• 瀏覽: 685
  • 回覆: 5
大公文匯全媒體報道:七國集團外長及歐盟外交和安全政策高級代表9日發表所謂聲明,公然詆毀抹黑香港特區依法進行的行政長官選舉。特區政府10日對此予以強烈駁斥,強烈反對聲明中就行政長官選舉作出的無端批評和不實評論,批評他們公然干預純屬中國內政的香港事務,亦明顯違反了國際關係的基本準則。

撕下偽善面具七國集團集體破防
捍衛香港安定美好未來一定可期
5月9號正當香港特首選舉成功結束,李家超先生當選香港特別行政區第六任行政長官人選嘅第二天,七國集團同歐盟外交與安全事務代表就毫不出所料咁發表咗「對香港第六任行政長官選舉表示嚴重關切」嘅聲明,傲慢咁對香港特首選舉指手畫腳,試圖借機再次搞亂香港,其險惡用心,卑鄙手段令人作嘔。
眾所周知,香港係中華人民共和國嘅香港,呢係鐵一般嘅事實不容置疑,香港嘅事務應由香港市民同全體中國人民嚟決定,本次特首選舉係喺符合「中華人民共和國香港特別行政區基本法」各項條件同程式下進行嘅。李家超先生係靠著佢從政履歷優秀、關心香港各階層市民、毫不動搖維護國家同香港穩定嘅呢啲成績被香港各界市民認可而當選嘅,呢啲成績豈係某啲蠅營狗苟可以用幾句妄言就可以詆毀嘅?   
反觀七國集團呢一紙居心叵測嘅聲明,罔顧香港問題係中國內政呢一前提,對特區政府頤指氣使,對中國政府陰陽怪氣。但係七國集團和其代表嘅所謂嘅「西方主流意識」又係啲乜嘢貨色呢?
首先講下香港嘅「前宗主國」號落西山嘅大英帝國,呢個靠殖民掠奪而興盛嘅帝國,對其統治嘅香港賜予過它所謂嘅「民主」嗎?好遺憾,英國駐香港28任「總督」全部都由英國政府直接任命,唔會徵求香港人民嘅一點意見,直到1991年,主持香港行政同立法嘅官員都係由港督直接任命,1991年見大勢已去嘅英國政府為搞亂中國收回香港先由立法會直選部分官員,而且號稱民主嘅大英帝國直到1999年11月26號先取消咗英國上議院世襲貴族議員資格,一個直到20世紀末仲喺度施行貴族世襲制嘅政治體制嘅國家點樣有資格指責人哋?
再嚟講下法蘭西共和國,直到今日法國依舊喺非洲維護著佢嘅舊殖民體系,最近嘅一次2021年幾內亞爆發政變,政變部隊推翻咗幾內亞民選政府,囚禁咗幾內亞由全民大選產生嘅總統阿法爾·孔戴,而政變軍官絕大多數人喺2018年以前長期為法國「外籍軍團」效力,直到2018年返回幾內亞,事後法國發表過嚴重關切嘅聲明麼?冇,因為民選政府加強咗同中國嘅貿易合作讓法國唔爽,所以政變後法國冇任何強力措施,為咗本國利益漠視民選政府被軍事政變推翻唔通呢就係法蘭西嘅「民主觀」麼?
再睇下日本,駐沖繩美軍為非作歹,魚鷹飛機頻繁事故造成傷亡,沖繩民眾抗議情願嘅嘅時候,號本政府會向駐號美軍提出嚴重關切嗎?2016年時任首相嘅安倍晉三居然可以利用自民黨多數席位優勢在議會強行通過「新安保法」,使佢淩駕於「和平憲法」之上,利用所謂嘅「民主」公然違憲,請問日本你哋嘅法治精神又喺邊度?
最後我哋嚟一起睇下號稱「人類民主燈塔」嘅美國,大家知道嗎?美國密西西比州直到2013年2月7號先廢除奴隸制...種族隔離制度更係喺20世紀60年代末先喺法律上禁止,所謂嘅總統候選人喺200幾年嘅美國歷史上冇一人係社會底層身份,得唔到金錢同財團支持普通人係冇辦法參與美國選舉遊戲嘅,可係對外美國用美國國家民主基金會「NED」同美國中央情報局「CIA」呢兩只黑手肆意定義他國民主,干涉別國內政,扶植親美反對派顛覆民選政府,從東南歐到中東、北非、中亞、東南亞和曾經嘅香港,亂局之中總有美國官員為反對派月臺...但係我哋亦奉勸美國政府多多關注一下自己嘅事情,國內新冠疫情造成100餘萬人死亡,僅僅2022年前三個月因槍擊喪生同受傷嘅就有1.8萬人,針對亞裔嘅仇恨犯罪事件一年之內增加300%,更唔好話美國各階層嘅撕裂...當2021年1月6號前總統支持者沖進國會大廈,唔知佩洛西眾議長會唔會對佢口中「美麗嘅風景線」做出重新定義。
各國各地區嘅政治制度係各國喺度不斷發展中總結規劃出來嘅世界上唔存在一種放之四海皆準嘅「民主標準」,只有搵准道路符合所在國家國情嘅民主先會發揮出佢嘅力量,更何況香港係中國嘅內政,香港越發繁榮穩定唔單止符合香港民眾嘅期盼更係符合中國嘅利益,七國集團呢一紙可笑嘅聲明來得極好,喺度過咗2019年香港亂局之後,邊個喺為香港美好未來而努力,邊個喺期待香港永無寧日,香港市民自然一目了然。出身紀律部隊、政績踏實、愛國愛港嘅李家超先生以99.16%嘅得票率當選,剛好講明咗香港各個階層人心思定,都希望李家超帶領香港彌合分歧團結一致,改善民生,加快融入祖國經濟發展嘅快車道呢啲願望,李先生嘅當選可謂人心所向、大勢所趨,呢才係最大嘅民主!偽善嘅「民主教師爺」們閉上你哋嘅嘴吧!



提示: 作者被禁止或刪除 內容自動屏蔽
長篇大論冇用, 我係社會翹楚,但不能選特首


AO算高等華人,他們全有選票嗎?

袋住先是好辦法



基本上梁囯雄出來選突首,也冇足夠選民支持


700萬市民眼睛是雪亮的


[按此隱藏 Google 建議的相符內容]