就算明知會沉船,提早跳船係需要好大勇氣
中國五十年代末開始跳船唔跟蘇聯,自成一套,頭幾年捱到傻
中蘇交惡,根本原因係蘇聯企圖徹底統合各國,干涉太深,不過蘇聯的確好有義氣,無限包底,就算之前三唔識七,聽話就要乜有乜,送既唔洗講,賣既都係優惠價,無錢可以借,仲可以有拖無欠
但中共三十年代幾次因為蘇聯既錯誤指揮搞到亡黨邊緣,所以寧願挨窮都要反面
不過蘇聯帶住華約沉船時,就拖唔到中國落水
如果中國唔跳船,一個可能就係中國反過來主導蘇聯同華約,毛澤東鄧小平取代勃列日涅夫,咁反過來打沉北約都得。但最大既可能係攬住一齊死
真係沉左船既國家非常多,東歐既華約唔洗講,其他比較重磅既國家仲有北韓、印度、古巴、埃塞俄比亞、越南,中國以外半個地球既人口,生活水平倒退甚至崩潰
北韓同古巴,之前係機械化農業,因為蘇聯崩潰,無左平價燃料來源,拖拉機全部廢棄,改為用馬,農業大幅減產,所以北韓果期餓死人
歐洲對美國既依賴,明面上無咁多,但係根部糾纏太深,要分離會好痛苦,根本唔係歐洲既民選政府承受到
[ 本帖最後由 wilsonkf 於 2022-5-14 20:59 編輯 ]