中國基本上冇得輸. 因為選擇權在於中國. 中國會揀選必勝時機, 或對自己最有利嘅時間攻台. 台灣唔存在咁樣嘅選擇. 即使存在最有利時刻, 都唔會打大陸. 所以, 只有大陸會選擇最佳時刻打台灣, 唔存在台灣選擇最佳時刻打大陸. 只有大陸會主動打台灣, 唔會有台灣主動打大陸. 兵家大忌係打無把握之仗. 所以大陸只會揀有把握嘅時間攻台. 相反, 台灣任何時間都唔會主動攻打大陸. 所以, 大陸基本上係冇得輸.
現時冇可能打台灣, 係因為國際形勢不允許. 美國希望台海不穩, 拖中國入以內戰為主嘅局部戰爭, 從而拖慢甚至拖死大陸嘅經濟發展. 簡單講, 美國唔怕你對台開戰, 你對台開戰, 主動權在於美國. 佢可以用軍事加輿論壓制中國. 逹到從經濟上擊敗中國嘅目的. 所以美國最驚嘅反而係中國全力發展經濟, 咁美國就冇乜符fit. 好大機會會畀中國跑贏大市. 至少無法打低中國. 相反如果中國攻台, 就會畀出好多對美國有利嘅變數.
美國希望中國被扯入局部戰爭係因為現時中國缺乏打擊美國本土嘅能力, 或者講缺乏威懾美國本土嘅常規力量. 要等足夠嘅航母戰鬥群互相配合作戰, 先可對美國本土構成威脅. 所以中國只會等, 一等國際大環境給出適當時機, 二等海上力量嘅成熟同壯大. 欲速反而會不逹. 要慢先可以掌握住"尋找最佳戰機"嘅主動權. 相反, 操之過急就可能會由冇得輸變成有得輸, 中咗美國嘅計, 失去尋找最佳戰機嘅主動權.
[ 本帖最後由 正字 於 2021-6-9 10:02 AM 編輯 ]
