[按此打開]
[隱藏]
郭嘉銓今早在港台節目《千禧年代》上表示,警方好尊重新聞自由和記者採訪權利,指昨日拘捕行動不是針對個別行業或節目,而該行動是因為有市民報案和相關部門轉介投訴,懷疑該節目公開車主資料,侵犯個人私隱。而警方調查過程中發現有人違法,確保有證據並諮詢律政司意見才拘捕,又指昨日行動並非高調,「無特意通知傳媒,無話要高調拉人」,強調法律條文寫得非常清晰,希望公眾明白條例規定,如有人犯法,警方接獲報案就必須執法。
主持人問到為何案件是由重案組而不是由交通組負責,算不算高調的一種。郭嘉銓回應說:「要考慮報案地點、性質等派出最合適隊伍跟進,而總區重案組都係一個好專業隊伍,能夠不偏不倚咁作出調查。」主持反問:「交通組都不偏不倚啫,應該?」,郭回答:「我諗都係要考慮.......嗰個案呢....er.....咁當然經過調查之後針對道路交通條例啦,咁其實我哋都要考慮埋啲私隱條例嘅....嘅....嘅可能性嘅。因此變咗我哋都要去就住個案件嘅細節,或者係嗰個性質呢,嚟作出一個通盤嘅考慮,搵最合適嘅隊伍去作出一個調查嚟。」