李顯龍唔係否定「東升西降」
佢係講緊雙方對形勢有誤判
中國並唔係美國想點拿捏都得
而美國國力點衰法 整體仍然超越中國
所以雙方都唔好對自己既力量過於有信心
講真句 正常情況下 中國要追上美國 無十幾廿年都唔好諗
不過 呢個係建基於美國國力仍然恒定保持發展
但係全世界好多經濟學家 都已經表示
美國既經濟泡沫必定會爆破
今次美國再爆鑊 中國會唔會好似2008年出手救美 無人知
再加上美國疫情再度爆發 如果情況逼到拜登不得不再進行嚴格管控措施
國內紓困必定要持續 而經濟復甦將會再次押後
現在 美國正為之前無限QE付出代價 國內通脹急升
周圍真係有太多已經點燃引線既炸藥桶
只要有一個救唔切 爆出黎
美國個經濟將會連環爆破
所以 中國唔好高估自己國力既提升速度
但亦唔好覺得美國真係好似外表咁強大