• 瀏覽: 45,792
  • 回覆: 245
  • 追帖: 2
  • 分享: 31
+6
前亞姐冠軍韓君婷的13年銀色旅途經歷百劫,愛情、事業、健康受挫後,再遇毀容又喪母,近月更因無力償還債務而申請破產,現慳到連買杯咖啡止癮都要三思,卻仍正能量爆錶,還說笑「我揸兜都乞到食」,但提及至愛亡母,她即崩潰痛哭。


韓君婷以自身經歷勉勵同路人,但談及亡母即哭成淚人。前亞姐冠軍韓君婷的13年銀色旅途經歷百劫,愛情、事業、健康受挫後,再遇毀容又喪母,近月更因無力償還債務而申請破產,現慳到連買杯咖啡止癮都要三思,卻仍正能量爆錶,還說笑「我揸兜都乞到食」,但提及至愛亡母,她即崩潰痛哭。

昨日有消息傳出,45歲藝人韓君婷於1月中向法院提交破產呈請,債款達6位數字,繼狄娜及鍾鎮濤後,成為另一破產港星。據知她7年前回流香港前,在浴室滑倒撞歪鼻骨,致演藝工作受影響而轉戰美容界,月入數萬元可自給自足。惟其後她專心陪伴患甲狀腺病及末期肺癌的母親,還要承擔母親龐大的醫藥費,對她無疑是沉重負擔,直至母親病逝,遺下的除了傷痛,還有高達40萬元債款。

母親離世3年來,她一直努力工作還債,無奈近年受疫情影響收入「歸零」,就算已節衣縮食,與好友蔡國威「同居」屋邨,仍入不敷支,加上不想連累朋友受財務公司滋擾,才不理朋友阻止,決定申請破產!據知,朋友得知此事後紛紛向她伸出援手,包括識於微時的梁思浩,除出錢請她擔任網台節目《大家「真」風騷》的兼職主持外,還打算待通關後薦她到內地接Job,更連其膳食都照顧,經常藉詞要她陪食飯,只為「包養」她3餐。

美容撈唔掂 簽卡硬撐

昨日君婷受訪時,大方承認破產:「因為媽咪啲醫藥費好貴,嗰時我做緊美容院,有收入仲搞得掂,但由去年11月開始受疫情影響,美容院又開又閂,加上我公司有醫生駐場,唔可以申請保就業計劃,有朋友叫我跳槽去做『買手』,點知疫情最嚴峻時,連新公司都唔掂!當時每月要還1萬蚊,最高峰(債務)大約40萬,我還咗一截,但之前冇嘢做,又簽咗卡數,條數又高番,依家還剩20萬左右。」她希望努力工作,盡快還清債務,做個負責任的「欠債人」。

好朋友心痛 包起3餐

問可會復出幕前,她表示破相加上之前患抑鬱,可能有人擔心她會失場,故沒有工作斟她亦是正常,但她相信天無絕人之路:「有朝一日我揸兜去乞,都會乞到1、2蚊去買麵包食,因為要慳錢,所以唔食早餐,留番啲錢買杯咖啡止癮。」她又着外界不用太擔心,因現時有工作,還有大批朋友幫助:「梁思浩請我做DJ,唔想我為慳錢唔食早餐,仲叫我去食飯,又畀啲加底飯盒我拎走,等我食多餐。又有朋友介紹我做帶貨,20、30蚊都賺。(搵無綫高層曾志偉幫手?)唔想煩佢,不過我最想去內地拍嘢,所以依家不停拍片,增加曝光。」除多謝梁思浩外,她亦很感激蔡國威、李思蓓及圈外好友Betty媽媽等幫手,令她感受到滿滿的愛。

君婷表示公開破產一事,是想勉勵「同路人」:「我就係一個例子,畀佢哋知冇嘢解決唔到。」不過談及亡母時,堅強的她亦忍不住爆喊,但抹乾眼淚後又覺得一切經歷是磨練,期待有美好的將來:「我覺得自己係先苦後甜,最好嘅喺最尾。」訪問結束後,她獨自到街市買餸準備晚飯,但經過一輪格價仍然嫌貴,最終兩手空空回家。







韓君婷到街市買食材,最終嫌貴買唔落手。



女人落難,大把人伸出援手。
男人落難? 未必有這麼幸運。
所以,男人,不要讓自己去到山窮水盡的地步。
男兒就應當每天要自強。

新聞來源連結:
https://hk.news.yahoo.com/欠債6位數無力還-韓君婷申請破產-214500946.html



哦四十萬,我幫到嘅,唔使果樣😌


當年佢無整容時覺得佢真係幾正


人有旦夕禍福。


[隱藏]
如果無整容,今時今日樣不會太差,應該會嫁得好。


撞歪鼻, 不太可信



祝福佢


香港破產,返大陸生活得唔得?


整容失敗


提示: 作者被禁止或刪除 內容自動屏蔽
[隱藏]
除太後生外 應該好多人識韓君婷 而且比人感覺佢吾會討厭,所以應該要有機會


其實唔算好壞 講到咁慘
幾十萬一般人都還到
做偽員一搵可以突然好多,始終比普通人好。



又係嗰句,其實佢仲有少少知名道,一早改行做utuber,(當然都要做下功課啦,例如coffee 練到馬甲綫咪有賣點囉), 可能揾到食,但人既際遇同決定好多時事與願違 希望識佢既朋友幫下佢啦

[ 本帖最後由 seikohk 於 2021-4-11 10:32 AM 編輯 ]



破產要四年先解除破產令


人生並非每個人都如意,一帆風順。我會支持韓小姐逆景向前!一日未完,都未試結果!加油💪


[隱藏]
香港做芸人


鍵盤翻頁
左右
[按此隱藏 Google 建議的相符內容]