:
原帖由 太卷之王 於 2022-12-2 22:41 發表

請你提供遼史或三朝會盟關於遂城羊山之戰嘅資料,
基本上你能揾揾到嘅都係來自宋朝自述,遼史並無記載


遼史有載關於靜塞軍嘅戰例就係唐河之戰及滿城會戰,其實只係普通會戰,只因為擊退了契丹,所以被宋朝作大十倍,當世紀大戰來安慰自己玻璃心,


我係何冠環教授的粉,好喜歡睇佢寫嘅宋朝戰爭史,佢對宋人諱言慘敗,經常把小勝吹噓成大捷的陋習分析得好清楚
你可以揾佢呢本書睇
睇完你會了解真 ...
你鐘意邊位教授係你自由。不過,明明係擊退契丹。你覺得唔重要。咁係你角度。
我從頭到尾都無講過世紀大戰喔。
我只系轉達戰例嗻。
而你講契丹史書無記載。即系羊山個場仗,契丹係無派兵啊嘛?
咁佢地去左邊呢?

你係帶有傾向性睇歷史。咁你係首先帶有色眼鏡。只要契丹記載大勝,你信。 只要宋講勝,你就話作大。

咁我都可以講,契丹怕羞家,所以史書故意輕描淡寫。掩蓋事實。可以嘛?
按你講法。
我都可以講遼國皮室軍同鐵林軍係擺設。
因為佢地係宋史記載,都系輸過好多次。死傷無數。而遼史記載係誇大十倍。

我可以咁講嘛?

[ 本帖最後由 chenflie 於 2022-12-3 00:45 編輯 ]



[按此隱藏 Google 建議的相符內容]