• 瀏覽: 60,263
  • 回覆: 13
  • 追帖: 2
[隱藏]
土瓜灣一名懷有8個月身孕的孕婦日前被警方粗暴對待,又被手銬「侍候」。「今次咁樣做嘢法,(警察)同暴徒冇乜分別囉,睇得太多電視喇,(警暴)家陣唔到我唔相信囉!」孕婦家人向《蘋果》直斥警方向一個手無寸鐵的孕婦上手銬,粗聲粗氣,行為猶如黑社會一樣,坦言:「啲差人而家越做越衰,簡直唔係人。」

劉女士的大家姐表示,她們一家過去一直支持警方執法,認為「佢維持治安係應該」,但經過今次親身見證,看着懷有8個月身孕的胞妹,竟被警員粗暴對待,直言警隊在她們一家心目中的所謂「正義」形象,已宣告徹底破產,「佢維持治安係應該,但係一個手無寸鐵,又唔去偷又唔去搶,佢都可以咁樣對待,我真係唔知點樣再去相信呢個政府」。

大家姐一想到懷孕胞妹遭警員粗暴對待便感心痛,怒斥警察「一隻狗都可能會知道有人性,呢啲(警員)直情冇人性,明知個大肚婆,小生命七個月,家陣佢(胞妹)一係小產,一係早產」。

事主劉女士的弟弟憶述,事發當時他正在永耀街一間舖頭內,突然聽到有街坊表示自己二家姐被捕,立即上前了解,到場時已見到二家姐坐在地上,雙手被反鎖,警員亦阻止他靠近。劉弟說:「叫我哋唔好阻住差人做嘢,話佢(二家姐)有攻擊性喎!大佬,6、7個差佬喺度,一個大肚婆有咩攻擊性?」

他指近日警方在區內不停截查市民,二家姐亦被警方查身份證兩至三次,每次她亦十分合作,但想不到今次會被粗暴對待,「一個大肚婆,8個月(身孕), 又有血壓高,家姐企喺度,面都紅晒,身體唔舒服,就捱住車胎要求叫白車,差人就話佢玩嘢」。

劉女士的大家姐表示,當日當她獲悉事件後,立即由石硤尾家趕到現場,赫見懷孕妹妹要坐地反鎖,雙手被手扣箍至又紅又瘀,極是心痛,多次與在場至少5名警員理論,要求為妹妹解鎖,但最終妹妹的一隻手還是要扣在救護床上,方可送院。「去到醫院我都唔畀行近細妹,直至姑娘話要家人辦入院,我先見到佢,我見佢(妹妹)簽字手都震埋,佢之前已經做過一次手術,我話如果大細(妹妹和BB)有乜事,我會攬住一齊死!」劉胞姐狠批「點解要咁樣對待市民,我唔只為妹妹發聲,好多基層市民都係被警察咁對待,呼呼喝喝,冇禮貌。」

對於二家姐被警方粗暴對待,劉女士的弟弟續指,警察的態度十分惡劣,猶如「爛仔」,「十足黑社會,一面兩人,估唔到香港差人可以咁樣…呼呼喝喝咁對市民,咁市民點解要畀身份證你哋睇.......真係好唔公平,對一個大肚婆咁樣,相反上次喺旺角嗰單嘢(大肚婆被推跌)有記者喺度,就好禮貌扶住大肚婆安慰,今日喺度查身份證,可以咁嘅語氣咁嘅態度,香港警察係世界一流」,然後豎起尾指示意。

劉女士的媽媽指家人為免她過於擔心,一直隱瞞事件,「個心好痛,成晚瞓唔著,驚我暈低」。對於警察無理執法,她更怒火中燒,直斥:「叫佢企嗰度佢唔企,之後就開始嘈,佢已經坐喺地下,你仲用手銬鎖佢,話佢阻差辦公,你話佢阻你咩呀?啱啱落樓,啲差人而家越做越衰,簡直唔係人」。

有與劉女士熟落的街坊容女士表示,知道警方向一個手無寸鐵的孕婦鎖手扣,感到憤怒,不齒警察的行為,「真係㷫過辣雞,點可能咁對個大肚婆呀,係咪想佢早產呀?一個大肚婆點阻得到4個差人辦公呀!」

