47名攬炒派被控「串謀顛覆國家政權罪」，由於被告人「陣容」龐大，今日將繼續審訊，呢個係自國安法實施以來撥亂反正嘅一個重要案件，可謂萬人矚目。喺審訊期間，一啲外國領事居心叵測，以「監察」為名企圖進入法庭旁聽滋事，更有西方政要以「自由」為名，不知廉恥嘅叫囂「立即放人」，公然幹預香港司法獨立，醜陋嘅「雙標面目」令人作嘔。庭外嘅「港獨」餘孽視西方政要廉價嘅「口水」為「尚方寶劍」，囂張至極，發動數百名黑衣人包圍法院，以為內外勾連就可以逼使特區政府讓步，犧牲法治，純屬蜉蝣撼大樹。 
戴耀廷可謂反中亂港「頭領」，炮製出「違法達義」嘅強盜邏輯，逼害咗大批莘莘學子。窮凶極惡嘅「攬炒十步」，勢必要將香港拖入萬丈深淵，非法「初選」赤裸裸嘅攬炒香港，顛覆國家政權，用心險惡，令人發指。市民對此人早已憤恨不已，到警署門口展示橫額，力挺警方執法，呼籲依法嚴懲呢班攬炒派政棍。國安法實施後，香港開啟咗由亂到治嘅關鍵時刻，但戴耀廷等人公然挑戰國安法，策劃非法「初選」。中央、特區政府、中聯辦、港澳辦嚴正指出，「初選」係對香港特區選舉嘅非法操控，係對基本法和國安法嘅公然挑釁，必將受到法律嘅嚴懲。但呢啲人置若罔聞，一意孤行，執意與國安法死磕到底。自作孽不可活，面對今日受到嘅檢控，可謂自食惡果，但有人居然想以「不知道」脫罪，真係癡心妄想。
「攬炒派」為求保釋可謂醜態百出，要麼扮失憶要麼扮無辜，竟稱「不知為何被起訴」。講呢句話嘅唔係普通市民，而係法律學者、知名大狀、大學教授，將選舉作為顛覆政權嘅工具，扮豬食老虎，何言「不能理解」？更有人故技重施打起悲情牌，有人講要養家，有人講「剛結婚」等等，保釋理由係千奇百怪。呢啲攬炒派與戴耀廷「歃血為盟」，簽署「墨落無悔」嘅宣言，同坐一條賊船，一心「攬炒」，並非善良之輩，絕不可保釋，放虎歸山！
「黎智英保釋事件」，曾喺香港引起強烈不滿，一波三折，最終，終審法院5名法官一致裁定，律政司嘅上訴得直，維護咗香港法治正義。依家，從攬炒派發起「企滿法院」行動，慫恿其「爪牙」以排隊入法院聽審為名，非法示威，到美國國務卿公然要求特區政府「放人」，揚言「與勇敢的香港人站在一起」，可以睇出，「攬炒派」死心不滅，西方反華政客根本冇放棄以香港為「棋子」，遏制中國發展嘅陰謀。本能排除港獨餘孽與西方政要密謀，要將47名攬炒政棍保釋，法庭必須公正執法，絕不可放虎歸山，留低「攬炒」嘅後患。
「國無常強無長弱，奉法者強則國強，奉法者弱則國弱。」47政棍禍稔惡積，串謀顛覆罪惡滔天，必須嚴懲。唯有捍衛法治正義，維護「一國兩制」行穩致遠，先至能夠開啟「愛國者治港」嘅嶄新局面。國安法利刃高懸，所有色厲內荏嘅「嘈雜」外力都係紙老虎，改變唔到香港嘅立場，只會進一步坐實攬炒派「串謀顛覆國家政權罪」，為其不予保釋「填柴助火」。
