私隱公署鍾麗玲出席立法會會議，促政府修訂《私隱條例》，正檢視刑事定罪門檻

瀏覽: 283

列印

鬼冢鴉雲

二星級會員

帖子: 479
積分: 215
註冊時間: 2020-3-4

發短消息加為好友

[其他討論] 私隱公署鍾麗玲出席立法會會議，促政府修訂《私隱條例》，正檢視刑事定罪門檻

發表於 2021-1-29 01:26 PM

[隱藏]

私隱專員鍾麗玲出席立法會政制事務委員會會議，就去年的工作作出簡報。鍾麗玲指，私隱公署於2020年處理與「起底」有關的投訴為1,198宗，涉及警務人員和市民。截至去年12月31日，私隱公署共253次去信涉事的18個網上平台，要求移除共4,827條連結，當中共3,341條連結已被刪除。
保險界議員陳健波發言提到，公司註冊處查冊目前公開董事地址和身份證號碼，質疑違反《私隱條例》，做法不合時宜。鍾麗玲回應稱感謝陳健波的意見，又稱公署主動審視有關政府公共登記冊的安排。
建制派議員關注「起底」情況，私隱公署於2020年處理與「起底」有關的投訴為1,198宗，涉及警務人員和市民。截至去年12月31日，私隱公署共253次去信涉事的18個網上平台，要求移除共4,827條連結，當中共3,341條連結已被刪除，但指由於大部分「起底」網站於外地營運，私隱公署跟進相關個案時，亦會聯絡外地的保障個人資料私隱機構或域名註冊公，以尋求協助及跟進。
民建聯葛珮帆指，《私隱條例》無規管網上世界的行為，如同「無牙老虎」，打擊面不足，他關注有關《私隱條例》修訂進度。鍾麗玲指，公署正馬不停蹄處理修例工作，正檢視「起底」行為的刑事定罪及舉證門檻等，希望能提出切實可行，當完成草擬修訂建議，將會諮詢立法會的意見。
陳健波質疑在修訂《私隱條例》前，政府打擊起底力度不足。鍾麗玲指出，當有發現起底情況，公署會主動出擊，截至2020年12月31日，私隱公署已將1,461宗涉嫌違反《私隱條例》第64條的個案，交予警方作刑事調查及考慮提出檢控。據報警方共拘捕17名人士，懷疑他們違反《私隱條例》第64條，又指最近一名被告於2020年10月9日在區域法院被裁定違反《私隱條例》第64(2)條披露未經資料使用者同意而取得的個人資料，連同其他罪名均罪名成立，被判18個月監禁，連同其他定罪合共兩年監禁，認為有足夠阻嚇力。
委員會主席周浩鼎促政府盡快就私隱條例提交修改法例的方案，以加強打擊起底行為。周浩鼎表示，當局目前成功檢控一宗違反私隱條例起底罪行，其餘案件均只能過藐視法庭的禁制令進行檢控，突顯現時私隱條例在打擊起底罪行方面仍有所不足，認為當局有必要盡快修改法例，讓目前的私隱條例與時並進，並適合今天多變的網絡世界狀況。

