• 瀏覽: 492
  • 回覆: 6
天下有道,則庶人不議。如果天下無道,庶人是否會側側膊、唔多覺呢?歷史話畀大家知,係唔會!布衣之怒,斬木為兵,揭竿為旗,天下雲集響應,阿哥,一樣可以改朝換代也。古人就話「太上不生惡,其次而能夙絕之也,其下復而能改也」。意思係,人嘅最高境界係冇惡念,其次係有過錯應早早斷絕,令重複嘅錯誤能改過!

轉載~

本港司法獨大,被指官官相衞,就連下級法院判刑出錯,涉事法官一樣唔需要受罰,廢官甚至唔理好醜,盲撐法官判案不用考慮國家立場,變相對「警察拉人、司法放人」嘅亂象予以肯定,認真豈有此理!

有議員指出,司法機構去年曾處理368宗針對法官或司法人員嘅投訴,當中有10宗涉及法官嘅行為,亦有353宗投訴與司法或法定決定有關。好明顯,市民批評司法機關近期處理某些案件嘅判決不恰當、有偏頗,連終審法院前常任法官都撰文指出,過去一年嘅黑暴事件,法院對一國兩制欠缺敏感度,將自己抬高至全國人大位置,並自我賦權!呢個批評不可謂不嚴厲,可見「自己人」都忍無可忍!

最近律政司上訴頻頻得直,譬如有人去年6月喺金鐘非法集會,佢恍如小蜜蜂好忙碌咁喺政總外協助搬鐵馬,雖承認控罪但僅被判監14日。嘩,判得咁輕,你估喺沙灘堆泥沙咩!今趟「避政司」唔敢怠慢,向裁判官申請覆核刑期卻遭駁回,其後再向上訴庭申請覆核,結果上訴庭改判被告入獄7個月,並批評原審法官「錯到不能再錯」!可見法官都係人,係人就會犯錯。

呢,早前有法官判案明顯偏頗,只係被調職冇任何追究,事後更獲加薪升職,令人嘩然,市民投訴又被當隱形!你話司法獨大到突變哥斯拉,係唔係好大鑊?其實,《基本法》保障市民言論自由,咁多法庭判決惹爭議,香港都好應該與時並進修改「藐視法庭罪」,畀公眾有足夠自由監察法官啦。

嗱,立法會議員何君堯炮打司法機關,力度精準,佢批評本港司法系統亂七八糟,改革不容拖延!佢不諱言司法體制內法官標準參差不齊,有些尋且犯上「一年級學生」也不會犯下嘅錯誤,是以應訂立量刑指引,讓法官判案時有參考準則,並由原訟庭首席法官處理針對法官行為不檢嘅投訴。仲有吖,回歸成23年啦,好多制度要逐步完善,尤其去殖化,法官戴假髮傳統應要取消。香港係中國嘅地方,試問學洋人戴假髮成何體統!

講開去殖化,不得不提紀律部隊至今仍維持英式步操,真係肉酸!點解唔廢除,改以中式步操吖?端正主人家嘅態度,幾時都冇錯嘅!冇規矩點成方圓,一眾港英餘孽高官淨係識記掛住昔日事頭婆頭頂皇冠,胡混度日,特區點會唔亂象叢生吖!














究竟司法係獨大定獨立呢?

新聞來源連結:
https://orientaldaily.on.cc/cnt/news/20201203/00190_001.html



判曬啲暴徒先改革


基本上係自己管自己.係現今講求監察年代無完全脫節


法官對「基本法」認識不足,要考基準試。另法官判錯刑要追究問責,不能無王管。


[隱藏]
林鄭已經開咗綠燈, 你都吹狗法官唔漲.


司法改革,我的理解是一句話︰「皇帝背後,還須要有一個『太上皇』。」


大量曱甴打砸搶燒判社會服務令了事,這樣的判決讓人無法接受。


[按此隱藏 Google 建議的相符內容]