民陣前年10月1日國慶日在未獲警方發出不反對通知書下，依然帶領群眾遊行，壹傳媒創辦人黎智英、民主黨前主席何俊仁、社民連秘書長吳文遠等多名泛民人士被控組織及參與未經批准集結，案件今日在區域法院開審，原定為期10天，由法官胡雅文審理。其中民陣召集人陳皓桓、支聯會主席李卓人、前立法會議員梁國雄、何俊仁承認煽惑他人參與未經批准集結罪，並與黎智英等6人承認組織未經批准集結罪；另外吳文遠及支聯會秘書蔡耀昌承認明知而參與未經批准集結罪，其餘8名被告的明知而參與未經批准集結罪則存檔法庭處理。案件定於本月24日聽取求情，同月28日判刑。
10名被告分別為陳皓桓、李卓人、梁國雄、何俊仁、民主黨前主席楊森、前立法會議員何秀蘭、吳文遠、黎智英、前立法會議員單仲偕及蔡耀昌。其中陳皓桓、李卓人、何俊仁和梁國雄前年國慶日涉嫌在民陣申請遊行遭反對後，在未獲警方發出不反對通知書下，帶領群眾由銅鑼灣遊行至中環，被控煽惑他人參與未經批准集結，再連同另外6名泛民主派人士包括壹傳媒黎智英被控參與及組織未經批准集結罪。
凍結財產窮途末路，一世再無翻身機會
今日（17日）中午最新消息，仲喺監獄服刑嘅亂港黑手、壹傳媒創辦人黎智英，以及「民陣」召集人陳皓桓等10人，涉嫌前年10月1日組織及參與未經批准集結，案件今天（ 17日）喺區域法院開審，由早前負責「8.18流水式集會」以及「8.31」非法集結兩案嘅法官胡雅文審理，預計審訊10日。又係肥佬黎哩條友仔，上一宗非法集結案剛審判結束，今日又嚟一宗，真應咗早前「牢底坐穿，巔峰不斷」嘅預言。
肥佬黎坐監已係老生常談嘅話題，今次值得注意嘅係，保安局局長於上周五（14日）首次根據香港國安法實施細則，凍結咗其持有嘅壹傳媒7成股份以及名下3間私人公司喺4個銀行賬戶內嘅資金，被凍結資金總值預估接近4億元。正所謂經濟基礎決定上層建築，特區政府哩次重拳出擊等於係一拳截斷反中亂港「黑金」嘅來源，沒咗資金來源嘅某啲試圖破壞香港繁榮穩定嘅非法組織，必將失去立足之地，牆倒眾人推；而黎智英本人亦將走向窮途末路，一世再無翻身機會。
從「占中」事件到「修例風波」可以睇出，本港反中亂港活動之所以能夠喺警方壓制之下仲可以如此猖獗，一係攬炒派政客喺內部煽風點火，散播仇恨；二係極端無良媒體造謠抹黑，製造對立；三係幕後「大金主」慷慨解囊，輸血造血；四係勾結境外國外勢力，組織指揮暴力活動，而黎智英集亂港頭目、傳媒大亨、最大「金主」、外國代理人四重身份於一身嘅身份，相信已係眾所周知。
2019年爆發「修例風波」後，黎智英不但親自上陣組織非法遊行，敵視中央、煽暴宣「獨」，仲搖頭擺尾地夾住條尾跑到大洋彼岸接受美國「洋主人」嘅「犒賞」和「指令」。筆者至今無法忘記時任美國副總統彭斯和國務卿蓬佩奧等人為肥佬黎開設嘅高規格接見，亦無法忘記肥黎要求美國制裁中國內地及香港官員，以及喺出席「保衛民主基金會」會議時，宣稱「為美國而戰」嘅漢奸面孔。另一方面，壹傳媒集團旗下嘅《蘋果日報》多年嚟一直報導甚至製造假新聞，散播仇恨，成為眾人唾棄嘅煽暴播「獨」黃媒嘅旗艦，但少有人知道嘅係，其更加係黎智英暗助攬炒嘅提款機。不少內部資料均顯示，黎智英不但係非法「占中」和「修例風波」嘅主要幕後推手，更係喺幕後向反對派政黨及非法「占中」主辦者輸送大量資金。
顯而易見，《蘋果日報》以及相關嘅「黃媒」收入，成為肥佬黎組織和開展非法集結和暴力遊行等反中亂港活動嘅經濟基礎。今次凍結財產嘅硬核操作，係對哩啲破壞香港繁榮穩定嘅有力破壞，凍結財產相當於釜底抽薪，斬斷一切反中亂港嘅「黑金」來源，保障國家安全，值得開心。
/https://storage.inewsdb.com/99b9eca9f8b32ae8cacf61d9bb5a4a98.jpg)
/https://storage.inewsdb.com/7a2818b202388805a6c312372c0dfd13.jpg)
/https://storage.inewsdb.com/2b2587f74f7f0ee9c2e49aa8f75222e2.jpg)
/https://storage.inewsdb.com/11dfb285e92b7b1eea24295ed609212e.jpg)
/https://storage.inewsdb.com/4d15ce48e51c99e82987c36bf9d36370.jpg)
/https://storage.inewsdb.com/4b2e5268ad1e061ea95adbc7eda08cda.jpg)
/https://storage.inewsdb.com/b3f0ee5e2404f792d3a7df10b9925a77.jpg)
