[1] 李家超星期六上京, 在釣魚台國賓館隔離兩日, 期間要做四種測試, 以保安全.
[2] 四種測試即係快速測試, 咽拭子測試, 驗血測試, 糞便測試, 要過齊四關先至可以見國家領導人.
[3] 糞便測試即係好似大腸癌測試, 自己去廁所屙篤屎, 之後用棉花棒撩一撩再入樽. 如果因為精神緊張而屙唔出屎, 就要由其他人做肛拭子取樣, 李家超兩夫婦可以互相幫對方取樣.
[4] 預期李家超見完李克強, 領取委任狀之後, 再會安排見習大大, 影張合照為新任特首壯壯聲勢.
[5] 中央要為新特首打鑼打鼓造大個牌頭, 要幫李家超做個開門紅, 就要在呢個時候送一份大禮給李家超轉交香港人, 就係預告有條件及有限制方式通關, 以其他防疫政策代替隔離酒店.
[6] 一國之下, 中央不可能長期把香港人擋在國門外, 大陸各省市都係爆疫爆到七彩, 並不是香港人引發, 香港一直都有回港易, 只係大陸一直固步自封, 與外界隔絕.
[7] 全世界國家幾乎都唔當新冠病毒係一回事, 年紀老邁又有長期病的人, 就算中咗流感都會引發死亡.
[8] 很多國家都係悶聲不響, 任由老弱的人中招死亡, 又可以節省社會資源.
[9] 中國周邊的國家或地區, 例如日本, 南韓, 台灣, 新加坡, 都已經實行與病毒共存, 集中醫療重症患者. 絕大部份輕症者都係食幾粒退燒藥.
[10] 香港人熱切期望李家超下星期二回港, 帶給香港人一份通關大禮物, 如由李家超宣佈, 即係中央政府特意的安排.
