政府表示，這些違法和自私行為，增加病毒在社區傳播的風險，予以強烈譴責。政府指，宣揚「港獨」意識的行為，更有可能違反《香港國安法》；又指《香港國安法》生效後兩個多月，社會回復了穩定，市民不再生活在惶恐之中。
攬炒派阻疫煽暴賊心不死，
國安法發威震懾亂港分子！
香港第三波疫情來勢洶洶，正值特區政府實施「普及社區檢測計劃」全力抗疫之際，攬炒派又蠢蠢欲動，唔單止玩嘢全力去破壞特區政府抗疫、抹黑中央助港普檢，琴日更係喺原定立法會選舉之日煽動街頭對抗，嗌「港獨」口號，進行非法遊行。咁樣做唔單止違反本地法律，更違反國安法，喺哩個事件中至少有289人被捕，包括攬炒派政客。哩個就係攬炒派亂港分子無視國安法嘅後果，老虎唔發威，就真以為係病貓喇！
基於香港疫情嚴重，為確保第七屆立法會選舉嘅安全和公平、公正，香港特區政府決定推遲選舉，全國人大常委會對此作出現任議員繼續履職唔少於一年嘅決定，有關安排雖然係迫不得已但亦合乎情理，順應民意。但一啲頑固攬炒派卻執意借9月6日哩個原定選舉日期煽動街頭對抗，並揚言要「重燃戰火」、「絕地反擊」，其中岑子傑、王進洋、黃之鋒等十幾個攬炒派「政棍」更係親曆現場群魔亂舞，隨即有人播放含有宣傳「香港獨立」嘅口號，有人襲警、阻礙警務人員執法執勤，期間警員一度舉起紫旗警告在場者涉嫌違反香港國安法，但亂港分子就好似打咗雞血一樣完全無視警方警告依然我行我素。喺哩種情況下警方遂以幹犯非法集結做出拘捕。被捕者中包括「社民連」大佬梁國雄、黃浩銘、陳皓桓等，另攬炒派區議員岑子傑、曾健成等至少22人亦以違反限聚令被票控。
哩種喺疫情之下公然違反限聚令嘅非法行徑，唔單止係對相關法律和國家意志嘅公然挑釁，更係對廣大市民生命健康嘅冷血漠視。疫情之下，生命至上，但攬炒派為咗一己私慾，不斷阻撓特區政府採取抗疫措施，仲持續抹黑中央內地對香港抗疫工作嘅大力支持。疫情自7月喺香港突然爆發開來，中央為咗盡快助力香港走出「疫」境，唔單止協調大批防疫物資來港，仲派遣「內地核酸檢測支援隊」以及「內地方艙醫院支援隊」協助香港抗擊疫情。但係一小撮亂港分子卻公然叫囂「基因送中」，造謠內地專家「語言唔通」，唔適合支援，更有甚者竟然汙蔑內地團隊可能「帶毒入港」嘅……種種踐踏常識、信口開河嘅荒謬言論全部都反映出亂港分子為謀私利將政治淩駕於市民生命之上嘅醜惡用心。
事實勝於雄辯，喺社會各界嘅努力下，香港推行「普及社區檢測計劃」琴日已經進入第6日，到琴晚8點累計已經有約113.2萬名市民預約檢測，喺哩個期間並未有攬炒派質疑嘅「假陽性」情況發生，且普檢計劃已經檢測出11名確診者，及時避免咗佢哋喺社區播疫，可見普檢計劃喺應對疫情方面確實有效。中央近日更係一鼓作氣增派人手助港疫情清零，特區政府亦將此前被擱置嘅「健康碼」計劃重新提上日程，為香港早日走出疫情陰霾奠定堅實嘅基礎。但就喺哩個節點上，攬炒派唔甘心黑暴之火就此熄滅又來搞破壞，從《蘋果日報》琴日頭版刊登「還我選舉權」文宣到發出「動員令」再到黃之鋒等一批攬炒「政棍」現身示威現場，種種跡象表明哩場煽暴遊行本就係一場有預謀、有組織、有計劃嘅破壞行動。攬炒派哩個根本就係無視抗疫大局、為咗一己政治私利而唔顧他人死活，心思可謂係歹毒至極。
國安法已經落地生效，香港亦正喺度進入由亂入治嘅進程，喺維護國家安全及社會穩定大局上，對任何違反國安法嘅行為都係零容忍。更何況又係喺全民抗疫嘅關鍵時刻，攬炒派等亂港分子嘅種種行徑，完全係以政治淩駕市民健康，為反而反，實在係毫無底線、喪盡天良！早前「亂港四人幫」之首嘅黎智英被捕，今次警方再以違反國安法拘捕至少289人，足以證明中央及特區政府唔信邪、唔怕鬼。任何膽敢以身試法嘅亂港分子，都必將自食其果！
