• 瀏覽: 2,884
  • 回覆: 51
[隱藏]
全國政協副主席、國務院港澳事務辦公室主任夏寶龍表示,「愛國者治港」是推進「一國兩制」事業的時代呼喚。他指,「一國兩制」不僅是解決歷史遺留的香港問題的最佳方案,也是香港保持長期繁榮穩定的最佳制度安排,我們將繼續堅定不移地貫徹執行「一國兩制」、「港人治港」、高度自治的方針,他強調把「愛國者治港」這一根本原則落到實處是共同責任。
亂港分子通過各類選舉進入治理架構
夏寶龍指出,作為一項前無古人的開創性事業,「一國兩制」的實踐過程並不都是一帆風順,香港回歸以來也出現了一些不利於「一國兩制」順利實施甚至有違「一國兩制」方針、挑戰「一國兩制」原則底線的現象和問題。反中亂港分子、「港獨」等激進分離勢力通過各類選舉進入特別行政區治理架構,包括立法會、行政長官選舉委員會、區議會等機構。他們利用這些平台散播「港獨」主張,抗拒中央管治,煽動對內地的不滿情緒,肆意阻撓特別行政區政府施政,損害香港市民福祉,不惜讓全香港社會付出沉重代價。他們與街頭暴力分子一樣,都是政治上徹頭徹尾的「攬炒派」,是香港的亂源,也是國家的禍害。
未全面落實「愛國者治港」是亂源之一
夏寶龍質問:「如果任由反中亂港勢力一步步奪取香港的管治權,為所欲為,肆意從事各種危害國家安全和破壞香港繁榮穩定的活動,如果任由外國勢力干預香港選舉等政治事務,大家想想,香港的前景會怎樣?香港還有安寧之日嗎?香港的國際金融、貿易、航運中心地位還能保持嗎?香港居民最為關注的住房、就業等重大民生問題還能有效解決嗎?『一國兩制』還能順利搞下去嗎?」
他指出,反中亂港分子之所以能在「一國兩制」下的香港興風作浪、坐大成勢,原因是多方面的。其中一個直接原因,就是「愛國者治港」的原則還沒有得到全面落實。香港特別行政區尚未真正形成穩固的「愛國者治港」局面。香港社會各界人士也越來越深切地意識到,在「愛國者治港」這一大是大非問題上正本清源是當務之急,把「愛國者治港」這一根本原則落到實處是共同責任。

