• 瀏覽: 331,317
  • 回覆: 355
  • 追帖: 23
[隱藏]
其實現在大家睇到,有啲事不是不可為,而是主事者"不作為"
原來同教協斬斷關係,教育局一聲令下就解決左
咁之前咁多年,為何不作為?
仲有港台問題,要對付港台話都冇咁易
唔聽話咪係咁刪年度預算
港台每年政府要編成十億多俾港台支出
港台養左七百多員工
今年二月財政司波叔就刪左港台百分之四點幾預算
其實要教訓港台,唔一定要用到解散
刪港台預算刪到阿媽都唔認得,吹咩? 
政府有此權力,係做與不做的問題
可見國安法出台後,震懾作用不只對亂港分子
突然間發現,林鄭政府至肯做下野
以前建制派又好,社會大眾也罷
提什麼建議俾林鄭,都係一咪用拖字訣
一味只識講返去研究研究
法援濫用問題,而家點?有冇下文?
要研究幾耐至會推出改革方案?
簡單啲兩樣野就夠
申請法援不得指定律師,公家派到邊個就邊個
申請法援者不得用來成為對政府政策無理之訴訟
如當年領會上市,莫名其妙搵個阿婆出黎代表打官司
官司拖拖拉拉搞左成年
仲要係政府出錢俾佢打官司,其實係泛民班人攪鬼
扯政府後腿,仲要賺埋政府啲律師費
天下邊有啲咁著數既事
黑暴之亂仲誇張,班黑暴被捉到上法庭,請啲全部係黃律師
結果又全民埋單



熱賣及精選
引用:
原帖由 上環 於 2021-8-5 06:07 PM 發表


睇左啦,好似再爭都只係7-12排名賽
樓主還是回歸主題
免得又有人偷偷地檢舉,話違反版規被移吹水區
之前我講有人笑裡藏刀,網路上玩陰的何其多
你當時半信半疑
而家相信啦?
兩個批評林鄭的主題都被移走



引用:
原帖由 hkchina2021 於 2021-8-5 07:18 PM 發表

提出一點:支持林xxx 嘅論點其實幾好笑。
有鍋氣時就話佢因為得3萬警察,所以咩都做唔到,不能怪她?
社會有少少好嘢,就變成她為社會做了好事?

留意了呢邊幾篇文同幾個「KOL」 好耐,唔敢講全部,大部分內容都有睇。我唔相信某幾位咁嘅料可以有資格收錢唱好。

由隔離某幾位嘅「大作」,明顯見到係由網上不同渠道「抄」返嚟。可惜,內容睇得出一無做過政府,二無政府高層內部資訊,三無獨立思考分析能力。

人 ...
我的論據
為何我會認為他們不是個人評論,而是有組織
意思是一個帳號可能不只有一個人在使用
這個討論區,大家再留意一下
只有三位仁兄有忠實FANS
每每一出帖,就有一堆人進去留言
支持.....留位....然後什麼意見都不發表
如你說的他們把網路的東西,東抄西抄
也不是什麼真知灼見,如何可以圍爐有這麼多像宗教式的信徒?
這裡有不少資深的師兄
如神兄這類會寫詩,文采出眾
有看過他們出帖會一堆....支持....留位...進去圍爐嗎?
我們這些人縱使意見不同,但大原則是差不多
大家有話直說,理論上也算是在圍爐
可是就無法引吸到有人進來,留兩個字"支持"
誰能解釋這種現象,為何待遇差這麼多?



引用:
原帖由 上環 於 2021-8-5 08:13 PM 發表


亞爺幫左國安法,選舉制度改變,而家攪埋個教恊啦

香港要改革個雛型出左黎,就係睇班官敢唔敢做野

當然我都預左佢地唔會敢,班廢官
仲有,搞惦埋毒果

最大啲路障其實清得七七八八

當然黃法官係最麻煩,一個司法獨立社會又實行一國兩制

要郁法官真係要有很大的理據

否則現行法令要對付佢地,相當困難

所以期望二十三條快啲立法,定得清楚仔細

唔好俾黃官有放水空間



[隱藏]
引用:
原帖由 上環 於 2021-8-5 08:39 PM 發表


係,我都唔記得左攪掂埋毒果,你提一提,真係開通左條路

只差班官敢唔敢走
因為毒瘤不存在,大家忘記了毒果的影響力
好彩剷毒果剷得及時
試想,如果毒果仍在,會點樣報導殺警單case?
香港媒體兩大毒瘤,毒果同港台
少左兩個禍害
本區都安靜左唔少
至少果位轉貼員冇料可轉貼