街坊連日來都就事件議論紛紛,但大家都敢怒不敢言,即使願意接受採訪,但亦不願上鏡。「好多街坊都睇到(事發經過),但怕咗啲狗,都唔敢出聲。」街坊均指,大家當日都目擊警員對女事主呼呼喝喝的情景,最看不過眼是指女事主阻差辦公,然後向懷孕的女事主鎖上手銬,「個大肚婆都坐咗喺地啦,應該停止行動,講真一句,你咁多人個大肚婆走得去邊吖,人哋跑都唔敢跑啦」。對於警方指女事主因被兩次口頭警告後仍不出示身份證明文件,所以才遭警員拘捕,有街坊則指女事主有向警員出示身份證,只是因為沒有配合警員呼喝,站在警員所指示的位置接受截查,才引發事件。

一名目擊事件的婆婆,指警員當日態度非常惡劣,不斷呼喝懷孕的女事主「行嚟嗰度」,直言「(警察)以前冇咁衰,而家好臭(脾氣)」。一名老伯則認為現今警察「心地變咗質」,質素跟以前的警察根本一個天一個地,感覺今時今日的警察,心存憤怒及仇恨去對待市民,態度惡劣。


-----------------------

香港已有太多「警暴」, 又有警察濫用警權亂咁拉人, 仲點撐警?
人人都見警察行為, 警隊還要包庇「警暴」的話, 警隊就失公信力.


大肚婆被捕|「撐警家庭」親嚐「警暴」滋味 轉軚鬧爆「差人連狗都不如」
新聞來源連結:
https://hk.appledaily.com/breaking/20210123/AQSQCZR2FFEQ5CS4YUL2HIAXTY/



黑玫瑰
熱賣及精選
引用:
原帖由 hw1chan 於 2021-1-23 08:01 PM 發表

撐狗俾狗咬親
「撐警」已是不合常理!



黑玫瑰
引用:
原帖由 A1899 於 2021-1-23 08:42 PM 發表

除時係蘋果安排既臨記
人人都見警察濫用警權亂咁拉人, 仲點蘋果?

[ 本帖最後由 WongManTak 於 2021-1-23 09:13 PM 編輯 ]



黑玫瑰
引用:
原帖由 12瞞徒愛送中 於 2021-1-23 08:57 PM 發表

721元朗條大肚曱甴婆又出動玩抹黑呀?隔左年半,條大肚曱甴婆個仔仲未出世咩?成日看圖作文,呢招好悶啦
人人都見警察「警暴」行為, 仲點抹黑?



黑玫瑰
[隱藏]
引用:
原帖由 kkwgm 於 2021-1-24 10:29 PM 發表

看圖作文,好有故事性
是真實:
土瓜灣孕婦與警爭執送院昨誕男嬰早產兒情況嚴重留醫ICU
https://news.discuss.com.hk/viewthread.php?tid=29680568



黑玫瑰

回覆 引用 TOP

引用:
原帖由 LEE1989 於 2021-1-23 08:56 PM 發表

演員味濃
香港無人撐警, 所以撐警一定是演員!



黑玫瑰
引用:
原帖由 呀單 於 2021-1-25 06:06 PM 發表


睇得好清楚,阻差辦公、唔出示身份證都係違法行為
睇得好清楚,10秒準備出示身份證,無人阻差辦公、差人亂拉人!



黑玫瑰
警察穿制服執法出示委任證真係好重要. 防止冒警!
社工被指拒出示身分證阻差罪脫獲訟費 官:穿制服非不出示委任證理由 (15:30)
https://news.mingpao.com/ins/港聞/article/20200917/s00001/1600326656585/社工被指拒出示身分證阻差罪脫獲訟費-官-穿制服非不出示委任證理由

22歲女社工去年8月要求一名女督察出示委任證不果,並遭對方指稱拒絕出示身分證,被控阻差辦公,受審後今(17日)在西九龍裁判法院獲判無罪,兼得訟費。裁判官重申,除非有特殊情況,警員單是穿著制服,並非不出示委任證的理由,裁定被告要求合理,亦沒有對警方造成阻礙。

被告林曉樺獲裁定阻差辦公罪罪脫,交替控罪「未能在規定下出示身分證明文件」亦不成立,兼得訟費。她散庭後表示,對裁決感「開心」,認為案件起始便屬濫捕,現在公義得到彰顯,呼籲其他「手足」繼續堅持。

裁判官黃雅茵裁決指出,細心觀察案發錄影後,發現被告在女督察梁敏儀警告後4秒已作勢取銀包,後來亦手持身分證上下揮動,之後另一警員出示委任證後,她亦稱「OK,你出咗(委任證),我有出(身分證)嘅」。

