• 瀏覽: 3,062
  • 回覆: 50
+2
衛生防護中心周四(18日)晚上召開記者會,中心轄下疫苗可預防疾病科學委員會主席劉宇隆表示,據目前數據反映,復必泰疫苗對變種病毒株最有效,對英國及巴西變種病毒株分別有8成及9成保護率、對南非病毒株雖然有效但效力較低;科與疫苗則暫時未有數據反映對變種病毒株是否有效。

劉宇隆強調,雖然未知科與疫苗對變種病毒株的效用,但這並非代表不可接種科興疫苗。現時香港的本地案例中並無發現帶有變種病毒株,科興疫苗亦足以保護到港人。他表示,只要本港嚴格防控輸入個案,例如旅客從外地來港便立即檢疫及隔離等,相信能避免變種病毒於香港「落地生根」。

至於港府已簽署預先採購協議的牛津-阿斯利康疫苗,劉宇隆指該疫苗對英國及巴西變種病毒株有效,但對南非變異株則「基本上無效」。對於阿斯利康不能應付南非病毒株,是否無引入的需要,劉宇隆稱專家委員會只會將看法及數據交予當局,訂購疫苗事宜由政府決定。



何時方能得解封?全看疫苗接種率!

面對餐飲及健身群組相繼爆發、似有反彈跡象嘅疫情,近日政府再次宣佈延長此前嘅諸項社交距離限制措施同場所防疫管理規定,雖然昨日新增確診人數已經重新降到個位數,但畢竟無論係對於政府定係我哋個人嚟講,生命都只有一次,面對疫情容不得半點鬆懈同馬虎,於是乎本應今日就可以不受限制嘅我哋只能無奈咁再度等待14日,期待關於解封消息。


咁我哋幾時才可以解封咧?當本港接種率提升到至少50%,有機會考慮放鬆防疫措施,例如老人院、醫院等恢復探訪安排;當達到75%,可考慮同更多地區達成旅遊協議……喺昨日衛生署衛生防護中心嘅聯席會議上,衛生防護中心總監林文健同疫苗可預防疾病科學委員會主席劉宇隆給咗我哋一個值得期待嘅時間表,事實上,領跑疫苗接種率、接種人數超過人口50%嘅以色列,已經解除咗唔少嘅社交距離措施;超過2000萬人接種疫苗嘅英國,亦已逐步恢復返工、返學,預計將於6月底徹底解封;就連疫情最為嚴重嘅美國亦隨著接種速度嘅不斷加快而開始解除咗過去嘅防疫限制……同佢哋相比,喺過去哩一年間無論係疫情防護工作嘅完善與及時程度定係最終嘅防疫成效都遠勝於哩啲國家嘅我哋點解卻遲遲未能解封?我相信大家都已經發現咗問題,冇錯,正係因為「接種率」:直至今日,香港僅有累計近28萬人接種咗疫苗,單日接種人數亦只有兩萬餘人,相較於香港人口總數嚟講可以話係遠遠不足。如果可以補上哩一塊短板,有眾多解封嘅先例在前,咁我哋又有乜嘢理由唔讓生活恢復正常咧?


係乜嘢阻礙咗香港疫苗接種嘅進程,讓我哋遲遲不能獲得解封?係因為疫苗嘅匱乏嗎?雖然此刻喺國際上依依然係「一苗難求」,歐美等國亦依然喺度因限制疫苗同疫苗原料嘅出口而糾纏不清,但係喺中央嘅無私幫助下,我哋有極為充足嘅疫苗供應,足以支撐全港市民接種嘅需要。咁係因為接種場所嘅不足?哩啲曾經係我哋嘅憂慮,但係喺政府嘅協調下,隨著超過1200名通過資格審查嘅私家醫生同診所開始加入到疫苗接種工作中,咁已經唔再係困擾我哋嘅問題。咁究竟係乜嘢導致咗疫苗接種工作嘅拖延?BBC嘅調查畀咗答案我哋。


恐懼同錯誤嘅訊息、過於謹慎嘅行事、對疫苗嘅猶豫,哩啲都係BBC就「從香港到日本,亞洲多地接種為何進展緩慢」哩一個問題找出嘅答案,而哩啲,亦係我哋想要迎來解封必須要克服嘅困難。雖然我哋喺接種疫苗嘅起步時間比唔少國家要遲,對於接種何種疫苗嘅爭論亦同樣持續咗好長好長時間,但畢竟我哋已經開始咗接種工作,後兩者所造成嘅負面影響已經過去並無法挽回,我哋唯一能夠避免嘅就係因為嗰啲不實消息造成嘅恐慌對疫苗接種工作嘅影響。唔知大家可否有睇過美國喺早先呼籲市民佩戴口罩時被陰謀論者以「口罩中藏有可以控制大腦嘅天線與晶片」等可笑言論所阻止嘅新聞?事實上或許喺嗰啲正如火如荼嘅接種疫苗嘅國家嚟睇,我哋同當時嘅美國一樣可笑。冇錯,此刻已經有7人喺接種疫苗後病逝,但從對逝者死因嘅調查結果我哋可以睇出死者大多患有心血管疾病,死因同疫苗並無直接關係。畢竟每日香港因為各類疾病病逝嘅人數都喺百人之上,算起上嚟28萬名接種者7人死亡嘅比例亦同樣喺合理範圍之內,要係為此而恐慌,咁每日百餘名「喺呼吸後死亡」嘅逝者唔係更應該值得我哋畏懼嗎?哩一種無謂嘅恐慌同嗰啲擔心「疫苗中藏有比爾蓋茨控制晶片」嘅愚者又有何不同?


雖然我哋沒有亦唔會好似美國咁樣發起「支持對沒有接種疫苗嘅人設下工作場合、生活型態同旅遊方面嘅限制」哩一類反人權嘅民調與呼聲,但我哋都不得不承認,接種疫苗,唔單止關係著我哋每個人嘅自身安全,亦同樣關係著整個香港嘅解封與復蘇。為咗我哋自己、為咗香港嘅未來,請大家唔好被謠言所迷惑,儘快接種疫苗換來安全嘅保障,咁先係身為香港人最負責任嘅做法。





希望我們支持者都能儘早施打到中國疫苗


支持打疫苗,我有心臟病高血壓打疫苗今有15天,唔見有乜野?


提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
感謝祖囯研發疫苗保護囯民和畀各囯一個選擇!能有機會打囯葯系幸運!中囯


提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
多數民眾都有疫苗的時候,少數人染病並不會造成醫療混亂,那時就變成普通感冒一樣了


提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
主題標籤 #衞生署
鍵盤翻頁
左右
[按此隱藏 Google 建議的相符內容]