• 瀏覽: 2,675
  • 回覆: 2
美國出左個侵侵之後
政策變得咁唔穩定
新上任隨時可以推翻前朝簽任何協議
邊個國家仲敢同你玩
難怪歐盟認清現實,尤其係德國
不再以美國為首跟著屁股走,下下怕得罪美國
排脫左英國呢條契弟
歐盟反而更團結,要走自己的路,唔會再下下聽美國
拜登就職後第一通電話打俾加拿大總理
原來要廢左侵侵時代簽加拿大輸油管通往美國工程
我睇新聞,單工程都做得七七八八
民主黨上台重環保,拜登簽個行政命令,話唔玩就唔玩
加拿大政府私下F到爆,損失慘重,馬上一堆人失業冇工開



美國聯邦政府每年預算大比例用去國防
即係養肥軍火商
邊度仲有咁多錢搞基建
要起條高鐵東岸到西岸,難若登天
穿州過省,每個州法律又唔同
環保意識抬頭,呢度話破壞環保,果度又話破壞生態
而且同內陸航空競爭,航空公司會反彈
航空業受影響,波音又會受到影響
波音又係政黨大金主
如此斬不斷的千絲萬縷
做總統一上任只有四年時間,唔一定連到任
邊可能花心理去搞啲十年八年後至做得好的建設
最簡單方法,搵個藉口出兵打下啲弱雞國家
順便消耗一下庫存軍火

[ 本帖最後由 sclee1209 於 2021-1-22 12:26 PM 編輯 ]



引用:
原帖由 kit05hk 於 2021-1-22 02:07 PM 發表

歐洲行西方式民主政策咪一樣改來改去。
歐洲民主制同對美國唔同
前者係內閣制,後者是總統制
內閣首相/總理,權力遠不及美國總統
政治上多數黨執政天經地義
歐洲國家國會多數黨執政
如果最大黨不能單獨過半,就要搵個另外一個黨組聯合政府
至少組成國會多數黨,要通過法案或者咩X協議要國會多數支持
如果唔係脫歐就唔會公投後搞咁多年
英國政府行政部門去同歐盟傾好,協議要國會過半通過
國會唔同意傾唔惦數又要去再同歐盟傾過,如此反反覆覆
美國就唔同,憲法賦予總統太大權力
美國經常有少數執政總統,兩個國會都係在野黨多數把持
總統想做野在野扯後腿,就只好簽一堆行政命令
行政命令效力不同等於國會通過法律
隨時可以推翻,改朝換代第一日就可以全部推翻
以前美國兩黨輪替,就算換唔同黨人做總統
為左政治和諧,唔會一上台就全面推翻前朝做過啲事
侵侵理L你死,佢就係咁玩,完全冇協商餘地
奧巴馬時代,侵侵唔高興政策全部廢除
條友係保守派反墮胎,反同性變反同婚
侵侵講過可惜大法官釋憲同婚合法
總統權力冇法逆轉,如果唔係佢一定否決到底

至少歐盟唔會咁衰格,唔會日後換人做主席
之前同中國簽商易協議唔算數,又要重來
如果政策冇延續性,咩鬼野巴黎氣候協議簽黎把托
全世界只有美國簽左巴黎氣候協議,改朝換代唔認帳
認為唔合理就唔好去簽



[按此隱藏 Google 建議的相符內容]