即使仲有啲儍瓜出嚟做暴徒都唔會多啦,港區國安法都立咗,嗰班外國嘅情報人員,即係專門策動暴力抗爭嘅外國勢力都已經全部撤離晒,無人做後台策動顏色革命,啲港獨頭子都紛紛將啲港獨組織解散同割蓆。啲主腦都唔會再搞得乜嘢出嚟,最多咪就係一班儍仔繼續衝,但絕對唔會多囉。
外國勢力走晒,資金都無埋,呢班暴徒都俾人用完即棄啦,仲點搞到乜嘢出樣呀。其實國安法就唔係想對付呢班儍仔,主要都係對付喺香港搞事嘅嗰班外國情報人員。如果係要捉呢班港獨頭子,就唔會只係7月1日先生效啦,而事實中央就係俾個訊號嗰啲外部勢力,要佢地喺7月1日前就好撤走,唔係就會對付佢地。
只要睇下國安法出之前,美國就立即出售在香港買落嘅高價房產就知啦。以前呢啲房產係用嚟俾班情報人員住,所以撤走晒就唔再需要呢啲房產囉。而且,毒果黎嘅Mark Simon都走埋佬,咁你話國安法係咪有效呢。