• 瀏覽: 640
  • 回覆: 2
  • 追帖: 1
[隱藏]
箍頸係慰問 - 曾志豪
https://hk.appledaily.com/column ... ISVEEPDAKDRORUQG2WY/

你哋真係咁憎我哋?係,我哋真係好憎你哋,好憎你哋,唔識英文就算啦,中文係自己母語,可以讀少少書,有返少少常識,唔好搞到連廣東話都唔識好唔好? 先講721,搭膊頭就搭膊頭,老友鬼鬼先會搭膊頭,點解會變成「喝令」?你哋嘅廣東話邊度學返嚟?咁點解你哋喝令議員、示威者、普通市民嘅時候,唔係用搭膊頭式嘅喝罵,而係用咗踩頸式嘅?



再嚟831,大庭廣眾、九萬幾隻眼都望到你哋將個大肚婆喺人堆度箍頸拉跌喺地,點解出到嚟,你哋篇新聞稿,會變成「拉開」咁斯文有禮嘅動作呢?你哋去餐廳食飯,係咪都會咁樣「拉開」度門、「拉開」張餐椅嘅呢?

唯一分別,一個攞武器,一個得道理?唔識中文算數,係咪視力都有問題啊?個大肚婆成個籮咁大個肚,天知地知我知佢知係你哋唔知?同高官一樣,出咗事先知原來有人仲要返工?竟然出份稿話「及後,發現該名女子為一名孕婦」咁趣致?

上年831你哋唔係千里眼一眼就認得出車廂裏面邊啲係普通市民邊啲係暴徒換衫扮嘅普通市民咩?你哋唔係話有專業訓練所以棍棍打落去都唔會打錯人咁巴閉咩?點解依家,你哋連大肚婆都認唔出呢?「及後」?放心,你哋應該係「無後」,無後顧之憂啊,咁多藍絲撐你哋,有咩好擔憂呢?

仲有啊,係咪唔識廣東話「老公」點講呢?篇稿話「拘捕一名男子」,嗰個係人哋老公囉﹗你又唔知啊?打到人哋老公背脊花晒,咁叫做為孕婦提供「協助」同「慰問」?你哋中文真係咁差?

做得出唔怕認,文過飾非、自欺欺人,當然你哋仲有親愛的大台幫你哋洗白遮醜,但你哋都要敬畏吓傳統先得㗎,7月14鬼門關開咗啦,你夠膽咪同佢哋講,上返行人路囉。
。。。。。。。

一件穢,兩件穢,成班可憐蟲每日都活在恥辱中,不知他們的家人怎樣每天面對這些狠毒無廉恥的人。



回覆 引用 TOP

熱賣及精選
九七七一交接時, 巨門化忌陀羅兄
天梁天壽擎羊父, 難為香江夾其中

回覆 引用 TOP

挑,你班仆街講鬼節,羅伯企係你後面呀。
仲有,大肚大晒?你去呢D 地方係咪傻撚左?

[ 本帖最後由 wilsonkf 於 2020-9-3 02:09 AM 編輯 ]



回覆 引用 TOP

[按此隱藏 Google 建議的相符內容]