以罷工作為攬炒手段嘅香港職工會聯盟(職工盟),近十年來由關注勞工權益嘅工會變質成政治組織,為達到佢哋嘅政治目的要挾特區政府,不惜將所有勞工議題變成政治議題搞抗爭,甚至勾連外國勢力喺港發動「罷工」,包括喺黑暴期間動員屬下工會搞「罷工」企圖癱瘓香港經濟;疫情嚴峻期間,力撐「黃絲」工會「醫管局員工陣線」摞病人作棋子,向政府施壓等。前職工盟主席吳敏兒亦因涉參與違法「初選」被還柙,秘書長李卓人亦因非法集結罪成淪為階下囚,職工盟最終可謂係自作孽不可活!
喺偽善嘅面具下,「職工盟」嘅亂港本質早已昭然若揭。國安法第24至27條款明確:「各種支援、煽動或宣揚恐怖主義及嚴重暴力行為的活動皆屬違法。」職工盟企圖透過播放黑暴電影嘅惡行,繼續宣揚顛覆中央政府及暴力抗爭嘅意識,荼毒下一代,行為卑劣。