我返深圳兩個月, 剛剛返回香港, 在深圳係14日酒店隔離, 再加7日家居自我監察, 期間多次做核酸檢測.
我返大陸係揀樓, 揀一套135平方米的羅湖區棚改安置房, 我都唔知點解會得到呢層樓, 真係要感謝共產黨感謝大陸政府.
深圳市民出街絕大多數都不戴口罩, 只係去銀行, 醫院, 政府部門, 及搭地鐵公車(巴士)時才戴口罩及量體溫及出示健康碼, 疫情緩和搭公車都不需再亮健康碼, 深圳的餐廳沒有限聚令, 所有娛樂休閒場所都重開.
香港人返大陸, 一定要有大陸的手機號碼, 而且一定已是實名制的電話號碼, 沒有的話就不要返大陸, 因為除了粵康碼即健康碼, 仲有行程碼, 行程碼係紀錄手機持有人的行蹤, 是否有去過其他大陸城市.
我係用回港易返香港, 但回港易的手機APP唔係好惦, 即係健康碼轉碼程序唔係user friendly, 因為回港易的申請程序係要先登入微信內的粵省事APP, 因為要打開粵省事APP先至可以睇到自己的健康碼, 係人都知大陸有自己的一套互聯網體制, 係跟外國包括香港唔相融, 即係香港人用慣的google及youtube, 在大陸就用唔到, 但香港設計回港易APP的人, 就以為香港用得到的程式大陸都可以用到, 例如回港易的視頻教學係以youtube為載體, 在大陸就開唔到youtube, 仲有一樣好笑, 在填寫過程中, 屏幕竟然出現提示我手機的瀏覽器版本太低, 建議我使用chrome或safari或firefox, 真係搞笑, 呢幾隻瀏覽器在大陸都禁用.
在填寫回港易時, 先要填寫大陸海關需要填報的資料, 填完後出現健康碼, 及在手機屏幕出現一小段文字叫申請人去填寫入境香港的資料, 但文字細到幾乎要用放大鏡先至睇到, 我真係唔明點解唔大大隻字顯示? 之後填寫完所有資料又再出現一個綠碼, 但又冇文字標示申請人已成功登記回港易, 綠碼的下方有幾隻字係講回港後要定期做檢測, 但卻入唔到網頁去睇.
我在手機申請咗回港易之後, 第二日又去當地醫院打印健康碼紙質證明書, 唔怕一萬至怕萬一返唔到香港.
返香港過深圳灣海關時, 睇到在香港呢邊有二, 三十個旅客一字排排坐在填寫表格, 我出示綠碼之後就直行直過, 呢班人可能唔識在手機填寫回港易APP, 所以去到海關先至手寫填表格, 在出閘口時有一個女實Q提醒我返到香港後要定期做檢測, 她指住掛在鐵柱上的海報叫我拍下照片. 返港後依著日期去社區中心做檢測, 如果唔依時做檢測就要罰款.
政府必須改善回港易APP的填寫申報程序, 令普羅市民易於使用, 日後如放寬通關人數, 便不會出現大量人群在關口滯留以人工填報.