引用:
原帖由 上環 於 2021-8-5 09:23 PM 發表


佢想連任都要亞爺比佢做先得架,而家亞爺講到明就係要一個強硬的人做特首,我睇唔到佢邊忽硬咯
阿爺開左特首條件,表示一定唔係佢
如果仲係佢,夏主任無需講咁多要求
我對佢不連任的政治推論
中央一直冇任何表示,佢自己應該醒水
時間都差唔多
上頭唔問有冇連任意願,官場文化再蠢都知係咩野事
外界話佢好想連任,我認為係利益團體帶風向
一個想連任的人,應該拎出積極態度任事,重新爭取中央信任
你睇佢副德性,最近一些事發老脾,連自己"一定會走數"
呢種幾近發爛渣的用語
容易做早就做左...呢啲咁唔負責任既話都講得出
可見佢已經冇心戀棧,唔想再演至會咁講野
如我之前一直推論,佢可能答應阿爺看守到滿任
有句話唔知大家有冇聽過,為官者上台靠運氣,下台靠智慧
官員上台落台好平常,就算做得唔好,落台留個華麗身影
至少唔會咁難睇
張建宗就真係難堪,心不甘情不願,講到自己冇功勞都有苦勞
其實官做到咁大,睇到勢色唔對,就應該先請辭
套句最常用請辭官話....階段性任務完成,應該係時間陪家人
俾人炒友幾咁難睇
另一個可能係,如果林鄭仲有少少政治智慧
可能私下主動同中央講左冇意願尋求連任
推測時機就在三位紀律部隊出身官員升官前決定
中央收到後,就開始部署至會拿拿聲調整人事
我地係職場打滾多年,最高管理層有人如果唔撈
好少會做到規定時間到至走人
有可能局勢有變,或董事局一搵到合適人選,隨時提早執包袱
如果佢提早走,李家超可以暫代,直至新特首產生



引用:
原帖由 hkchina2021 於 2021-8-5 10:59 PM 發表


師兄我試吓講啲個人分析。
首先利益申報,我有2個戶口,舊嗰個已經在香討超過10年,從不論政,應該不會再用,呢個新開專門論政用。
自黑暴,起底情況嚴重,政府更不即時處理,而香討雙對起唔到底,不會連累家人,當時一大班正常中國香港人唔多地方可以發言,時間點造就聚喺呢度。
期間,亦要多謝隔離某幾位不斷開貼俾所有人有個天地無憂地講:愛國痛港。
香討有粉絲及追蹤貼功能,相信大家都記得當時我哋最需要嘅係同路人 ...
冇所謂啦,網路世界,咩野人都有
大家認知不同,只有佢地最清楚自己做緊咩野
佢地係真神假鬼,一啲都唔重要
最討厭係,大家討論得好地地,硬要走入黎倒亂又去檢舉



引用:
原帖由 路過的人_甲 於 2021-8-5 10:52 PM 發表


或者咁講
阿爺俾一年時間你,
如果你做到我要求,
嗎俾你連任囉。
內地做官冇得等
稍有差池,烏紗帽不保
香港房屋政策係重中之重
而家馬上推出都已經緩不濟急
仲等你個明日大嶼,填好海再起好屋蚊都訓
或者到時林鄭都唔知下左台幾世
夏主任下完指示
佢有冇變得好積極做野?
答案大家都睇到



樓主樓上的一篇
簡單講係基本法第二十三條
林鄭唔敢講出口
23條可以補齊國安法的不足
立左法自然可以管得更細緻


其實如果佢真有決心連任
只要宣示在今屆任期滿前
一定要通過二十三條
以此展示決心同魄力
呢個係中央多年來對香港念茲在茲的重大事項
做得到的話,連任唔任係另一回事
至少佢做到前幾任做唔到的大事,算係將功贖罪



[隱藏]
引用:
原帖由 上環 於 2021-8-5 11:49 PM 發表


林鄭敢做早就做左,我就認為佢唔會做啦
呢個係大家的共識,佢唔會做
有人認為佢好想連任,撐林鄭派話佢好打得
好打得又想爭取連任
唔做野憑什麼連任?完全唔合常理
我的意思係話
如果呢個女人真係咁熱衷想做多一屆
目前就係最佳時機推二十三條
只要係明年任期滿前能完成
努力朝一項阿爺最在意的事做好.佢就有機會連任
睇佢目前一直消極被動做事
點睇都唔似想爭取連任

[ 本帖最後由 sclee1209 於 2021-8-6 10:46 AM 編輯 ]



引用:
原帖由 上環 於 2021-8-6 12:45 PM 發表


當時,重有一個係財爺鬍鬚曾,不過佢輸左
阿爺就係唔想俾鬍鬚曾做,條友同泛民走得太近
加上又係地產黨支持對象
在兩難情況下至俾林鄭出線
情況有如當年唐英年,班地產黨李黃瓜為首擺明就係支持唐唐
我記得當時習近平仲係副手等接班,港澳特首人選CY係佢推薦
對於中央,港人治港真係一個天大頭痛問題
內地官員做得唔好就即炒,能夠升到中央做官
查一下每個人的資歷都不簡單,習近平去過好多地方縣市歷練
四處空降,至考驗到能力有幾多
香港人的悲哀係,官員一輩子公務員升上神枱做特首
可笑的是,連地鐵都唔識搭的人,要選舉時至臨急補課
做得好至奇怪
中央大官總書記同總理分工合作
總理咁大官位,經常下鄉,仲會去到一啲窮鄉農村
點似得香港高官係冷氣辦公室嘆世界
冇事都唔見佢地會出黎走走
等到黑暴之亂,先至扮晒魚蝦蟹
話要下鄉同各方不同意見者面對面溝通
有人話林鄭係黃,我並不認同
呢個人只不過同貪曾一樣,仲存在英殖時代官員的傲慢
加上心態保守,多做多錯,少做少錯,最好唔做
想無驚無險做到退休
所謂主張團結不同意見的人及大和解,是逃避現實的懶人施政策略
咁多年仲唔知反對派咩野料?
要和解,大前題係理念不同,大原則愛國愛港一樣至有得傾
成班漢奸,咪犯蠢去團結班漢奸?



