說到 "謠言" 係歷上 , 第一次我所認知既影響力 ,
就係法國大革命期間 ... 其實係位學者級同學講我知既 :
佢話係國大革命之前 , 好大程度上唔係 D民變領袖既演講 ,
而係當時 D黃色小報(你當係今日既蘋果 熱血時報果一類拉) ,
宣染皇室/貴族有幾腐敗 , 從而刺激百姓造反 !!!
如果太概括既話 , 其實係有一個人人都知係 "謠言" 既例子 :
瑪麗皇后既 "點解 D窮人唔去食蛋糕???"
呢個絕對係謠言拉 ... 不過係法國大革命期間 ,
就起左好巨大既煽動性作用 !!!
而我所知既第二次 "謠言" 的影響力 , 就係人所共知既戈培爾
... 戈培爾係納粹德國既文宣頭子 , 被認為係當年 ,
令德國人民如此狂熱既幕後一手 , 而更多人知既係佢既名言 :
"一個謊言講一千次 , 佢就會變成真話"
老實講 , 小弟其實唔係太明 , 佢呢個講法係點運作既 ,
不過到左最近兩個月我就開始明白 ...
首先係點去理解戈培爾既果句名言 , 好多父母都有類似既名言 :
"我講一次唔聽 , 講一萬次佢總會聽既"
我唸戈培爾聽到會流淚 ...
因為其實戈培爾既重點 , 唔係純粹既次數多 ,
而係要唔同人 係唔同場合講 , 達到一種鋪天蓋地既效果 ...
而且更重要既 , 係佢利用左假新聞 "難以證偽" 既特質 ,
即係你係好難用大量既時間 , 去證明 D新聞係假既 ,
一來係因為假新聞係海水一般 , 你唔會快過佢 ;
第二就更加可悲 ... 就係 "證偽" 既文章越詳細 ,
其實人市民就越無心機睇 ... 都係果位學者級同學同我講過 :
"謠言有幾流行 , 係同真確性無關 , 但就同話題性有關"
... "謠言" 可以令好多人唔鐘意政府 ,
但問題係一般人 , 其實並唔係咁有耐心 成篇求證論文睇晒 ...
不過我認為 , 德國係納粹既上台之後既狂熱 ,
有好大程度上 , 係因為希特拉係經濟 改善就業上有一定成積 ,
國家福利越也來越好 ... 小弟前幾年得知一個資料 ,
就係原來即使二戰戰況轉劣後 , 德國人福利都係有增無減 !!!
(我唸係為左避免一戰時 , 大後方投降的問題)
我認為呢種福利開資 , 除左納粹既經濟成就外 ,
更多係充公猶太人財產 , 以及二戰開戰後 , 由攻佔區搶來 ...
只不過呢種用血換來既 "高福利" 係咪我地再要既呢???
而且希特拉都頂唔住呢種高福利 , 所以佢先要打二戰 ...
以佔領區財富去維持國內高福利 , 只有咁佢先可以繼續係呢一架
自己打造既民族主義戰上 , 繼續接受人民既支持
我想講既係 , 係納粹上台之後 , 德國人民支持納粹既理由 ,
其實真係唔小 , 反而上台前點樣由一個邊緣小黨 ,
好大程度就真係靠 "謠言" 既作用拉 !!!