• 瀏覽: 3,810
  • 回覆: 5
[隱藏]
引用:
原帖由 bronze18man 於 2020-12-1 10:15 PM 發表

變了冰條都仲要保持按動機板姿態!向保家衛國既中國軍人致敬!
值得尊敬,但志願軍係人,唔係神。
事實就算係志願軍都會分唔同部隊,唔同人。技術,戰術,人個頭腦都係唔同。佢地係有血有肉,唔係一班機器人,洗腦人。

冰雕連,其實係一次慘痛教訓啊。

進入戰爭係緊急,部隊準備不足,冬天裝備無運得切上前線。係事實。
但係全體志願軍都系咁。而西線作戰個d部隊比東線凍死士兵個九兵團。只不過早左十幾日進入朝鮮半島。
佢地個裝備係一樣。但西線部隊,尤其係38軍,無大規模凍傷凍死。
因為佢地因應天氣,改變左戰術。佢地改變左解放軍經常進行滲透敵後之後,打埋伏個方式。而係不斷滲透之後,即刻發動進攻,以硬破硬。強攻強守。中間無進行休息。甚至佢地連續作戰3日,無訓過。
點解咁夠薑? 因為佢地d將軍好敏感知道自己d兵唔夠衫著,所以佢地用作最無奈個辦法。 就係:唔好等班兵停低! 打完再休息。 因為人保持一定活動量,係唔會咁易凍死! 就算辛苦,都唔好凍死! 保持進攻,無得停!

士兵係痛苦,但條命保住左。

但東線九兵團係從台灣前線抽調上去。 南方人組成個軍團,佢地無嚴寒地帶作戰經驗。 係零下40℃情況下,堅持舊戰術,急行軍滲透入敵人後方,然後即刻趴係雪地,埋伏等敵人。
一個人跑到成身汗,然後即刻趴係度俾零下40℃寒風吹。
唉……可敬可嘆!
但係咁係無經驗做成!

呢件事,係戰後總結, 志願軍司令部係嚴厲指責過佢地班將軍。但班將軍都系好屈,因為佢地根本無北方軍團個經驗,完全唔知道點做!

慘痛教訓,所以今日老解咁認真準備嚴寒地帶作戰就係咁。 經驗,知識缺少,無科學常識,會害死好多人。



引用:
原帖由 KIDD00132 於 2020-12-2 04:43 PM 發表


前人嘅慘痛成後事之師
我講呢個事例,係想香港人能夠從歷史借鑑到野。
當時東線第九兵團係加強型兵團。準備進攻台灣。所以都係精兵強將。佢地係有d睇唔起班北方人。因為佢地出身新四軍居多。而當年新四軍係待遇好過八路軍。
所以佢地無好好學習下班“土八路”
認為d土佬做法唔夠現代。

其中有個插曲,當時第九兵團係北上過程有半日時間係瀋陽等轉車。 而瀋陽係東北。留守東北個d兵個個知道嚴寒係會點樣可怕。佢地即刻組織所有鐵路沿線站點,能夠提供幾多就幾多大棉衣俾九兵團。包括佢地自己著緊個d。

九兵團無咩反應,甚至佢地無趁個半日落過火車去接……。

今日香港人,一樣係心裏頭有d睇唔起人地d土佬野。 但我唔希望有朝一日,要個天來收個陣。香港人先明白。

歷史係會重演架!



引用:
原帖由 KIDD00132 於 2020-12-2 10:28 PM 發表


果部份香港人經過英殖洗禮,變到無咩見識,真真正正嘅港燦,呢種人的確要狠狠地奶鑊金至有返理智
其實講返西人洗腦,其實係好低級。因為佢地個邏輯係好奇怪。
就係調轉一思考就會明個問題!
如果中共可以用人海戰術。死好多人就可以打贏。
咁西人先進武器,究竟有咩用處?即系廢鐵! 咁如果係廢鐵。仍然係人多就可以打贏你。咁世界其他地方咁多人! 你民主社會安唔安全架,先進係邊啊?
先進完又係古代咁,咁先進來做咩q野啊!

所以話信佢地個d人點解唔思考下,如果真系同西人咁講,西人個腦就係傻架。因為佢地日日做埋d無用武器。浪費金錢!
你仲投靠佢? 點保護班人啊!



引用:
原帖由 大林林 於 2020-12-3 02:21 AM 發表


兩樣都有,無海軍空軍,只靠陸軍能同二戰後強大聯合國軍隊,打出咁既成績,前無古人,後無來者
有空軍,緊急組建,蘇聯俾米格15BS戰機。 然後班初哥志願軍後生仔,飛唔夠100個鍾 就飛上去同美軍飛左幾千個鍾d精英駁火。
取得戰果係,擊落美軍300幾架戰機。自身損失200幾架。仲擊落左美軍兩個二戰皇牌機師,後來擊落佢地個兩位 王海 張積慧 分別出任解放軍空軍總司令同副司令。

蘇聯空軍同樣有參戰,總共派出過12個蘇聯空軍師。 擊落美軍1000幾架 自身傷亡370幾架。
對應美國戰後初年紀錄數字,基本一致。
即系志願軍個戰果係基本可信。

而最搞笑係,教志願軍飛行員飛行技術d教官,係以前日本皇軍關東軍林妳一郎飛行大隊。佢地投降之後,教志願軍飛行。著名教官名叫 筒井重雄 空軍總司令王海就係佢個學生。

即系美軍海軍航空隊係俾日本陸軍航空隊學生懟死左

[ 本帖最後由 chenflie 於 2020-12-3 09:47 AM 編輯 ]



[隱藏]
引用:
原帖由 大林林 於 2020-12-3 12:00 PM 發表


我話無唔係完全無,起碼有米格走廊!
美國空軍數量多,種類齊,可以日炸夜炸,中國志願軍只有匿埋陣地捱炸
咁無計……美軍飛機係多到離譜。3000幾架。打落一架補充一架。 次次一去就成百架。
志願軍最深刻就係飛機。敵人好多飛機。完全同國軍個概念唔同



引用:
原帖由 鬼屋加加速神童 於 2020-12-5 09:26 PM 發表

向保家衛國的中國軍人致敬!
如果有睇過美軍老兵回憶錄。你地會發現,佢地打韓戰係為咩,其實佢地唔清楚。 係第二場戰役個陣。美軍俾中共打擊,戰地記者紀錄左一個美軍醫護兵對著遍地美軍屍體。佢講左一句:
為咩要死係呢度?

按YC講,美軍係正義,係幫助韓國。咁佢地應該好明白,唔迷茫。但佢地迷茫,點解佢地要為一個遠在天邊個民族內戰而獻出生命?

但老解就好簡單,佢地出兵,首先經過中國東北丹東,個陣被美軍飛機炸爛個屋,俾美軍炸死,仲帶緊孝班鄉親就係佢地身邊。哭聲震天佢地係親眼睇住。
然後一過江,朝鮮個邊戰火紛飛,人民妻離子散。佢地又睇到。
點解作戰,係唔需要教育!
老解紀錄左當時38軍范天恩團長動員士兵死守陣地個過程: 范團長攞繳獲個美國餅乾俾大家食,然後好平緩咁講解計劃,班兵仲係度欣賞緊餅乾點好食,好嘈。然後團長講左句:
如果你地失守,敵人過左呢度,後邊就係祖國,我地個家。
全場靜曬,兵再都食唔落……準備作戰。

保家衛國從來無需要演講,平民唔識聽。佢地只需要見到真實。



[按此隱藏 Google 建議的相符內容]