總括一句 日本沉淪於過去榮耀 不願承認已經被中國超車
日本呢個民族最大問題係
成日都係搵唔到 甚至忽略真正重點
反而過度於邊邊角角既位度不停雕琢
講得好聽 就係匠人精神
講得唔好聽 就係重度強逼症患者
曾經既日本 係十分強大
雖然二戰後 俾美國完全傀儡化 軍事上受到各方各面既限制
但亦因此 日本可以全國上下全面發展經濟
如果你唔知當時日本有幾勁
你可以睇返今日既中國
美國既公司 話買就買
美國既標誌建築 話買就買
美國既資產 話買就買
曾經 日本既家電 係全球南波萬
曾經 日本既芯片技術 係領先全球
總之 當年成個亞洲 日本係真正阿頭
無論係投資 以及設備 只有日本可以同外國競爭 甚至勝出
當年日本國內卷起一股脫亞入歐思潮
認為日本既強大 已經可以同歐美國家相比
而日本人既質素 只有與歐美人先可以有共同語言
簡而言之 佢地覺得佢地係亞洲真正第一 真正話事人 真正規則制訂者
不過槍打出頭鳥
今日美國對中國既「頂級待遇」
日本係三十幾年前就已經享受過
中國簽左第一階段貿易協議
日本當年就簽左廣場協議
不同既係
中國就算簽左 貿易仲係照做 仲越做越大
而日本既經濟自果時起 直到而家 都係彈唔起
由迷失既十年, 到二十年, 到而家三十年, 相信四十年都仲會係迷失
日本最大既問題係人口
二戰後 日本高出生率 令到日本係往後一段好長時間
都享受緊人口紅利帶來既勞動力增加既好處
但係近年 日本既出生率每下越況 近年甚至到左負增長
而家講緊 日本係未來 人口會跌破一億
而所帶來既問題 就係人口老齡化
令日本勞動力不斷減少之餘 社會既負擔 更日漸增加
日本面對自己作為曾經亞洲強權 今日既境況
就係覺得自己仍然係南波萬
不肯 不願 亦不會接受自己已經從亞洲南波萬
變成第三 甚至第四
所以你會見到日本既外交係奇奇怪怪
明知自己根本已經無可能同中國對抗
明知自己經濟係高度依賴中國發展 帶動
但仍然三番四次 向中國作出挑釁
覺得亞洲仲係自己話事
sorry 基本上而家成個亞洲既新興發展上黎既市場
中國先係有最大影響力
簡單D 總括一句 就係日本唔肯面對現實
不願承認中國先係真正亞洲一哥