老實講句 對一個黨黎講 榮譽主席只係一個神枱位
影響力話大可以好大 但真係要唔理佢 佢就只可以廢UP 收皮
今次就係明證
比較值得留意既係 點解自由黨現任高層連呢少少面都唔俾佢地
等同將自由黨同佢地切割
個人睇法 就係自由黨近年已經被建制派邊緣化
係市民眼中 佢地係建制一員 但實際上
好多建制派既行動 自由黨已經無份參加好耐
而且佢地既發言 好多時都係企係建制派既對立面
係建制派眼中 自由黨係偏向泛民班人
係香港國安法實施2年後今日
建制派已經全面掌控議會
泛民已經完全無希望捲土重來
自由黨仲想係政治上發揮影響力 就要重新進入建制
想分享權力 就要表忠
好明顯今次就係向中央 向現在既建制表忠
不過佢地係咪可以重新走入建制圈子
我就唔睇好喇