引用:
原帖由 上環 於 2021-8-6 02:09 PM 發表


我都希望你估錯,始終暫時黎講,cy會係最好的人選
夏主任有提到香港要有新面向
似乎暗示舊人回鍋的可能性好低
我以前有提過,CY再返黎,佢會面對好多質疑
比如,佢下台後好多發言,應該會有人留下全記錄
半年前佢提到教協係一班舵地,香港毒瘤影響到教育下一代
等等.....可唔可以解釋,點解CY做特首時不處理教協?
原來教育局發個聲明斷絕對教協來往,就等同廢左教協武功
CY為何不做? 做不到的理由何在?
郊野公園外圍土地起公屋政策
據林鄭講內部有人反對
邊個反對?幾多人反對?
有人反對,連特首都冇符?
如果政府內部咁多問題,為何幾年任期不整頓?
CY要重披戰袍,無法逃避要出來一一辯解



引用:
原帖由 上環 於 2021-8-6 03:04 PM 發表


你講的沒錯,只是牌面上希望CY會做,講真,佢要再做又要攪掂佢自己家人問題先得,唔係又會比人攻擊
其實下屆特首先係最大挑戰
理論上,毒瘤清唔少,應該好辦事
加上選舉制度改革後
幾乎斷定反對派冇人可以入閘
如果特首都交唔到成績出黎
怪誰? 完全冇任何理由推卸
剩下的就係同建制派打交道
如果有人玩野阻撓施政
要如何因應?
下任人選必然夠硬,政治手腕又要高明
想到都難搵



本來都想講黑暴之亂的起源,陳同佳殺人事件,既然有師兄講開
我都補充一下
逃犯條例其實仲有一個對象係大劉,佢係澳門洗錢判左五年監應該要去坐
又因為港澳沒有引渡條例,白白俾佢逍遙法外,而家人去左邊都唔知
林鄭誤判形勢之初,其實早期或許仲有機會扭轉
當社會氛圍出現山雨欲來之勢,佢唔識煞車仲係到口硬,話一定要通過
有人發起上街,我記得咩X野掃求未正式出台前,只係要求佢撤回
一個稍有政治智慧的領袖,係果個moment就應該作出最壞打算
1 話之你七百萬人上街,正確的事堅持到底 反正過左海就係神仙
2 早啲退場撤回,求奇搵個藉口下台階
結果佢又唔服輸,玩左個文字遊戲咩野叫做壽終正寢? 反對派完全唔buy
等到五大掃球提出,已經冇討價還價空間
佢至死死地氣宣布撤回,可惜已經錯失了最早時機
琴日睇國際新聞,美國紐約州長古莫性騷擾案,連拜登都公開要求佢辭職
其實出現第一單有女性出黎指控時,就應該做危機處理
條友死口唔認,後來多一兩個至心不甘情不願道歉
結果而家由檢察官調查,越查越多人出黎做證
認又好,唔認又好,睇黎好難翻身
本來佢係政壇明日之星,有人睇好佢,以後有機會問鼎總統大位
何惜.....又係誤判形勢
仲記得N年前,阿諾州長
電影明星大隻佬阿諾,係選州長時有女性出黎話佢N年前性騷擾
阿諾第一時間就出黎認錯道歉,做得動作演員為人熱情肢體動作大真係唔好意思
仲用打包式道歉,話如果仲有其他人有同樣感受,一次過say sorry
如果唔認唔理,保證陸續有黎,第二個,第三個....係咁彈出黎
到時至認錯就太遲了
政治呢味野,timing掌握係非常重要,以及考驗政治人物危機處理能力



[隱藏]
引用:
原帖由 上環 於 2021-8-6 07:18 PM 發表


政治確實唔係一般人玩得掂,當時大劉玩埋司法覆核

後尾點解收手就唔記得左啦

岩岩你補充個DHK兄又無講,親晒
法律本來就有所謂不溯及既往原則
國安法通過後都冇違反呢個原則
林鄭想通過逃犯條例,就算通過左
大劉或陳同佳兩單案,其實仲有爭議
因為案發生在逃犯條例之前,通過都未必適用
香港政府可以用專案方式,司法互助又好
港台兩地政府傾惦數又好,先解決左將人送去台灣受審
然後打蛇隨棍上,再推逃犯條例,正當性就比較夠

[ 本帖最後由 sclee1209 於 2021-8-6 07:56 PM 編輯 ]



提示:支持鍵盤翻頁左 右
[按此隱藏 Google 建議的相符內容]