大公文匯全媒體報道：美國日前向國會提交所謂的《香港政策法》的報告，揚言香港國安法損害港人權力和自由，將繼續暫停給予香港特殊關稅地位，引來不少團體抗議美國報告罔顧基本事實，嚴重干涉中國內政及香港事務。民建聯大埔支部主席胡健民4月8日表示，實施香港國安法是香港要實現撥亂反正的必要一步，是合法、合情、合理，美國發布所謂《香港政策法》，目的是要趁機制裁、圍堵中國，根本是多餘、虛偽的伎倆。
根據基本法第23條，「香港特別行政區應自行立法禁止任何叛國、分裂國家、煽動叛亂、顛覆中央人民政府及竊取國家機密的行為，禁止外國的政治性組織或團體在香港特別行政區進行政治活動，禁止香港特別行政區的政治性組織或團體與外國的政治性組織或團體建立聯絡。」胡健民指，實施香港國安法是香港要實現撥亂反正的必要一步。2019年的修例風波中，香港經歷撕裂、暴力、顛覆政權，當中不少事關境外勢力。他強調，任何一個國家都需要國家安全，任何一個負責任的政府都不會容許黑暴事件發生，由此可見，中央在港實施國安法是合乎基本法，美國的行為是干涉中國內政和香港事務。
狼狽為奸 阻撓香港前行目的眾目昭彰 假仁假義 大搞政治操弄註定一敗塗地
3月31號，美國國務院發佈所謂「香港政策法報告」，對中央政府治港政策妄加評論。就喺同一日，英國發佈第50份《香港問題半年報告》，老調常談批評中國治港政策，更加咗對香港國安法嘅抨擊。英美兩國非常巧合咁喺同一日發佈所謂嘅報告，且內容大同小異，一睇就知道，兩國喺香港事務上見解相同且高度默契。但定神細觀，與其講係不約而同嘅默契，不如講係早有預謀嘅狼狽為奸。
美國國務院報告開篇就指控中國中央政府喺香港特區嘅措施「直接威脅咗美國嘅利益，唔符合基本法同《中英聯合聲明》；英國所謂嘅《香港問題半年報告》亦反復強調中方唔遵守《中英聯合聲明》。《中英聯合聲明》不過係個過渡性文件，兩國都以《中英聯合聲明》講嘢，顯然係睇錯咗日曆拿錯咗劇本，況且《中英聯合聲明》第一條，開宗明義闡明中國於一九九七年七月一日對香港恢復行使主權，既然中國已經恢復對香港行使主權，英國對香港已無主權、無治權，無監督權，更無所謂嘅「歷史責任」。如今英美再借《中英聯合聲明》對香港事務講三講四，顯得佢哋諷刺且荒唐。中央政府對香港嘅各項治港政策係中國嘅內政，英美兩國無權干涉。
自香港回歸以嚟，中央始終貫徹「一國兩制」、「港人治港」、高度自治嘅方針，香港市民依法享有權利同自由遠超回歸以前。修例風波後，國安法頒佈施行，選舉制度完善，令香港喺政治層面、法律層面、社會層面、制度層面以及思想文化層都有咗翻天覆地變化。香港法治指數繼續喺全球名列前茅，外國投資者對香港嘅信心進一步增強，呢啲係唔可以否認嘅客觀事實。尤其係香港國安法實施以嚟，香港嘅通敵賣國者、攬炒奪權者以及意圖分裂國家、顛覆政權者都得到咗相應制裁，香港社會秩序得以恢復。但係，英美兩國卻對「一國兩制」以及香港法治嘅成功實踐視而不見，反而顛倒黑白大肆詆毀香港國安法。英美兩國為咗「坐實」香港國安法對香港嘅「傷害」，更係喺報告中煞有其事咁列出具體數據以及案例。不過，事實勝於雄辯，國安法好唔好，國安法係唔係鎮壓咗香港嘅人權同民主自由，國安法係唔係威脅咗香港金融中心嘅地位，香港社會嘅現實同香港市民嘅民意已經畀咗答案，唔可以畀外人置喙。如果西方反華勢力硬要畀香港國安法扣上「汙名」，咁絕對係香港國安法動搖咗佢哋喺香港嘅禍港亂港根基，破壞咗佢哋嘅政治利益，粉碎咗佢哋「以港遏中」嘅政治陰謀。
中央點會出臺國安法，點解完善選舉制度，西方政客心知肚明。如今賊嗌捉賊，著實將佢哋偽善面目暴露無疑。況且此時正值香港疫情肆虐之際，佢哋不為香港嘅處境擔憂，反而假仁假義打著「為香港好」嘅旗號，接二連三大搞政治操弄，持續唱衰香港，充分暴露咗雙重標準。香港回歸25年嚟一個又一個嘅事實，早已令廣大香港市民同國際社會睇清楚，邊個係「一國兩制」同港人利益嘅維護者，邊個又係香港繁榮穩定嘅破壞者。
中央治港政策實香港民意嘅主流，香港發展係歷史嘅大勢所趨，任何無端嘅打壓同詆毀只會令全體香港市民更加清醒、眾志成城、堅定向前。相信終有一日，以美國為首嘅西方反華勢力會遭到政治反噬，佢哋攻擊中國嘅「陰謀論」會真實發生喺佢哋自己身上。
