• 瀏覽: 19,332
  • 回覆: 4
  • 追帖: 1
  • 分享: 10
+6
人稱「lunch哥」的中六學生李國永及六旬退休女保安員疑在去年8月一宗死因聆訊休庭時,在法院外以粗言


穢語辱罵證人,早前遭律政司加控刑事藐視法庭罪,案件今在高等法院提訊。由於二人的法援申請被拒,今日並無律師代表,但李將就法援署的決定提出上訴,故申請將本案押後再訊。陳慶偉法官應其要求,押後本案至8月2日,但提醒:「呢個係一個非常嚴重嘅指控,同埋係非常嚴重嘅案件,請你哋真係認真處理」,並謂:「lunch哥都幾出名㗎嘛,唔係一個嗰一日淨係做一件事嘅人嚟㗎嘛」。

李在庭上表示,其上訴申請已排期至6月24日開庭處理,申請押後案件。陳官反問:「如果上訴都唔批呢?」,又提醒他「真係要諗清楚」,若審訊結果不如理想或須支付堂費,「可以係唔細嘅數目」。律政司一度反對本案押後,認為李並無合理原因提出申請,但陳官反駁:「合理原因咪就係要上訴囉」,終批准本案押後至8月。

李的父親一度稱,李患有自閉症及過度活躍症,「驚佢答辯有啲問題」,希望可代為抗辯。陳官拒絕其要求,直言:「高等法院處理唔少案件,好多被告都話自己精神有問題,但唔代表可以抗辯成功」,又認為:「如果咁嚴重唔會讀到中六㗎嘛,中六都有返咁上下㗎嘛」。

李父又稱,涉案文件全以英文撰寫,內容艱澀,希望法庭能提供譯本。陳官則稱:「其實好簡單嘅啫」,「返去睇返嗰4段片,死因庭外你個仔用粗言穢語辱罵證人,妨礙司法程序,構成刑事藐事法庭」。李父聞言慨嘆:「(案發)過程唔超過5分鐘,都唔明點解搞到咁嚴重」,「小事化大」。陳官反指:「唔係小事㗎我話你聽」,「你認為係濕碎,但後果可以好嚴重」,並提醒本案在高院處理,嚴重性不言而喻。

另外,65歲退休女員安賴瑞英則透露打算認罪,「都係自己做錯囉,打算認囉」,並謂:「誤信咗網上假消息,一時衝動」。

法庭已就本案頒下匿名令,禁止傳媒披露案中所有證人的身份,包括事主及警員證人。



一個白卡一個幾十歲信網上假文宣消息 判坐監就真係恭喜佢哋啦

新聞來源連結:
http://hd.stheadline.com/news/realtime/hk/2044797/



引用:
原帖由 魚仔曲其 於 2021-4-12 01:53 PM 發表
總系覺得哩條友性格,講話方式,好似香討幾條友仔
白卡仔成日喺網上撩事鬥非係佢都唔出奇



引用:
原帖由 魚仔曲其 於 2021-4-12 02:03 PM 發表

香討有兩三條友弱弱智智,唔知系分身定點。。就算黃都要有討論價值先得。
知你講邊幾個,嗰幾個根本就唔係討論,喺度攞啲歪曲事實文宣同人講。
之前Facebook群組啲文宣留言,同佢哋差唔多嘢。



引用:
原帖由 laws168168 於 2021-4-12 02:39 PM 發表
討論個拿白卡的人,毫無價值!
大家又不是青山之友。
係想討論呢個⋯⋯⋯
另外,65歲退休女員安賴瑞英則透露打算認罪,「都係自己做錯囉,打算認囉」,並謂:「誤信咗網上假消息,一時衝動」。

真係一時衝動



[隱藏]
引用:
原帖由 刺客禁言 於 2021-4-13 06:36 AM 發表
呢度成人都有人辱罵法官
都無人做野
唔好搬龍門,文不對題啦

65歲退休女員安賴瑞英則透露打算認罪,「都係自己做錯囉,打算認囉」,並謂:「誤信咗網上假消息,一時衝動」。



主題標籤 #律政司
[按此隱藏 Google 建議的相符內容]