• 瀏覽: 1,059
  • 回覆: 1
提示: 作者被禁止或刪除 內容自動屏蔽
https://hk.on.cc/hk/bkn/cnt/commentary/20210620/bkn-20210620000429634-0620_00832_001.html

講起罪惡,離唔開黃賭毒呢個鐵三角組合,香港仲多咗瓣假難民禍港擾民多年,令香港罪惡更添複雜。本報關心時事關心社會,早喺去年已經指出,疫情嚴峻,唔少樓上吧仍違禁聚令開業,更涉販毒及黑社會不法勾當,毒害青少年,危及治安,認真不該!


嗱!警方為打擊有組織及三合會罪案以及斷絕不法分子收入來源,連續兩日即18及19日展開代號「雷霆21」、「犁庭掃穴」及「虎撲」嘅反黑行動,淨聽個名都夠晒威,知道唔會係虛晃一招,而係動真格,果然有料到,行動中拘捕百多人。警務處副處長(行動)蕭澤頤仲親臨銅鑼灣酒吧區督師,都咪話唔震懾力驚人啊!

警方兵分三路巡查全港各區唔同地點,其中,新界南總區反三合會行動組,搗破荃灣二陂坊一個懷疑非法麻雀賭場;大埔警區反三合會行動組及刑事部等,則搗破上水新豐路一個懷疑非法賭檔,一名姓莫男負責人涉嫌「經營賭博場所」及「藏有攻擊性武器」被捕;相若時間,深水埗警區特別職務隊喺大南街一單位,搗破懷疑非法釣魚機賭檔,拘捕一名姓甄女負責人;而有近半百警員喺旺角嘅娛樂場所查牌,期間警犬奉召到場協助,陣容鼎盛!

至於掃蕩無牌酒吧,更係行動亮點。中區警區反三合會行動組,搗破利源東街一間懷疑無牌酒吧,拘捕一名19歲尼泊爾籍男負責人;另有多名男女被捕,當中包括假難民、外籍男女及一名本地男子,都真係「品流」複雜。此外,警方突擊搜查位於長沙灣道一工廈單位,搗破一間懷疑無牌酒吧,相信與三合會人士有掛鈎。單位內52名男子、2名非本地男子及17名女子被捕,年紀最小只有13歲,未成年嘅都有25名。

呢!早前禁毒常委披露,青少年吸毒上升令人關注,21歲以下吸毒人數較前年上升6%,其中35%為學生年齡群,阿哥,依家13歲都蒲樓上吧,走上吸毒不歸路又有乜出奇喎!事實係不法分子無視禁令,經營非法賭檔、無牌樓上吧等場所,造成一大防疫漏洞。有論者亦指出,疫情下政府專注防疫,不法分子氣燄因而壯大,不停開設非法場所,以增加收入來源。樓上吧藏污納垢,係罪惡溫床,最易「渾水摸魚」!

功夫茶一早指出,樓上吧百害而無一利,根本一間也嫌多!黑幫在此操控毒品「出貨」,利潤驚人;甚至利用毒品「養雀仔」,毒害和操縱青少年!今次警方嘅全港反黑大行動,可謂雷厲風行、雷霆萬鈞,之不過,法令再嚴明,也不會自動推行,治亂世用重典,除了警方精於部署及勇於掃蕩,對付無牌樓上吧嘅刑罰也要加重,雙管齊下先可以收立竿見影之效!


-------
東方日報絕世靚抽!

支持禁絕樓上吧!

以後只准地面落地玻璃bar,方便外人隨時監察!

bar pacific就係典範!因此得以改善酒吧的形象!



2021東京奧運年 歐亞大升年
抵制99妖視反中宣淫 殘民自肥
支持TVB愛國愛港起跑線!
抵制特屍拉虛幣!
支持豐田氫氣動力迎奧運!
熱賣及精選
好多曱甴


主題標籤 #警務處
[按此隱藏 Google 建議的相符內容]