• 瀏覽: 5,415
  • 回覆: 55
+2
舊年俾DQ嘅公民黨法律界立法會議員郭榮鏗,早排宣佈退出政壇並直話「無計畫離開香港生活」,結果舊年11月尾就獨自靜雞雞前往英國,再轉抵加拿大逗留,其妻兒亦於今年2月中旬到咗加拿大溫哥華與之匯合。本身出身于加拿大嘅郭榮鏗呢排明言正尋求攞返其加拿大公民身份,尋日(10日),前行政長官梁振英喺Facebook專頁貼文,形容「郭榮鏗走得最肉酸」,又指郭聲稱要重新做返加拿大人係「最最肉酸」,並敦促郭榮鏗先辦理退出中國國籍手續。

郭榮鏗神秘「走佬」,聲稱為避免遭到「報復」,唔敢透露喺加拿大嘅具體地址,亦拒絕接受香港媒體嘅採訪,但喺加拿大媒體面前表示加拿大係佢嘅出生地,係擁護人權、民主同法治嘅國家,極盡討好諂媚之態,令網友不齒,更有網友指出郭榮鏗原本就係加拿大出世,後隨屋企人流入香港,為咗喺香港從政「撈金」,先暫時放棄咗加拿大戶口,質疑佢係咪加拿大派嚟嘅「臥底」?而家任務失敗咗,快哋頭耷耷返去表忠心,盼「主子」再次收留。不過郭榮鏗以為逃回故國變可高枕無憂未免太天真,據悉呢排香港警方正邀請建制派議員錄口供調查郭榮鏗,調查嘅方向包括公職人員行為失當等,警方將諮詢律政司之後,再決定以邊條罪名跟進,相信郭榮鏗跟著落嚟嘅日子都並唔好過。
係人都知,俾國務院港澳辦好罕見咁點評批評嘅前香港立法會議員郭榮鏗,就唔係一般嘅「反對派政客」,在職期間,做過唔少「轟轟烈烈」嘅大事,被市民們怒稱為「賣國賊」:2019年10月,郭榮鏗以內會副主席身分主持內委會主席選舉,就縱容「攬炒派」議員喺會議期間,不斷採取「拉布」式提問,令原本十幾分鐘即可完成嘅選舉,拖咗成半年幾——前後經歷19次會議無果,共耗費近950萬公帑,嚴重影響立法會正常運作,導致大量影響香港經濟民生同社會發展嘅重要立法活動冇辦法進行,嚴重損害咗全體香港市民嘅利益。
唔單止咁,郭榮鏗多次公開與特區政府唱反調,其中最俾佢得意嘅「高光時刻」睇怕就係佢遠赴美國「告洋狀」嘅經歷:19年3月,郭榮鏗去到美國公然乞求美國遏制中國,出面干涉香港內部事務,同年12月,佢喺赴美期間同時任美國副總統彭斯會面,揚言「如果要外國人一方面喺香港投資,另一方面對香港事務噤聲係冇可能嘅。」咁嘅謬論引發眾怒,被直斥賣國求榮,更令多名政界人士聯名發聲譴責。
舊年曾喺接受採訪嘅時候,郭榮鏗大言不慚咁留低一句:人生如棋,落子無悔。令人想送佢一對白眼,一個「挾洋自重」亂港分子,竟然以「棋手」自居,殊不知自己充其量都係一枚「棋子」啫,而家頭耷耷退出政壇又不告而別逃去故國,進一步印證咗佢喺「棋子」淪為「棄子」嘅結果。而呢刻身喺牢獄嘅「香港手足」們大概都諗唔到,佢哋充當嘅都係「棋子嘅棋子」,如果贏,政客贏最多,如果輸,「前線手足」上去頂,諸如郭榮鏗咁嘅「中產階層」,禍國亂港嘅事做咗唔少,就可以輕易抽身去加拿大同屋企人展開「新生活」,幾咁諷刺。


曾表示「核爆都唔割席」,「無計畫離開香港」郭榮鏗啪啪打咗自己塊面,不過對於一個賣國求榮、背信棄義嘅人,又點可以要求佢信守承諾呢?無論郭榮鏗係加拿大「臥底」又好,係崇洋媚外嘅「反骨仔」都好,都改變唔到佢禍國亂港嘅犯罪事實。郭榮鏗之流一再「唱衰」香港,立證「外國月亮比較圓」,到頭來終會作繭自縛,自食惡果。正如前行政長官梁振英所講:「古今中外,冇一個賣國賊有好下場,一個都冇!」



引用:
原帖由 冬眠小水管 於 2021-4-11 07:34 PM 發表
舊年俾DQ嘅公民黨法律界立法會議員郭榮鏗,早排宣佈退出政壇並直話「無計畫離開香港生活」,結果舊年11月尾就獨自靜雞雞前往英國,再轉抵加拿大逗留,其妻兒亦於今年2月中旬到咗加拿大溫哥華與之匯合。本身出身于加拿大嘅郭榮鏗呢排明言正尋求攞返其加拿大公民身份,尋日(10日),前行政長官梁振英喺Facebook專頁貼文,形容「郭榮鏗走得最肉酸」,又指郭聲稱要重新做返加拿大人係「最最肉酸」,並敦促郭榮鏗先辦理 ...
賣國求榮皆早逝



賣國賊不會有好下場


跑到外國也逃不過  大快人心


[隱藏]
舔狗不好當啊


引用:
原帖由 冬眠小水管 於 2021-4-11 07:34 PM 發表
舊年俾DQ嘅公民黨法律界立法會議員郭榮鏗,早排宣佈退出政壇並直話「無計畫離開香港生活」,結果舊年11月尾就獨自靜雞雞前往英國,再轉抵加拿大逗留,其妻兒亦於今年2月中旬到咗加拿大溫哥華與之匯合。本身出身于加拿大嘅郭榮鏗呢排明言正尋求攞返其加拿大公民身份,尋日(10日),前行政長官梁振英喺Facebook專頁貼文,形容「郭榮鏗走得最肉酸」,又指郭聲稱要重新做返加拿大人係「最最肉酸」,並敦促郭榮鏗先辦理 ...
果然係叻仔,留低班傻子



引用:
原帖由 公園的西瓜 於 2021-4-11 08:01 PM 發表

果然係叻仔,留低班傻子
傻仔衝,佢就趙完鬆!



內心陰險,不負責任,見利私遷!種講乜齊上齊落?!


引用:
原帖由 冬眠小水管 於 2021-4-11 08:10 PM 發表

傻仔衝,佢就趙完鬆!
佢話「落子無悔」,我話佢「死淨把口」!



[隱藏]
引用:
原帖由 凡間綠色的世界 於 2021-4-11 08:46 PM 發表

佢話「落子無悔」,我話佢「死淨把口」!
係「死不悔改」
話「齊上齊落」,契弟走得摩!



提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
鍵盤翻頁
左右
[按此隱藏 Google 建議的相符內容]