西方民主制度,能夠規範的是"正常人"
遇到特朗普這樣壞人,這個制度的缺點表露無遺
過去的政客點離譜,點都會收歛一下
因為選舉制度,兩黨支持者幾乎固定
誰能吸引中間選民,誰就贏面大
兩黨候選人都會左傾中間路線,或是右傾中間
相對比較溫和
特朗普出現,完全打破呢種遊戲規則
中間選民,他不在乎,策略是鞏固基本盤
然後搞民粹挖出極右派人士出黎投票
中間選民一塊如何處理?
用盡方法抹黑對手,要中間選民兩方都厭惡下不出黎投票
選舉變成數學遊戲,一來一回就有機會勝出
上屆侵侵用電郵門不斷人格毀滅希拉里
口號係希拉里係國際級大騙子
今屆中國JOE 拜登變成親中出賣美國
加上佢個仔同烏克蘭同中國做生意負面議題
一度打到拜登冇還手之力,民調急速跌
民主制度遇到一個完全不講武德的狂人
加上成個共和黨俾佢綁架,失去制衡力量
任佢為所欲為,將總統權力發揮到極致
四年前侵侵仲係總統候選人
居然敢狂言到對住記者講自己係紐約五十二街開槍殺人
佢支持者一個都唔會減少
如此失言,即使事後改口話開玩笑,呢個玩笑未免太大
如今證實,佢啲支持者真係死忠到願意為佢賣命
民主制度的問題,到底有冇辧法防到呢類瘋子?
我一直支持香港做法
點解要篩選過?
正如幾年前香港政改爭議,中國人大法委會早講
明知你班民主派係仆街,擺明要玩野
仲唔一早落閘,第一關就要把關
等選上特首再發現有問題就太遲了
香港回歸後,班泛民係立法會玩野玩左幾多年?
有句話請神容易送神難
俾啲壞人選上,之後再想法趕佢走
DQ左又點? 咪又要補選,換過另外一班壞人再選
美國只要冇法係源頭擋左有問題候選人
以後仲有機會出到侵侵呢類狂人
