有時 , 我真係覺得好多所謂 / 自認為 "知識份子" 所謂既公平 , 其實係指要階級尊卑之分 ... ^.^"
.
呢個感覺小弟其實一直都有 , 但今次主要係自來一個藍營youtuber既讀者來信 ...
.
拿 ... 我必需要事先聲明 , 呢位女士係藍絲 , 佢講既絕大部份內容 , 我其實都好同意 ... 只係當中有一句 : "我地香港地位都幾高既藥劑師 , 其實係澳洲都係得二萬幾人工 ; 相反 , 係工地指揮交通既 ... 即係負責轉STOP/TURN RIGHT果牌果D , 因為少人做 , 人工可以7至8萬一個月 , 所以好唔公平架 !!!" 我唔明既係 , 唔公平係邊??? ^.^"
.
其實佢自己都講左 , 人地人工高係因為少人做 , 簡單就係市場供需定律既結果 ... 咁唔公平係邊??? 係咪你拎左藥劑師牌 , 就有硬性規定 , 唔比你去做交通指揮員??? 又唔係 ... 咁即係你自己唔肯做姐 , 我真係唔明白唔公平係邊???!!! 其實以小弟所知 , 係外國高勞動 高危險 , 或者各種因素(包括苦悶因素 , 如駐鑽井台員工)既低學歷高薪工種有唔少 , 原因不外乎肯做既人少 , 無左佢地又唔得 ... 人地肯捱呢個苦 , 而你唔肯 , 有咩Q唔公平???!!! ^.^"