移英黃絲夢碎淪刁民醜五類 - 香港文匯報 - 香港及世界新聞討論 - 香港討論區 Discuss.com.hk

‹上一主題下一主題›

168 12 3 4 5 ››... 12

新帖回覆

瀏覽: 10,545
回覆: 167
分享: 2

列印

boymeetsgirl

Silver Member

帖子: 13599
積分: 14048
註冊: 2011-5-28

發短消息加為好友

[本港新聞評論] 移英黃絲夢碎淪刁民醜五類 - 香港文匯報

發表於 2021-3-4 06:38

不守法又狂炒樓搞亂當地人生活

早前黃絲掀起一股所謂嘅「移民潮」，個個對移民充滿幻想，以為去到外國就一定可以享受到美好嘅生活。之但係，近期陸續有移咗民嘅黃絲大呻外國生活不如理想，對住屋、工作、當地使費乜都大呻一輪。有啲黃絲更加以為移民大晒，去到外國繼續做刁民，懶理當地法律同秩序之餘，仲將香港嘅炒樓文化帶到英國，實行搞亂當地人生活，真係去到邊都神憎鬼厭。●香港文匯報記者倪思言

水電都驚唔夠畀遑論要養3細路

有唔少黃絲KOL都帶動風向叫人移民，好多黃絲耳仔軟兼失去理性，聽人氹兩句就盲舂舂咁話要一齊走，但從來唔考慮清楚自己有無足夠嘅能力，搞到移民後擔心呢樣嗰樣，成日要諗計點樣慳住使。有啲黃絲仲淪落到要喺網上求助，話擔心自己應付唔到英國嘅開支。

好似最近就有不具名者向fb專頁投稿，話自己一個人帶住3個幾歲嘅小朋友，身上資金又唔多，只得1個人出去工作，聽到啲水費、電費都貴到爆，感到「真心驚」，仲問大家：「英國有無邊度物價比較平？」

「廢青de倫敦&蘇格蘭巴士講場」就嬲爆咁回應話：「衰d（啲）講句，既然無錢就咪學人走啦，人地（哋）帶住一百幾十萬輕鬆走。你無錢仲要帶住三個小朋友，慳×極你吾（唔）食d（啲）細路都要食。吾（唔）×明白點解有d（啲）人總係要人地（哋）走難，佢又要學人走，又唔諗下自己咩環境。」「倫敦人妻先生手記」就話：「我真心替佢擔心，帶三個小朋友而擔心嘅竟然係水電費，其實仲有好多費用，黎（嚟）到兩個月搵唔到野（嘢）做坐吃山空，佢嘅小朋友點算？」

歸英派：隔日洗澡屙幾次先沖

無能力但又要移民嘅又點只佢一個吖！另一位自稱「蕃薯媽」嘅網民就喺fb專頁「英國圍爐取暖」發文分享自己極端嘅慳水方法。佢話去到英國生活，見到水費單真係會令人學識更加慳水，所以自己去完廁所會盡量夾埋兩三次先沖一次水，而沖廁就會用洗完衫同洗完頭嘅水，至於小朋友如果無出街就要隔日沖涼，提倡「節約用水」咁話喎。

有網民就寸道：「沖廁都無錢啊，陰公！」而「膠比劉」仲揶揄佢話：「廁所水都唔敢沖，涼都隔日沖，生活質素真係提升左（咗）！」

雖然黃絲不停分享自己嘅苦況，希望有人可以幫到手，但有唔少黃絲「同路人」就批評佢哋放負，仲話「之前大量移民湧入英國，他們也是身無分文！但是現在咪一樣可以喺英國生活」。有啲人仲話：「唔怕啦，為左（咗）小朋友，點都要走。」黃絲明知無能力移民，但都要死撐過去生活，有咩事都只能怪佢哋自己選擇呢條路咯！

