• 瀏覽: 8,266
  • 回覆: 27
+2
屹立灣仔逾半世紀的大榮華圍村菜(灣仔店)今晚結業!食神「韜韜」梁文韜向幫襯多年的老顧客道別,祝願他們「飲和食德、身體健康!」。韜韜坦言抗疫守業3年,與其無了期等待,伙記又年紀大,不如圓滿結束。對於灣仔店結業,他笑言:「我依家又唔係爭人周身債,(如果)仲要撲水遣散夥記咁就淒涼啲。」他又不忘宣傳,著食客毋須傷心,想繼續吃到



屹立灣仔逾半世紀的大榮華圍村菜(灣仔店)今晚結業!食神「韜韜」梁文韜向幫襯多年的老顧客道別,祝願他們「飲和食德、身體健康!」。韜韜坦言抗疫守業3年,與其無了期等待,伙記又年紀大,不如圓滿結束。對於灣仔店結業,他笑言:「我依家又唔係爭人周身債,(如果)仲要撲水遣散夥記咁就淒涼啲。」他又不忘宣傳,著食客毋須傷心,想繼續吃到圍村菜,歡迎隨時到元朗總店,強調講正宗「元朗最正宗」,又大賣廣告:「連續13年獲米芝蓮推介!」

韜韜:攞咩去補貼?
對於結業,韜韜較為豁達,笑言選擇結業,自己「唔係爭人周身債」,只是守業3年看不到市道復甦曙光,加上不少上了年紀的伙記「捱義氣」幫手,倒不如作圓滿結束遣散。他又指年輕的員工被其他食肆吸納,不愁生計。他坦言:「如果唔係疫情,相信唔會有呢一日(結業)。」他又憶述:「我做平、靚、正㗎嘛,好適合旅行團,灣仔店對出就是會展,晚上有觀光船,旅行團5點來、5點半就去維港夜遊,起碼20圍,唔好多吖,做番2萬幾銀生意,日日係咁喎!之後6點可做正常晚市客人,即係已做多輪生意,但疫情呢3年死啦!」他透露僅靠過去董事買入附近的鋪位收租補貼,「但依家成條街靜晒,幾多吉舖,7間舖3間租唔出,一間(租金)幾十萬,無咗,攞咩去補貼?」對於復甦,他直言「講咗3年,阿『超哥』(特首李家超)依家都未俾到(開關)日子,林鄭都完咗(任期)」。他指,元朗總店仍會維持圍村菜特色,自己亦會「守住元朗」,歡迎食客繼續支持,祝願大家健康。

即睇灣仔大榮華圍村菜最後一晚營業情況

食客專程到場留影
大榮華圍村菜(灣仔店)本月8日宣布營業至今日(28日),有不少食客把握最後機會用餐,也有來自屯門的食客專誠「過海」來道別,他們均熱愛酒樓的圍村菜、豬油撈飯和豬潤燒賣等。其中關先生未進入門口,已急不及待取出手機為店面拍照留影。他滔滔不絕談及大榮華的回憶,「呢間好食呀,我食咗幾廿年,我50幾歲,由細食到大,依家驚膽固醇」,又指著門口幾圍枱,憶述幾十年來一家人大部分用餐的位置。他指因家中長輩居於灣仔附近,所以一家逢年過節均會到來食飯。被問會否改到元朗總店繼續光顧,他指「耐唔耐啦,但老人家(出行)唔方便,全部都七、八十歲喇,(佢哋)唔會去元朗㗎啦。」

食客期望重開
感可惜的也包括年輕一輩,符先生、謝先生和吳小姐疫情前恆常每月一次來此飯聚,坦言:「慣咗嚟呢度,」眾人笑言已食出感情和回憶,並期望會重開,「蓮香樓都執咗兩、三次啦。」然而未必會改到元朗店作為新的聚腳點,「地點便利都好重要。」他們認為酒樓市道差要結業,難一概而論是否防疫措施太猛烈,但措施或多或少令市道氣氛欠佳。

一日唔開關只會更多商戶結業?

新聞來源連結:
https://www.am730.com.hk/本地/灣仔大榮華圍村菜結業-韜韜抗疫守業3年-看不到市道復甦曙光/335788



唔好吃, 為何守


呃傻人,食懷舊垃圾菜,食完無返轉頭。


又話無左大陸人
飲茶都平d嘅 ?



[隱藏]
韜韜瘦左唔少


好彩小投資香江做實業 ,實死無生
做到的都搵唔到大錢 睇尾心就知 值雞卒咁多

[ 本帖最後由 Hermas.妹妹 於 2022-8-29 10:20 編輯 ]



只能講係香港人的飲食習慣改變了, 
你睇下日式放題, 台式火鍋, 日日排長龍,
爭鮮又好, 壽司郎都好, 都係成日好多人的.



引用:
原帖由 Aasia 於 2022-8-29 09:40 發表
屹立灣仔逾半世紀的大榮華圍村菜(灣仔店)今晚結業!食神「韜韜」梁文韜向幫襯多年的老顧客道別,祝願他們「飲和食德、身體健康!」。韜韜坦言抗疫守業3年,與其無了期等待,伙記又年紀大,不如圓滿結束。對於灣仔店結業,他笑言:「我依家又唔係爭人周身債,(如果)仲要撲水遣散夥記咁就淒涼啲。」他又不忘宣傳,著食客毋須傷心,想繼續吃到

...
只有維港出現曙光號巡洋艦,香港才有曙光

十月革命一聲炮響@傷心尋回犬


[ 本帖最後由 三級警司 於 2022-8-29 21:09 編輯 ]



疫情一日未停止唔L洗想市道好轉


[隱藏]
早兩星期去過,叫十個餸有五個都話冇,伙記態度又差,食物質素又麻麻,快啲執啦!固步自封,被淘汰是正常的!反而仲有好多食店預早一個月訂位都爆滿架!


以前我喺灣仔返工,久唔久就會同佢買嗰啲蒸飯食,因為價錢平。我哋都好少上去飲茶,.佢哋成日標榜豬油撈飯,夜晚我哋試過成家人去食飯,淨係招呼啲熟客,食埋啲普通嘢,又話農家菜。價錢又收得貴,點可以維持落去呢?佢哋經營同宣傳手法都有問題,唔執就假嘅!


引用:
原帖由 jumboleung 於 2022-8-29 12:40 發表
以前我喺灣仔返工,久唔久就會同佢買嗰啲蒸飯食,因為價錢平。我哋都好少上去飲茶,.佢哋成日標榜豬油撈飯,夜晚我哋試過成家人去食飯,淨係招呼啲熟客,食埋啲普通嘢,又話農家菜。價錢又收得貴,點可以維持落去呢?佢哋經營同宣傳手法都有問題,唔執就假嘅!
目標系遊客
無遊客咪玩完



提示: 違規內容已被屏蔽
提示: 違規內容已被屏蔽
[隱藏]
提示: 違規內容已被屏蔽
主題標籤 #李家超
鍵盤翻頁
左右
[按此隱藏 Google 建議的相符內容]