• 瀏覽: 1,775
  • 回覆: 13
  • 追帖: 2
  • 分享: 4
根據新聞講,到6/3為止已有72300人打左科興。(edit: 版規不能加新聞link,自己找找相關報導吧。)

大家都知道,其中一人打針兩日後死,另一人打針三日後死。兩個都有長期病患,第一個仲係食好多煙的煙鏟。

始終係新疫苗,唔敢100%話一定唔關事。但以往其他疫苗的經驗,能夠確立疫苗和死亡有因果關系的一般係講緊嚴重過敏反應。目前科學上不能解釋到打疫苗如何會令人在幾天後觸發心臟病發或中風。

從另一個角度,就算冇打任何疫苗,72300人入面其中兩人在一星期內因不同原因死去其實不是甚麼難以想像的事。

香港在2020年的死亡人數是49800(https://www.censtatd.gov.hk/hkst ... amp;productType=8)。
所以2020年平均每星期有 49800/52 = 約958人死。

2020年底香港有7474200人。(https://www.censtatd.gov.hk/hkstat/sub/so20_tc.jsp)
所以如果在全港人口中隨機抽出72300人,這些人中會有 958*(72300/7474200)= 約9個人會在一星期內死,即係仲多個呢個星期打科興之後死的人!

當然,我地又唔可以直接話打疫苗會令死亡率由9減到2。因為全港的人口的特性和去左打針的72300人的特性肯定有唔同,所以唔可以直接比較。(類似我之前另一個帖話科興同輝端疫苗因為研究設定唔同所以唔可以直接比較的道理差唔多。https://news.discuss.com.hk/viewthread.php?tid=29733466)真正要比較,就要找一個和這72300人有相同特性的對照組作比較才有意義。但網上應該唔會有呢D資料。唔知政府內部有冇了。

講咁多野,只係希望大家明白,打完針後兩日/三日死,的確係有機會唔關支針事,絕對唔係盲撐科興。

[ 本帖最後由 阿聞 於 2021-3-8 10:54 PM 編輯 ]



認同樓主觀點,因心臟病與中風而死亡個案每日肯定有一定數量,注射疫苗不會觸發心臟血管疾病,疫苗副作用大多注射後短時間產生,然而有長期病患長者的確不適合注射疫苗


引用:
原帖由 kw_lam 於 2021-3-7 07:30 PM 發表
認同樓主觀點,因心臟病與中風而死亡個案每日肯定有一定數量,注射疫苗不會觸發心臟血管疾病,疫苗副作用大多注射後短時間產生,然而有長期病患長者的確不適合注射疫苗
希望打針的醫生護士醒水,screen走本身高風險病人,無謂再有人因爲本身身體問題出事又入疫苗數。

[edit]我呢度表達得唔清楚. 我唔係話有長期病患就唔打, 因為如果咁的話至少有一半以上長者唔打得. 我意思係有控制得唔好的長期病患的高風險病人, 例如高血壓去到160以上, 或糖尿病血糖去到11度以上, 就唔好打疫苗了. 相反, 如果有高血壓或糖尿病, 但食藥戒口做運動後控制得好, 當然可以打疫苗.

其次, 長期病患病情控制得唔好的高風險病人, 如果開始聽話食藥, 認真戒口做運動, 之後病情控制得好, 就可以打針.

[ 本帖最後由 阿聞 於 2021-3-7 11:45 PM 編輯 ]



長期病患不適合接種疫苗,本身已經很弱的身體,發現有新病毒進入身體,可能直接就掛了。


[隱藏]
長期病患打疫苗既壞處就係度
死左入疫苗數,減低接種意欲
果班人打唔打疫苗死亡率都比一般人高好多


好處就係佢地中新冠好危險,打左佢地會安全好多


大陸唔比長者先打,原來用意就係咁,反正大陸感染風險好低,有條件等



引用:
原帖由 殘廁邊緣的甩頭 於 2021-3-7 10:30 PM 發表
長期病患不適合接種疫苗,本身已經很弱的身體,發現有新病毒進入身體,可能直接就掛了。
滅活疫苗呢方面無乜問題, 對身體刺激好細.

