• 瀏覽: 18,378
  • 回覆: 193
  • 追帖: 1
  • 分享: 6
香港人生活步調急促,稍微行慢一步阻到人,都可能被鬧「阻住地球轉」。有港媽就表示,日前帶仔女搭巴士,從巴士上層落車時,兒子「扭計」不肯落樓梯。港媽表示自己心急之際,一名大媽叫她「做阿媽嘅自己落先嘛」,辣著火頭,令港媽激動爆粗。不過就有很多網民不認同港媽的看法,認為她才是需要「考牌」那個。

港媽仔「生仔要考牌系列」Facebook群組投稿,稱自己「俾個多口中年大媽激到忍唔住在仔女面前爆粗」。港媽每日都同仔女搭巴士返學放學,因為下層經常滿座,所以都要坐在上層。「因為我試過落車時自己落樓梯先,仔女後落又落得慢,司機未睇清楚就關門,阻埋後面乘客落車而被人鬧過,所以之後每次我都叫仔女落先」。4歲兒子比較頑皮,港媽每次都叫7歲女兒先落,自己再拖實兒子落樓梯。

不過近日帶孩子搭巴士時,兒子突然「扭計」,站在樓梯不肯落。港媽怕阻到人,就心急想辦法「氹」他落樓梯。「喺我心急如焚,好焦躁之際,突然有個中年大媽唔知做咩多口話我:『做阿媽嘅自己落先嘛!』」大媽更一邊搖頭,指她「唔識做人阿媽」。港媽點著火頭,「關你X事呀!多X事幹!」

港媽表示,可能自己也有錯,但大媽不認識她,又不知道前因後果,而且無影響到她,「我唔認為佢可以公開批評我囉!況且識唔識做人阿媽都唔輪到佢講,係我對仔女先可以評論我囉!」

帖文引起熱議,不少網民都表示「大嬸無講錯,有小朋友的,若坐上層,應阿媽落樓梯先,若車突剎車,小朋友會向前衝。而且若小朋友細,應早少少落下層,寧願在下層企,都費事臨急臨忙衝落樓梯」、「睇到『氹』呢個字時,已經明白成件事係點了」、「4歲仔巴士唔肯落樓梯, 仲慢慢氹? 當然係一手抱佢落去啦!」、「要喺香港被人容許你慢慢落車真係有啲難度」、「無論幾嬲,係仔女面前一定要謹言慎行」。



今次港媽無錯

新聞來源連結:
https://std.stheadline.com/realtime/article/1442314/即時-港聞-維港會-4歲仔-扭計-不肯落巴士-乘客提醒港媽先落反被鬧多事



其實啱喔..你個仔咁細個,你點會比佢落先.一個吳小心僕落去咪頭都穿.你落先拖住佢咪得囉.要扭計既你可以一手抱起佢.阻到後面既人就唔好拉.

[ 本帖最後由 MeoMeo88 於 2020-12-6 12:49 PM 編輯 ]



港媽點著火頭,「關你X事呀!多X事幹!」

唔怪得年青人粗囗咁叻



如果係我,我會呢個選項 "4歲仔巴士唔肯落樓梯, 仲慢慢氹? 當然係一手抱佢落去啦!"


[隱藏]
帶件4歲上樓上已經係錯啦


提示: 作者被禁止或刪除 內容自動屏蔽
香港有種人從來都唔會錯。


一個阿媽拖一四歲丶一個七歲嘅小朋友,仲要坐上層, 真係無言


港女點會錯😂


[隱藏]
而家年輕男女都好鐘意講粗口,有時見到,根本係朋友之間傾計,都句句夾粗口。女仔之家粗口爛舌,唔知個[醜]字點寫。


可能小朋友掛住巴士


引用:
原帖由 逆風的肥牛 於 2020-12-6 02:51 PM 發表
如果係我,我會呢個選項 "4歲仔巴士唔肯落樓梯, 仲慢慢氹? 當然係一手抱佢落去啦!"
根本4歲俾佢自己落樓梯已經係非常危險, 梗係要抱住啦
港女不嬲唔接受批評, 你出聲咪乘機發爛咋囉




提示: 作者被禁止或刪除 內容自動屏蔽
又係腥港人精神,一言不合小路寶


[隱藏]
平時點較故教架?一般4歲應該仲好聽父母話。


鍵盤翻頁
左右
[按此隱藏 Google 建議的相符內容]