冇料見工冇下文嫌資方齋有禮貌

移民搵工對黃絲嚟講絕對係一大難事，唔少人英文都唔識，又無技術，去到外國都變成失業流民。最近有黃絲就喺fb大呻自己搵唔到嘢做，同時嬲爆爆咁批評英國人「好假」。

點解？原來係因為人哋對佢太客氣、太有禮貌。

網傳有個黃絲喺通訊軟件Telegram上，分享自己喺英國搵工嘅經歷，佢話自己去到英國某公司見工時，對方態度表現得好有誠意，不停向佢分享公司嘅優點，仲講到好似好想佢加盟。呢位黃絲話自己做咗一個星期Assignment，自認為自己做到晒要求，以為一定得啦。點知過咗一排，佢都收唔到通知，於是就鬧爆英國人好虛偽，仲話：「以我經驗，香港果（嗰）面反而無咁×假，來到英國見過幾單都係咁，發覺呢度似乎係比香港假好×多。」

網民恥笑蠢黃好難服侍

唔少人都認為黃絲嘅諗法真係相當奇怪，fb專頁「港英飛機車大炮」就反問：「唔希望被禮貌對待，咁下次面對面大大力reject佢，咁個心會唔會好過小小（少少）？」「英格蘭中部全職煮婦」就話：「人哋對你客客氣氣又唔鐘（鍾）意，一陣西口西面又傷害你弱小心靈，真係好難服侍。」有網民就話，其實喺香港見工都係咁㗎啦！「Isabella Wong」就話：「其實係佢從來冇做過（嘢）定佢成世打一份工？香港講（請）人都唔見得兜口兜面話請定唔請，返嚟香港打下外國公司（工）先出聲，避（免）得自己丟架。」「Hun Pak」直言：「如（與）其話人假，不如話個市道差，人地（哋）大把選擇，想慢慢揀個最好的，或者其實係自己未夠料。」

黃絲暴露出自己無知，唔了解英國文化之餘，仲要用自己套理論去批評人哋，去到邊都蠻不講理，真係可怕！

日用品都唔識分申請表又唔識填

唔少黃絲移民到外國後不停出醜，仲成日將自己啲醜事放上網，引嚟各界恥笑。專頁「Save HK（救救香港）」不時將佢哋嘅「笑料」截圖，分享畀大家留言，但有黃絲就似乎感到相當不滿，質疑點解咁多人關心港人移民到英國嘅事。不如佢哋考慮下做少啲瘀事，咁咪無人關注囉。

有個自稱已移民到英國嘅網民，早前喺「英國香港人生活交流區」發放笑料。話說佢影住支印上「shower」嘅沖涼液，然後話自己用嚟洗頭，搞到個頭好淋（立），問大家「有咩英國洗頭水推介下比（畀）本人」。網民「Sto Stephen」立即提醒佢「呢支係沖涼用，唔係洗頭水」，佢就解釋話見支嘢平平哋又幾香所以買嚟用，又稱自己「剛剛到步（埗）唔係太識英文」。

連「Shower」同「Shampoo」咁簡單嘅字都分唔清，仲話要喺英國生活，真係令人相當無奈，有人就建議佢唔識嘅話不如拎部電話出嚟翻譯，好過佢咁樣出醜啦。

有黃絲喺同一專頁發文問，「點解地址果（嗰）欄country無得揀Hong Kong？我唯有揀China，去到Health surcharge變jor（咗）比（畀）CNY（人民幣）。」「Man Man」就笑佢：「陰公豬囉，迫住咁『無骨氣』要填中國、比（畀）人民幣。」黃絲連簡單嘅英文都唔識就學人移民外國生活，唔識填表格之餘，仲搞到買錯基本生活用品，唔知呢啲係咪就係佢哋理想中嘅高質生活呢？

