美式民主制度只防君子(包括偽君子)不防小人
過去美國總統,就算係政客,樓上有人批評希拉里
點都好,始終政客點都會接受制度約束,唔會做得太過火
隨住全世界資本主義走到快要盡頭
因為不能像一戰,二戰前,聯合國成立後,多少有啲牽制作用
冇法高興就發戰爭搶劫其他國家資源,點都要搵個藉口,大型毀滅性武器
加上全球化,由跨國企業主導經濟,中小型企業萎縮
發達國家,當中產階級減少,只剩下窮人同有錢人兩種
民主制度出現極端化,極左派或右派政黨出現
美國同歐洲都一樣,對傳統政治人物不滿
侵侵呢類人就因此崛起
民主黨兩屆初選排第二位果位桑德斯
一個老人居然大受年輕人歡迎,佢鼓吹社會主義
如果唔係傳統民主黨人,怕佢出線嚇怕資本家同中產階層,贏唔到侵侵
都輪唔到拜登贏初選,並唔係表示大家多鐘意拜登
點解講美國制度防唔到小人?
侵侵上台後,過去不成文規定或慣例,佢通通唔理
選總統選上後,按慣例要公開多年報稅資料
佢話法律冇規定,所以唔理
用人為親,個女同女婿,做白宮高級顧問
美國明明有防裙帶關係法,總統不能任命親人做官
侵侵話佢地冇領薪,所以唔算,法律冇定得清楚,可以自己解釋?
冇一個美國總統敢公然用軍費補助款去威脅其他國家元首
要求查政敵黑料資
幾年黎侵侵講左幾多大話
前朝簽定協議,可以通通唔算數
真係多到講唔完
最誇張係,邊個國家元首競選連任,未投票前預早聲明,輸左唔認帳?
有一就有二
潘朵拉盒子一打開,以後必然會再有呢類不按規則的怪人出黎選總統
唔好話中國
全世界都唔知點同呢類人打交道,五時花六時變,今日傾好聽日會反悔
點同你玩?