其實用大企業管理為例
一個公司要請個CEO,唔會用普選
請左個阿貓阿狗黎做,公司唔駛幾耐就冧
要求點都會有多年豐富管理經驗
即使唔係同行專業,至少在另一個域領都係人才
咁都冇法保證一定做得好
民主就唔會要求咁多,世界上權力最大的男人美國總統
奧巴馬為例,做過律師,從政資歷只有短短兩年參議員經驗
靠把口吹水就做左總統
佢落台時候,評價兩極
再舉台灣為例,兩年前冒出條友叫韓國瑜
此人只做過立法委員,陳水扁,馬英九,衰衰地都做過首都巿長
韓國瑜無厘頭選上高雄市長,條友太貪心,以為有機會更上一層樓
一年唔到又去選總統
台灣人就算不支持民進黨,對韓國瑜好有意見
條友資歷做市長可能已經係越級,都唔知道做得好唔好
話晒蔡英文都做過中央政府官員,陸委會主委同行政院副院長
聽投蔡嬸啲非綠支持者講,點差都好過韓國瑜
以前蔣經國時代用人同現今共產黨類似,佢地唔相信天縱英才
人才就算係天生都要經過磨練至會成大器
靠選舉出身,就會選到陳水扁,馬英九,韓國瑜,甚至蔡嬸..九唔搭八就去做領導人
挑選接班人係非常慎重,用選舉方式根本選唔到能人
精英接班制度,精英圈子搵個精英,當然比較容易得多
再舉一個有趣的真實例子
台北現任市長柯文哲,佢信仰民主,任何事都用民主方式解決
第一任市長剛上台,佢下一級官員,部分用"海選"方式招攬
意思係阿貓阿狗可以毛遂自薦,再由台北市民網上投票決定
結果海選出黎啲官員冇個做得長,唔係水土不服,就係能力唔夠
反而內定不經海選,可以做滿一任期
現實是,民選首長並非自己厲害,而係靠下面一班有能力技術官員去支撐
如果呢個民選首長個性優柔寡斷,下面團隊幾有能力都冇用