蠢黃帶電槍入境挑釁關員被遣返

唔少移民去英國嘅黃絲除咗唔明咩叫入鄉隨俗，仲連當地嘅法律、規矩都唔識，擾亂當地嘅秩序，認真失禮！藝人兼「煮食blogger」朱庭萱早前就踢爆咗兩件黃絲嘅醜事，並批評一眾黃絲去到當地大聲夾惡做刁民，搞到「黃毒」入侵英倫，相信黃絲嘅出現已經令到當地居民感到滋擾同不滿。

醜出國際全部遣返

朱庭萱第一件踢爆嘅事係，有一家12口嘅黃人等待入境時，其中老婆喺排隊時高舉手機，邊轉圈拍片邊叫「香港人加油」等口號，被內政部邊境局人員好言勸阻後仍然唔合作，老公後來幫口高叫「我有人權」，仲「起踭」撞向執法人員。

唔單止咁呀，佢後來更繼續叫囂「We are Hongkonger BNO British」、「At the Queen let us in」，嘗試挑起在場港人情緒，不過現場就無人理會佢囉。最後當地執法人員將全部12人扣查，相關人等更加不獲當局批准VISA 入境，而且即時被扣在禁區遣返回港。

第二件事係繼12黃人家庭被遣返8日後，有一對黃絲情侶入境英國時，竟然俾人喺寄艙行李中被搜出兩把電槍。當關員問佢哋做咩帶電槍入境時，佢哋竟然話因為怕共產黨同香港警察去英國「襲擊」佢哋，所以帶定支電槍傍身喎！最後呢對黃絲情侶被當局禁止5年入境，並且即時遣返香港。

朱庭萱直言，好多黃絲都有「妄想迫害症」，而且仲已經病入膏肓，形容佢哋嘅common sense和智商水平喺幼稚園級數：「黃毒上腦經常選擇性地去相信自己想相信的，難怪一直被人取笑『人黃心盲』。」

不務正業狂炒樓靠害英倫小市民

部分黃絲近期選擇移民去英國，有啲人更加到當地大肆買入物業收租，似乎要將香港嘅炒樓文化帶到英國。有唔少網民都批評一班黃絲嘅「劣根性」，擔心黃絲遲早玩壞人哋個地方，搞到英國會排擠所有亞洲人，隨時影響埋一班在港黃絲。

主要城市樓價炒高一成

路透社近日出咗篇報道，話根據地產中介聲稱，香港人喺英國買入好多住宅同公寓，主要目的都係用嚟出租賺錢。香港人蜂擁到英國買樓收租，直接令到英國主要城市嘅樓價被炒高一成至一成半不等，其中利物浦區同車路士區嘅樓價都至少被炒高咗一成。

對一班「同路人」去炒樓，網民「榮恩話知你」直言，去到英國炒樓嘅係「英國蝗蟲」，而「革命小前鋒」就話：「留明（名）睇幾年後英國人、市民上街抗議香港人。」有網民更加恥笑黃絲口中嘅「齊上齊落」，原來係講緊樓價，仲話約定所謂「煲底見」，如今應該改作「Cannery wharf見」。

黃絲其實不嬲都咁自私㗎啦，破壞完香港就走去破壞另一個地方，搞到個個都神憎鬼厭。難怪唔少人都勸佢哋正正經經搵份工做，或者搵其他投資玩，唔好影衰香港人咁話。

人見人憎的香港蝗蟲

新聞來源連結:

http://paper.wenweipo.com/2021/03/04/YO2103040010.htm

與鳳凰同飛，必是俊鳥；與虎狼同行，必是猛獸！
你能走多遠，看你與誰同行！

回覆引用被引用(8) TOP

Dark_Shark 尊貴會員帖子 1427 積分 2232 註冊 2017-2-9 發短消息加為好友	#2 發表於 2021-3-4 06:43 只看該作者大中小繁簡呢班黃屍真係醜出國際，人見人憎
UID 6063831 帖子 1427 精華 0 積分 2232 金幣 1675 閱讀權限 50 在線時間 437 小時註冊 2017-2-9 最後登錄 2023-9-23 查看詳細資料	回覆引用被引用(3) TOP

