[按此打開]
[隱藏]
關於愚港打新冠疫苗，大叔有以下睇法：
1.其實我建議真係直接搵番今日記者會全部錄影睇，好過睇各大傳媒嘅撮要新聞報導，因為林鄭一開始就講咗點解要訂三隻疫苗（分別係輝瑞/BioNtech、科興生物及英國牛津果隻阿斯利康），主要原因係「買保險」，即係分散投資，因為隻隻疫苗都出得好急，無論從質量及數量上，訂購及打單一疫苗都有風險（林鄭無講到明，但佢一開始就已經講話中提到呢個意思）。所以要盡快解決疫情，同時訂購不同嘅疫苗係最保險嘅方案。
2. 所有打疫苗都係要市民自願，即係打唔打，由得市民決定。當然首果100萬劑係科興生物嘅疫苗，會比高危群組，但老實講，呢班高危人士如果佢地唔願意，或信唔過國產疫苗，政府都無得迫佢地打。而我相信好多黑醫護及YC高危群組，都未必會打國產疫苗。所以呢100萬劑，我相信要打哂，都要一兩個月甚至更長時間。
3. 至於輝瑞果隻疫苗，國內復星醫藥其實一直係幕後推手，呢隻疫苗亦會引入國內。但同時，各國（包括最霸道嘅老尾）其實都搶緊呢隻疫苗，相信供應得比愚港，都會係2021年起碼第二季嘅事。而同時，我相信科興嘅疫苗，首100萬劑後，至於其餘嘅，如果相信林鄭早前已開口問阿爺預留疫苗嘅話，國產疫苗應該會快過輝瑞供應到比愚港。所以如果2021第一季打嘅，應該都係國產疫苗為主。
4. 至於黃人藍人都問點解無得揀，大叔嘅睇法，有得揀「應該」係最好嘅，黃又好藍又好中立都好，揀咗自己想打果隻疫苗，就打死無怨自行負責。但從實際環境考慮，開始訂購疫苗可能係幾個月前甚至係半年前已經做咗決定，一個政府如果真係負責任，除非真係無錢買疫苗，否則資源足夠嘅話都會多方落注，每隻疫苗都會買部份。至於咩人想打咩疫苗，各種疫苗數量幾多，政府無可能事前有呢個數據；就算政府有呢個數據，例如200萬人想打國產疫苗，400萬人想打輝瑞疫苗，跟住呢？現在唔係大家屋企打邊爐，想食咩就食咩！現實係，2021至2022，全世界70億人都係度搶緊疫苗，愚港人要幾多就比到幾多你？就算國產疫苗，都有14億國內人民等緊，我相信2021年內，國內都唔係個個人民可以打到疫苗！愚港人如果2021年內分到750萬劑，其實真係阿爺特別照顧先有。同樣道理，可能呢度好多版友都唔想打輝瑞嘅疫苗，但大家又有無諗過，其他國家可能都唔足夠都搶緊輝瑞疫苗呢？當然大家覺得邊隻疫苗成效或安全性有問題，最後有得揀當然最好，但如果真係無得揀，就可能要決定打或唔打，又或尋求其他辦法了，例如，稍後會否有私人醫療機構引入到國產疫苗？又或國藥集團果隻疫苗會否稍後可以批准上市及投產，令到疫苗大增，而令到大家有得揀呢？
5. 最後，我相信如果愚港首100萬劑國產疫苗能於短時間內給50萬人接種的話，我相信對愚港疫情已經有很大得幫助。始終，我地嘅目標係打斷病毒傳播鏈，而非消滅新冠病毒，所以如果有大量市民（當然越多越好）接種到不同疫苗（無論黃藍），才是愚港盡快走出疫情之道。
/https://www.discuss.com.hk/attachments/day_240416/20240416_31e400f783fbfdb03a34jvPlRmstekhZ.jpeg)