數據隱私日，公署在行動

全民盼修例，英雄不流淚

「人權」，呢個係暴力示威者和攬炒政客經常掛喺嘴邊嘅辭彙——私刑甚至火焚異議者？「抗爭」係我哋應有嘅「權益」；破壞公共設施、衝擊並打砸立法會？示威者喺度用行動「守護」緊自己受損嘅「人權」；違法犯罪被警方依法處置？抑或係政府喺度「打壓人權」；受到民眾聲討？侵犯我哋人權必須被嚴懲……就咁樣，呢班連做人都未必夠格嘅暴徒將「人權」呢個美好嘅辭彙當成咗「武器」與「盾牌」，肆無忌憚咁攻擊香港嘅人權、民主與法治。不過事到如今，有著國安法嘅庇護和警隊嘅守衛，佢哋所能造成嘅物理傷害已經微乎其微，但亦正係因為咁樣，「冷暴力」對民眾與警隊嘅傷害就變得越來越突出。
乜嘢係「冷暴力」？冷嘲熱諷、抹黑詆毀、網絡霸淩，最為嚴重嘅就係對個人隱私資訊嘅洩露，亦就係我哋俗稱嘅「起底」，要知道呢個同樣係一種對「人權」嘅傷害——喺聯合國頒布嘅《世界人權宣言》第十二條中，明確表示「任何人的私生活、家庭、住宅和通信不得任意干涉，他們的榮譽和名譽不得加以攻擊。人人有權享受法律保護，以免受這種干涉或攻擊。」只不過嗰啲高舉「人權」大旗嘅暴徒又點會識得咁諗，喺「返送中」期間，盡忠職守、止暴治亂嘅警隊被暴徒視為眼中釘、肉中刺，毆打、斷指、火焚、割頸、爆炸……佢哋用盡曬諗得到嘅暴力手段，試圖以此逼警員放棄職責任其亂港生事，但警方卻無後退半步，始終堅持企喺暴力一線，以身作盾保護民眾不受傷害。於是乎呢班冷血嘅暴徒將魔爪伸向警務人員和其他愛港人士嘅家人與仔囡，從Telegram中專門起底警員資料嘅「老豆搵仔」、「超級老豆搵仔」等群組、到用於「展示」愛港人士及香港警員個人資料嘅「香港編年史」網站，佢哋將個人資料「武器化」，成組織成建制發起咗對警隊和無辜者嘅攻擊！
孩子喺返學期間被人掟嘢，遭受其他同學仔嘅打罵和疏離，妻子和父母去超市購物和日常出行被故意衝撞、辱罵甚至傷害，屋企嘅玻璃被人打爛、門窗遭到塗污……被洩露嘅個人資料令暴徒有咗暗中報復嘅可乘之機，佢哋妄圖搞到香港嘅「衛士」們流血又流淚！從不使用姓名、警號，改用行動呼號交流以保護同袍，到警隊資助被「起底」警員更換車牌，再到法院頒發臨時禁制令要求禁止市民公開警員及其家人資料，為咗保護警員，警隊、法院同政府做咗好多，但呢啲都係治標唔治本，立法落實對相關行為嘅處理措施以震懾暴徒，從源頭上消滅對個人訊息嘅洩露先係真正嘅治本良方！
我相信呢個唔單止係為咗保護嗰啲令人尊敬嘅警員和愛港人士，同樣亦係為咗保護我哋自身甚至於嗰班暴徒嘅安全，因為被起底嘅絕非係警隊而已，為咗彰顯自己團隊和支持者嘅「眾多」，「毒媒」和呢班暴徒領袖亦時不時會「誤傷友軍」，從《蘋果日報》洩露被捕暴徒家庭資訊，到「黃店」照片牆張貼「黃絲」真顏，截至2020年9月底，喺個人資料私隱專員公署處理嘅4714宗起底個案中，除四成事主為政府及警隊相關人員外，黃、藍公眾各佔三成，包括記協、教協在內嘅撐暴組織均多次義正辭嚴咁要求個人資料私隱專員公署「根據條例所賦予的權力，嚴肅跟進，要求網站移除侵犯私隱的資料，並轉介予警方作刑事調查。」既然己所不欲，咁唔該勿施於人，我相信深受其害嘅市民都好希望能夠喺落實修訂《私隱條例》具體方案上面達成共識，守護我哋嘅個人隱私權利不受侵害。
1月28日，國際數據隱私日，喺呢一日，私隱公署正式開通咗處理有關「起底」嘅查詢或投訴熱線：3423 6666，亦係喺呢一日，私隱公署公佈咗關於修訂《私隱條例》嘅調查報告，超過70%嘅受訪者表示支持給予私隱公署提出檢控、進行刑事調查以及要求社交媒體平臺和網站刪除有關「起底」內容嘅權利，更有近九成嘅民眾支持對肇事機構施加罰款等處罰措施！可以話修訂《私隱條例》已成煌煌大勢，任誰亦無可阻撓，全港人民都好期待新條例嘅落實與實施。我哋由衷盼望每個人嘅個人資訊都會受到法律嘅保護，受到每個人嘅尊重，願未來再都唔會有人因個人資訊嘅洩露而遭受傷害，願嗰啲英雄不必再流血又流淚！

#周浩鼎 #立法會 #葛珮帆 #陳健波

回覆引用 TOP