找不到用戶	#3 提示: 作者被禁止或刪除內容自動屏蔽
找不到用戶	#3 發表於 2021-3-4 06:43 只看該作者大中小繁簡提示: 作者被禁止或刪除內容自動屏蔽
UID 5368312 帖子 26939 精華 0 積分 21253 金幣 1926 閱讀權限 0 在線時間 10616 小時註冊 2014-3-15 最後登錄 2021-10-16 查看詳細資料

99078D Silver Member 帖子 14381 積分 14948 註冊 2006-3-22 發短消息加為好友	#4 發表於 2021-3-4 06:47 只看該作者大中小繁簡 lm
UID 1307391 帖子 14381 精華 0 積分 14948 金幣 2652 閱讀權限 70 在線時間 21735 小時註冊 2006-3-22 最後登錄 2024-4-16 查看詳細資料	回覆引用 TOP

找不到用戶	#5 提示: 作者被禁止或刪除內容自動屏蔽
找不到用戶	#5 發表於 2021-3-4 06:48 只看該作者大中小繁簡 [按此打開] [隱藏] 提示: 作者被禁止或刪除內容自動屏蔽
UID 5368312 帖子 26939 精華 0 積分 21253 金幣 1926 閱讀權限 0 在線時間 10616 小時註冊 2014-3-15 最後登錄 2021-10-16 查看詳細資料

謀人寺尊貴會員帖子 3460 積分 1945 註冊 2020-7-4 發短消息加為好友	#6 發表於 2021-3-4 06:58 只看該作者大中小繁簡引用: 原帖由刺客禁言於 2021-3-4 06:43 AM 發表其實文匯報想表達乜野呢？其實D人走係因為乜野呢？點解作為一份報紙唔係去隊個原頭？所以文匯無乜人睇係有原因睇壞人🤷 人蠢咪唔知人地表達乜野，後面所有的的問題都係因為蠢
UID 6905119 帖子 3460 精華 0 積分 1945 金幣 3333 閱讀權限 50 在線時間 3698 小時註冊 2020-7-4 最後登錄 2024-4-16 查看詳細資料	回覆引用 TOP

綠腳趾

Golden Member

帖子: 30123
積分: 29771
註冊: 2020-6-4

發短消息加為好友

發表於 2021-3-4 07:00

引用:

原帖由 刺客禁言 於 2021-3-4 06:43 AM 發表
其實文匯報想表達乜野呢？
其實D人走係因為乜野呢？
點解作為一份報紙唔係去隊個原頭？
所以文匯無乜人睇係有原因
睇壞人🤷

僅列舉例證證明黃絲真係好無腦好柒

源頭咪就係無腦囉，隊中左又令你好嬲好嬲啦

回覆引用被引用(1) TOP

找不到用戶	#8 提示: 作者被禁止或刪除內容自動屏蔽
找不到用戶	#8 發表於 2021-3-4 07:04 只看該作者大中小繁簡提示: 作者被禁止或刪除內容自動屏蔽
UID 5368312 帖子 26939 精華 0 積分 21253 金幣 1926 閱讀權限 0 在線時間 10616 小時註冊 2014-3-15 最後登錄 2021-10-16 查看詳細資料

綠腳趾 Golden Member 帖子 30123 積分 29771 註冊 2020-6-4 發短消息加為好友	#9 發表於 2021-3-4 07:08 只看該作者大中小繁簡引用: 原帖由刺客禁言於 2021-3-4 07:04 AM 發表呢D叫無啦啦 , 整撻瘌本身乜都唔搞咪好地地係啊，班曱甴去暴動燒搶打砸無差別屠殺香港市民，搞左條國安法返黎嚇自己，真無啦啦 , 整撻瘌也
UID 6889697 帖子 30123 精華 0 積分 29771 金幣 4528 閱讀權限 80 在線時間 10623 小時註冊 2020-6-4 最後登錄 2024-4-16 查看詳細資料	回覆引用被引用(1) TOP

