• 瀏覽: 327
  • 回覆: 2
[隱藏]
林鄭月娥上午在出席行政會議前見記者時表示,目標是於11月25日發表《施政報告》。



今日(3號)上晝,香港特區行政長官林鄭月娥出席行政會議前會見媒體,表示下晝將經過深圳前往北京,開始呢次訪京行程。喺訪京期間,佢會同四到六個部委見面,商討支持香港經濟復蘇嘅措施同點樣融入國家發展大局開展合作。呢次討論嘅中央惠港政策將會涵蓋金融互聯互通、香港國際航空樞紐地位、新冠疫苗供應、通關等方面,都為咗令到香港經濟盡早恢復動力。喺訪京活動結束後,佢計劃喺11月25號發表新嘅《施政報告》。
特首呢次訪京,陪同隨行嘅領導有運輸及房屋局局長陳帆、創新及科技局局長薛永恆、財經事務及庫務局局長許正宇、政制及內地事務局局長曾國衛、食物及衛生局局長陳肇始等。通過隨行部門領導嘅名單可以睇出,呢次同中央商討支持香港經濟復蘇嘅措施,將會喺航空運輸、科技創新、財經金融、政治事務、防疫工作、食品安全等多個方面交流具體嘅實施方案。呢啲部門領導將會根據本部門嘅情況,討論點樣將香港融入到國家發展嘅大局當中,促進香港嘅綜合發展,為香港市民謀福利。
喺即將開展嘅第十四個五年計劃、粵港澳大灣區建設同香港深圳兩城合作嘅背景下,特首嘅呢次訪京活動為香港經濟復蘇請求中央支持。香港要鞏固提升喺國際嘅競爭優勢,高質量嘅建設大灣區同打造國際創新科技中心,離唔開中央政府嘅政策扶持。我哋有理由相信,喺中央政府嘅支持下,香港本地區嘅企業同個人將會產生新嘅經濟增長機會,香港嘅經濟復蘇將會快速實現。
眾所周知,新冠疫情嘅侵襲導致香港嘅經濟發展停滯不前。香港同內地人員嘅交流目前仲受到14天強制檢疫嘅硬性要求,呢個對香港與內地喺商業活動、專業服務、探親交流、工作學習等多方面帶來咗不便。呢次訪京,將會針對恢復香港同內地人員嘅直接交流討論應對措施,實現攜帶「健康碼」無阻礙同行同降低檢測收費。陳肇始局長呢次陪同,將會向中央匯報香港過去十個月嘅防疫工作,明確表示香港一定能夠嚴控疫情。通關無阻礙後,香港與內地嘅交流先至能更加順暢,香港先至能盡快融入到大灣區建設當中。
香港青年係香港經濟恢復嘅內動力。訪京結束後,林鄭月娥仲要會見廣東省同深圳市嘅領導,將會商討喺大灣區建設中,大灣區城市點樣提供便利措施,方便香港青年喺大灣區實現創業、就業、工作等,融入到大灣區嘅發展當中。香港青年能夠有更加美好嘅發展前景,佢哋就能夠反饋到香港嘅綜合發展當中,為香港嘅再次輝煌提供更多嘅貢獻。
總體來講,林鄭月娥嘅呢次訪京活動,能夠為岌岌可危嘅香港經濟帶來新嘅機遇同挑戰。我哋有理由相信,喺「一國兩制」嘅保障下,香港一定可以走出困境,揚帆再出發,實現輝煌!

新聞來源連結:
https://www.wenweipo.com/a/202011/03/AP5fa0d39ae4b0fbfd2536840f.html



回覆 引用 TOP

港英餘孽不知廉恥,竟敢乞討國庫資糧。


閒話一句…般若定實相

回覆 引用 TOP

其實應該定下目標清零
東南亞好多國家鎖國都清到零
起碼出街見到人咳都冇咁驚



回覆 引用 TOP

[按此隱藏 Google 建議的相符內容]