純粹係佢地唔好彩就係呢幾個月夠鐘, 會影響觀感, 減低整體接種率, 最後又會增加返長期病患感染變種既風險

[ 本帖最後由 wilsonkf 於 2021-3-7 10:53 PM 編輯 ]



引用:
原帖由 阿聞 於 2021-3-7 08:56 PM 發表

希望打針的醫生護士醒水,screen走本身高風險病人,無謂再有人因爲本身身體問題出事又入疫苗數。
但佢地中新冠真係好危險
唔好太過政治化的話,長期病患同長者只要夠精神,就應該盡早打



老弱病殘的身體,還要制造抗體去對抗新冠病毒,有些人會承受不住。


引用:
原帖由 wilsonkf 於 2021-3-7 10:58 PM 發表

但佢地中新冠真係好危險
唔好太過政治化的話,長期病患同長者只要夠精神,就應該盡早打
對,長期病患中新冠九死一生。



[隱藏]
引用:
原帖由 殘廁邊緣的甩頭 於 2021-3-7 10:30 PM 發表
長期病患不適合接種疫苗,本身已經很弱的身體,發現有新病毒進入身體,可能直接就掛了。
呢度唔係咁簡單. 如果單單睇有長期病患就唔打, 咁有一半以上長者唔打得. 我上面意思係有控制得唔好的長期病患的高風險病人, 例如高血壓去到160以上, 或糖尿病血糖去到11度以上, 就唔好打疫苗了. 相反, 如果有高血壓或糖尿病, 但食藥戒口做運動後控制得好, 當然可以打疫苗.

其次, 長期病患病情控制得唔好的高風險病人, 如果開始聽話食藥, 認真戒口做運動, 之後病情控制得好, 就可以打針.

[ 本帖最後由 阿聞 於 2021-3-7 11:46 PM 編輯 ]



引用:
原帖由 wilsonkf 於 2021-3-7 10:58 PM 發表

但佢地中新冠真係好危險
唔好太過政治化的話,長期病患同長者只要夠精神,就應該盡早打
唔係政治化. 我上面意思係有控制得唔好的長期病患的高風險病人, 例如高血壓去到160以上, 或糖尿病血糖去到11度以上, 就唔好打疫苗了. 相反, 如果有高血壓或糖尿病, 但食藥戒口做運動後控制得好, 當然可以打疫苗.

其次, 長期病患病情控制得唔好的高風險病人, 如果開始聽話食藥, 認真戒口做運動, 之後病情控制得好, 就可以打針.

[ 本帖最後由 阿聞 於 2021-3-7 11:46 PM 編輯 ]



引用:
原帖由 wilsonkf 於 2021-3-7 10:50 PM 發表
長期病患打疫苗既壞處就係度
死左入疫苗數,減低接種意欲
果班人打唔打疫苗死亡率都比一般人高好多


好處就係佢地中新冠好危險,打左佢地會安全好多


大陸唔比長者先打,原來用意就係咁,反正大陸感染風險好低,有條件等
其實香港感染風險一樣好低,老弱其實唔急打疫苗。 歐美國家就唔同,日日幾萬人確診,值得搏。



引用:
原帖由 阿聞 於 2021-3-7 07:10 PM 發表
根據新聞講,到6/3為止已有72300人打左科興。(https://www.hk01.com/%E7%A4%BE%E6%9C%83%E6%96%B0%E8%81%9E/595758/%E7%A7%91%E8%88%88%E9%96%8B%E6%89%93%E9%80%BE%E4%B8%80%E5%91%A8%E7%8F%BE18%E4%B8%8D%E8%89%AF%E4%BA%8B%E6%95%85-%E5%85%A9%E4%BA%BA%E5%9B%A0%E5%89%AF%E4%BD%9C%E7%94%A8%E7%95%99%E9%86%AB-%E5%85%A9%E4%BA%BA%E6%8E%A5%E7%A8%AE%E5%BE%8C%E6%AD%BB%E4%BA%A1) ...
我一早就話同疫苗冇直接關係囉!除非打完疫苗在幾個鐘內死亡。



引用:
原帖由 DocHolliday 於 2021-3-7 11:50 PM 發表

其實香港感染風險一樣好低,老弱其實唔急打疫苗。 歐美國家就唔同,日日幾萬人確診,值得搏。
新聞已經有醫生講過,85歲以上唔好打住。

不過60-84歲如果本身健康良好的可以照打。



[按此隱藏 Google 建議的相符內容]