其實政府有冇諗過設立多一條熱線呢, 好似政府門診診所嘅熱線咁樣, 用法都一樣, 等啲老人家 打電話去, 就算唔識撳掣嘅都識得語音留低說話去選取項目, 預約睇牙醫嘅時間, 咁啲老人家咪可以喺佢哋安排到時間嗰段時間先去診所度囉, 唔需要大批老人家苦候 亦都唔知等唔等到攞唔攞到籌
唔係簡便得多咩, 而且佢哋如果用開睇政府嘅街症打開呢一種電話, 佢哋都熟識呢個流程, 唔需要重新再學過點樣操作。
另外其實呢啲政府街症牙醫只放公務員老人家, 同小朋友嘅學童保健, 有冇諗過一啲人佢哋基層市民有一啲呢佢哋環境過得 好捉襟見肘嘅, 有冇諗過都留返一啲名額, 去畀佢哋一個渠道去睇醫生, 而且其實我覺得香港牙醫係好缺乏好缺乏, 係咪應該再陪多啲啦,
同埋其實我覺得香港醫生可以同內地嘅醫生甚至乎外國嘅醫生多多交流技術儀器大家所學唔同嘅嘢其實可以多多去交流一下, 大家好好 交流融合 咁樣會越嚟越好囉