文革已經被定性為十年浩劫, 冇乜商討嘅餘地. "文革"兩個字都只係幌子, 實質係半失勢嘅老毛要重奪大權而發爛. 都唔係第一次, 其本質同盧山會議差唔多. 佢唔發爛就要下台或退隱, 接手嘅會係劉少奇. 兩次佢其實都係要搞掂劉少奇. 至於劉少奇本身係咪有取代佢嘅野心, 就好難講. 盧山會議其實彭德懷係爛頭卒, 由佢出面試探毛澤東嘅底線. 劉少奇一見毛澤東接受唔到, 就第一個出嚟反彭德懷. 但此舉好難過到老毛. 下次有事, 佢會先郁劉少奇.
文革其實有兩條線畀老毛奪權, 一、係由江青發動文革, 打倒班老臣子, 二、都會出軍隊. 老毛同林彪都有相當嘅軍權. 林彪嘅背叛反而係出乎老毛所料, 又或者講對老毛嘅打擊係大過曬其他嘅一眾臣子. 不過既然出江青就已經搞掂, 就唔使出軍隊.
文革其實係令國家發展停滯不前, 人民亦都不再相信所謂嘅共產主義或社會主義, 改革開放勢在必然.
[ 本帖最後由 正字 於 2021-2-24 06:57 AM 編輯 ]
/https://www.discuss.com.hk/attachments/day_240418/20240418_f979ca4db1a7f5b731cekOrPp6IzeOP9.jpeg)
