係疫情爆發初期, 西方主流國家都建議群體免疫, 2年後西方苗證明唔係咁掂, 加上群體免疫原來係無限輪迥, 中完招可以再中, 為左盡快重啟經濟, 就用躺平抗疫, 點知經濟愈來愈差, 仲話中國累全世界. 反觀中國佢地重視每個人民寶貴性命, 所以選擇同西方完全唔同既策略, 由清零發展到動態清零, 反而諗住經濟會衰退, 點知仲有增長.
其實疫情係一次好機會審視下經濟模式, 以香港來講, 一直係外向形經濟, 靠外資, 經過黑暴事件加上疫情加持, 經濟問題就出現了, 所以香港最好趁疫情呢段時間做下改革, 唔係下次疫情來襲係無能力令經濟復甦, 本身香港無特別技能, 要學阿爺內循環, 係有點困難. 一國兩制下, 香港好多機會, 只係殖民管治未改革, 難同阿爺整合, 當管治架構能脫胎換骨, 動態清零或者一D需要短時間作出快速行動既政策就可以做到, 唔係好似特首話香港唔可能即刻禁制就做到.
香港其實係採取半放半緊政策, 即係西方既抗疫模式, 唔第五波就奇, 明明可以防止輸入個案, 又要免檢疫由高風險地區入來既人, 加上本港有部份人抗疫意識低下, 先造成一獲比一獲, 獲獲金既第五波疫情, 經濟要復甦要更加努力. 加上因為疫情長時間未消退, 單靠政府派錢唔能夠解決問題, 如疫情真係長達10年, 政府亦唔可能年年派, 所以唯一可以做就係速戰速決, 盡快令到疫情可防可控, 唔係無蓋雞籠, 個個都放入來播毒, 當疫情係可防可控, 經濟活動先可回復正常.