裁判官指出,本案爭議在於被告是否在合理時間內出示身分證,以及被告行為有否對警方造成阻礙,認為被告由始至終只大聲及重複地要求女督察梁敏儀出示委任證,無辱罵成分,而梁敏儀僅以「穿著制服」而拒絕,並非《警察通例》允許,裁定被告要求合理。

裁判官又稱,依照《警察通例》,警員須按市民要求出示委任證,除非出現特殊情況,如影響警方工作及現場環境不容許等。在本案中,裁判官指出現場有近百警力,單單一警員出示委任證並不會影響警方工作,女督察梁敏儀雖解釋「已穿著制服」,惟法庭重申「單是穿著制服,並非不出示委任證的理由」,故裁定被告沒有阻礙警方。

黃官指出,女督察梁敏儀的作供與現場片段顯示「有所混淆」,梁敏儀指稱被告阻礙更是「不合理」,法庭不會接納其證供,故裁定被告脫罪。



黑玫瑰

回覆 引用 TOP

引用:
原帖由 hungng 於 2021-2-3 09:31 PM 發表


睇得好清楚,阻差辦公、唔出示身份證都係違法行為X2
法院判案案例清楚指出了:

社工拒出示身份證被控阻差辦公脫罪 控方需付訟費
https://news.rthk.hk/rthk/ch/component/k2/1550237-20200917.htm

一名社工去年8月一次遊行期間,拒絕向警員出示身份證,被控一項阻差辦公罪及一項未能在要求下出示身份證的交替控罪,在西九龍裁判法院被裁定兩項罪名不成立,控方需為辯方支付訟費。

裁判官黃雅茵裁決時說,引述控方指到場的女督察走近正在大叫的被告,要求被告出示身份證,兩次警告無效後,以涉嫌阻差辦公拘捕被告,又指期間被告向她要求出示委任證不合理,因會阻礙其工作。

黃雅茵表示,不接納女督察的證供,因被告在女督察要求後,有伸手拿出銀包的動作。而警察通例列明,市民有權要求軍裝警員出示委任證,除非情況不容許、會危及人員安全或要求不合理,但案發時明顯並非相關情況,因此不構成阻差辦公理由。被告於女督察首次要求後43秒,已出示身份證,屬合理時間。出示身份證時,並非如女督察所指以身份證的背面向著她,認為舉證未能達致毫無合理疑點,裁定罪名不成立。

案情指,22歲被告林曉樺被控於去年8月25日,在‪荃灣街市街與眾安街交界一間店舖‬外,阻礙警方執行職務。



黑玫瑰

回覆 引用 TOP

[隱藏]
引用:
原帖由 hungng 於 2021-2-3 09:32 PM 發表


呢兩條肥野連豬都不如


你指黑警肥野



黑玫瑰

回覆 引用 TOP

引用:
原帖由 ic310 於 2021-2-3 03:25 PM 發表

算把啦,再將個別事件無限量放大都係個別事件,香港警察遠比美警克制

https://www.police.gov.hk/info/doc/Legatum_Prosperity_Index_c.pdf
列格坦研究所 全球繁榮指數 安全與保安 2020 香港排名第6

https://www.police.gov.hk/info/doc/WGI_Rule_of_Law-C.pdf
世界銀行 ...
太多警察犯案都見個別事件?



黑玫瑰
引用:
原帖由 ic310 於 2021-2-10 07:54 AM 發表


有幾多?
逐單數都遠小過你班手足,
傳媒報個d爆眼女,陳彥琳,周梓樂,10單有9單都係屈警,剩返個1單要查
你不喜歡有警暴, 唯有話屈警.



黑玫瑰

回覆 引用 TOP

引用:
原帖由 liongdanny 於 2021-1-24 05:49 PM 發表


死“黑警”不得好死,連大肚婆都這樣糟蹋,無論怎樣!有必要咁樣鎖扣拖行8個月的大肚婆嗎?內地的警察都唔會咁冇人性啦!
差人過份武力易搞傷市民.



黑玫瑰

回覆 引用 TOP

引用:
原帖由 legend_dreamer 於 2021-1-25 09:44 AM 發表


不嬲以前都話開警察係有牌爛仔
本身就係一班大部份都讀唔成書既ive仔入
想有幾好
只不過因為佢地幫政府就變成好人?不存在的
以前有差佬收保護費,有差佬叫雞唔比錢添
只可以話d人將成個職業所有人當同一個人係有問題
本來係好人一樣會係好人,本來係垃圾一樣會係垃圾
看警察民調便知.



黑玫瑰

回覆 引用 TOP

[按此隱藏 Google 建議的相符內容]