yiz987654321 VIP 帖子 4335 積分 4186 註冊 2017-1-5 發短消息加為好友	#10 發表於 2021-3-4 07:09 只看該作者大中小繁簡 [按此打開] [隱藏] 大陸人落嚟香港炒貴d樓就識話人，到自己去到人地地方咪又係一樣，當地人都係當你地係入侵者，仲有面話自己質素好高上🤣🤣
UID 6046911 帖子 4335 精華 0 積分 4186 金幣 3346 閱讀權限 60 在線時間 7991 小時註冊 2017-1-5 最後登錄 2024-3-13 查看詳細資料	回覆引用 TOP

老納 Silver Member 帖子 13383 積分 12656 註冊 2010-11-13 發短消息加為好友	#11 發表於 2021-3-4 07:10 只看該作者大中小繁簡引用: 原帖由刺客禁言於 2021-3-4 06:43 AM 發表其實文匯報想表達乜野呢？其實D人走係因為乜野呢？點解作為一份報紙唔係去隊個原頭？所以文匯無乜人睇係有原因睇壞人🤷 D人走係因為on 9, 無腦！
UID 4347232 帖子 13383 精華 0 積分 12656 金幣 3336 閱讀權限 70 在線時間 6391 小時註冊 2010-11-13 最後登錄 2024-4-16 查看詳細資料	回覆引用被引用(1) TOP

找不到用戶	#12 提示: 作者被禁止或刪除內容自動屏蔽
找不到用戶	#12 發表於 2021-3-4 07:11 只看該作者大中小繁簡提示: 作者被禁止或刪除內容自動屏蔽
UID 5368312 帖子 26939 精華 0 積分 21253 金幣 1926 閱讀權限 0 在線時間 10616 小時註冊 2014-3-15 最後登錄 2021-10-16 查看詳細資料

lingling_cc VIP 帖子 3845 積分 3634 註冊 2013-8-21 發短消息加為好友	#13 發表於 2021-3-4 07:13 只看該作者大中小繁簡引用: 原帖由刺客禁言於 2021-3-4 06:48 AM 發表咁新移民都有大媽跳大媽舞做代表影響市容你地唔出聲？好在我唔係住個頭睇見都覺得到慘 https://youtu.be/mGp8js6EyFk 生你出黎咪又係個大媽，唔通石頭爆出黎？
UID 5242415 帖子 3845 精華 0 積分 3634 金幣 2340 閱讀權限 60 在線時間 3464 小時註冊 2013-8-21 最後登錄 2024-4-16 查看詳細資料	回覆引用被引用(2) TOP

找不到用戶	#14 提示: 作者被禁止或刪除內容自動屏蔽
找不到用戶	#14 發表於 2021-3-4 07:14 只看該作者大中小繁簡提示: 作者被禁止或刪除內容自動屏蔽
UID 5368312 帖子 26939 精華 0 積分 21253 金幣 1926 閱讀權限 0 在線時間 10616 小時註冊 2014-3-15 最後登錄 2021-10-16 查看詳細資料

綠腳趾 Golden Member 帖子 30123 積分 29771 註冊 2020-6-4 發短消息加為好友	#15 發表於 2021-3-4 07:14 只看該作者大中小繁簡 [按此打開] [隱藏] 引用: 原帖由刺客禁言於 2021-3-4 07:11 AM 發表點解D人要上街？好多原因，有啲曱甴無腦被昆、有啲收錢搞破壞、有啲為食天使、有啲為食異士、有啲想無差別屠殺香港市民、有啲曱去佢去……
UID 6889697 帖子 30123 精華 0 積分 29771 金幣 4528 閱讀權限 80 在線時間 10623 小時註冊 2020-6-4 最後登錄 2024-4-16 查看詳細資料	回覆引用被引用(1) TOP