「完善『一國兩制』制度體系,落實『愛國者治港』根本原則」專題研討會22日喺北京舉行。國務院港澳事務辦公室主任夏寶龍表示,要確保「一國兩制」實踐行穩致遠,必須始終堅持「愛國者治港」。正所謂問渠哪得清如許,為有源頭活水來。要令香港政治生態恢復健康,每一位公職人員嘅內心就係其中嘅「源頭水」。
「愛國者治港」,唔單止呼籲民眾企喺歷史正確嘅一邊,而且係一個長效嘅「除蟲」程式,一份送俾「攬炒」害蟲嘅最後通牒。「愛國者治港」係中央解決國家安全問題嘅一種先禮後兵嘅套路:「行以成效,勿謂言之不預亦」。縱觀中國外交歷史,1962年對印自衛反擊戰、1969年珍寶島衝突、1979年對越自衛反擊戰都係呢一種解決紛爭嘅辦法,此番對症,香港問題亦換湯不換藥。
而如今,提出「愛國者治港」,雖不如對外反擊時言論嘅強勢,但卻外柔內剛、恰到好處,字字有其不可替代嘅深意:一來,香港問題屬於內政,「勿謂言之不預」對付少數嘅「害蟲」,豈不變成牛鼎烹雞、明珠彈雀;二來,喺中央從來無懷疑、否定過港人愛國嘅前提下,「愛國愛港者治港」,對好似我咁樣嘅廣大港人而言無乜值得恐懼,亦唔係乜嘢限制,更唔係乜嘢威脅;三來,中央講究「精準除害」,手榴彈炸跳蚤係唔得嘅,「愛國者治港」正好係一張睇落似係稀鬆嘅濾網,將嗰啲少數煽動輿論,崇洋媚外嘅曱甴敗類、外國勢力篩選出來。所以,一句「愛國者治港」,成為咗呢啲抗中亂港勢力嘅「照妖鏡」,豈不妙哉!
香港要發展,社會要安寧,就必須對「攬炒派」Say no——佢哋係最唔愛國愛港卻最想干預香港治理嘅「毒蟲」!話說去年疫情最困難嘅時期,香港政府擬向市民派發1萬港元紓困資金,但「攬炒派」偏偏行埋來搗亂,搞到救命錢差啲「胎死腹中」。但係「攬炒派」一邊反對,另一邊就大肆剝削,單單喺2020年一至六月呢短短嘅時間入面,1個區議會就創造出咗涉嫌濫權偏私嘅撥款高達600萬元嘅「成績」,更甚者喺區議會辦事處大賣口罩,大發「疫」財,呢個唔係香港嘅蛀蟲係乜?「拉布再拉布,搗亂再搗亂」。如果令「攬炒派」把持立法會治港,咁香港政府改善民生之路可以話係寸步難行,每一位市民都會深受其害。
「愛國者治港」,係讓愛國愛港者操刀香港嘅命運,比之將自己嘅政治利益擺喺市民燃眉之急之上嘅香港亂源、國家禍害們,當然更加值得信任和支持!歷史大勢,浩浩湯湯;順之者昌,逆之者亡。經歷咗去年交織嘅紛爭,「熱鍋上螞蟻」嘅滋味,係香港人自己在嘗,係社會底層在承受,而「攬炒派」呢?根本就放唔低佢哋嘅外國護照。


我哋都希望香港好,但香港害蟲隱藏太深,需要除蟲。堅持「愛國者治港」唔係高標準,而係「港人治港」嘅最低要求。如果港人再唔對反黨反國家嘅嗰啲曱甴敗類、嗰啲外國人法官喊打,香港嘅未來將係灰濛濛一片。詩雲:千淘萬漉雖辛苦,吹盡狂沙始到金。喺愛國治港者帶領下,「一國兩制」在港實踐必定能乘長風破萬裏浪,香港未來會更好。



回覆 引用 TOP

知法犯法,刻意犯法,以犯法為榮的人,留港何用?


回覆 引用 TOP

斷左米路?無得呃人?點呃錢打官司?


回覆 引用 TOP

李呃人,呃左咁多人咁多年。就因為好多人都唔尋找真相,以為當年佢哋講嘅都係事實。


回覆 引用 TOP

[隱藏]
請大家尋找天安門四君子撐侯德健。仲有西班牙攝影隊最後撤出廣場嘅,都證明左當年廣場上沒有死人。


回覆 引用 TOP

唔見棺材唔流眼淚


回覆 引用 TOP

成日挑戰法律底線!


回覆 引用 TOP

打堂齋比佢啦冤魂不散


回覆 引用 TOP

幾時天收


回覆 引用 TOP

[隱藏]
佢哋根本就預咗, 寫四隻大字就唔使開工,跟住錢照袋。


回覆 引用 TOP

絕對不能夠被破壞新年快樂的氣氛!


回覆 引用 TOP

唔搞事邊乞到錢?糧支太重要了


回覆 引用 TOP

佢哋唔係堅持平反,係堅持有糧支


回覆 引用 TOP

支離會咁有錢好心就去彌敦道租個地鋪啦,實無人話到你…吓吓要舔到盡用公家地方做私人嘢邊有咁好水㗎!


回覆 引用 TOP

[隱藏]
係未已犯國安法?


回覆 引用 TOP

提示:支持鍵盤翻頁左 右
[按此隱藏 Google 建議的相符內容]